حجزت 301 هاي لاين

**S.Hasan** · 21-09-2013 01:21 PM

يا جماعة انا حجزت ال 301 هاي لاين وانا اسااسا كل سواقتي مانيوال فحاسس اني متردد بصراحة شايف ان الانسبلي المانيوال خاصة في فرق السعر وكمان انا كده كده هقسط وبرده من ناحية تانية موضوع الاوبشنز اللي في الهاي لاين مزغلله عيني فانا محتاااااااااااااااار جداا

افيدوني

**airac2002** · 21-09-2013 01:41 PM

الاخ العزيز انا مثلك تماما...وتوكلت علي اللة وحجزت الهاي لاين ومستني التسليم

**Haitham Basha** · 21-09-2013 01:41 PM

شوف يا باشا أولاً الف مبروك على الوحش الجميل أوي 301 عربية محترمة جداً و ممتازة و اعتمادية جداً ... ثانياً يا راجل الأوتو بتشتري بيه دماغك و بتريح نفسك يعني هنلاقيها من الشغل و لا البيت و لا الشارع و ما أدراك ما الشارع حيث عفاريت الأسفلت و الحرب اليومية الي بنعمله على شان نروح من حته لي حته يا راجل دا أنا بقيت كل ما أسوق مانويل في البلد دي بحس إن رجلي بتقولي حرام عليك هو احنا مش جسم واحد و لا إيه ههههههههههههه راحة ما بعدها راحة ... انسى بقى قصة المانويل دي مات الكلام يا كبير و بعدين اديك قلتها الكماليات و الأبشنز الي في الهاي لاين مزغلله عنيك و هي بصراحة حلوة أوي و بصراحة إنت كسبت العربية دي انت و كل الي جابها متغيرش رأيك لأنك هترجع تندم كتيييييييييييير أوي بعد كده ... ده رأي و رأيك إنت طبعاً أهم ... تقبل مروري و تحياتي ...

**S O P H O S** · 21-09-2013 02:39 PM

المانيوال جميل
لكن ده زمن الاوتو ..

**هانى القناوى** · 21-09-2013 02:49 PM

الف مبروك مقدما
بس كنت عايز استفسر من حضرتك اكيد لما جحز العربيه دى بحثت عن مواصفاتها ووسائل امان وصاج وثبات الخ الخ
اريت تقولى علشان مش عارف معلومات عنها ياريت تشرح اعلى فيه
ثبات وصاج وامكانيات وسائل الامان والابشن وقوه التاكيف هل ال 301 فيه مشاكل كتيره واخبار التوكيل وقطع الغيار
والف مبروك للمره الثانيه

**هانى القناوى** · 21-09-2013 03:16 PM

اه هل واسعه جوه والكنبه اللى ورا مريحه ؟
السعر كام لا على فئه

**mohjarr** · 21-09-2013 03:44 PM

المشاركة الأصلية كتبت بواسطة هانى القناوى

اه هل واسعه جوه والكنبه اللى ورا مريحه ؟
السعر كام لا على فئه

السيارة واسعة جداً من الداخل و لا يظهر ذلك من الخارج يعنى مظهرها يخدع الصراحة و شنطتها واسعة جداً و تشيل كتير!
الكنبة مريحة و السعر لأعلى فئة 135.900جنية من التوكيل.. و المعارض تضيف أوفر برايس بإختلاف التوكيل وذلك للتسليم الفورى و إن كنت أفضل شرائها من التوكيل و عدم دفع الأوفر برايس حتى لا نشجع التجار على جشعهم .

**mohjarr** · 21-09-2013 03:54 PM

المشاركة الأصلية كتبت بواسطة moha_2k

يا جماعة انا حجزت ال 301 هاي لاين وانا اسااسا كل سواقتي مانيوال فحاسس اني متردد بصراحة شايف ان الانسبلي المانيوال خاصة في فرق السعر وكمان انا كده كده هقسط وبرده من ناحية تانية موضوع الاوبشنز اللي في الهاي لاين مزغلله عيني فانا محتاااااااااااااااار جداا

افيدوني

أولاً ألف مبروك عليك و إختيار موفق إن شاء الله... نقطة الأتوماتيك و المانوال دى إنت كده بشرائك للأتوماتيك عندك الإثنين يعنى لو حولت الفتيس على التيبترونيك سوف يكون لديك كامل التحكم فى السيارة مثل المانوال بالظبط و أسهل لأستخدامك علامتى ال + و - للنقلات و الفارق الوحيد أنه لا يوجد دبرياج .
الصراحة المانوال متعب جداً فى بلدنا و الزحمة إللى موجودة فى كل حته .. أنا بأرجع من شغلى كل يوم فى ساعتين و نص على الأقل فى مشوار لا يستغرق نص ساعة يعنى لو عربيتى كانت مانوال كنت بعتها بسبب ذلك .

**S.Hasan** · 21-09-2013 04:14 PM

المشاركة الأصلية كتبت بواسطة mohjarr

أولاً ألف مبروك عليك و إختيار موفق إن شاء الله... نقطة الأتوماتيك و المانوال دى إنت كده بشرائك للأتوماتيك عندك الإثنين يعنى لو حولت الفتيس على التيبترونيك سوف يكون لديك كامل التحكم فى السيارة مثل المانوال بالظبط و أسهل لأستخدامك علامتى ال + و - للنقلات و الفارق الوحيد أنه لا يوجد دبرياج .
الصراحة المانوال متعب جداً فى بلدنا و الزحمة إللى موجودة فى كل حته .. أنا بأرجع من شغلى كل يوم فى ساعتين و نص على الأقل فى مشوار لا يستغرق نص ساعة يعنى لو عربيتى كانت مانوال كنت بعتها بسبب ذلك .

شكرا لردك طيب الفتيس بتاعها ومضووع النتشة دي اخبارها ايه ؟

**S.Hasan** · 21-09-2013 04:15 PM

المشاركة الأصلية كتبت بواسطة هانى القناوى

الف مبروك مقدما
بس كنت عايز استفسر من حضرتك اكيد لما جحز العربيه دى بحثت عن مواصفاتها ووسائل امان وصاج وثبات الخ الخ
اريت تقولى علشان مش عارف معلومات عنها ياريت تشرح اعلى فيه
ثبات وصاج وامكانيات وسائل الامان والابشن وقوه التاكيف هل ال 301 فيه مشاكل كتيره واخبار التوكيل وقطع الغيار
والف مبروك للمره الثانيه