الموضوع: اسكاترة السيراتو باظت

معايا سيراتو اتوماتيك خليجى 2011 من الزيرو والعربية عاملة 29000 كيلو متر بس

من حوالى اسبوعين سمعت زى صوت تخبيط جاى من تحت العربية لما امشى فى طريق مكسر
انما فى الطرق النضيفة مبسمعوش
افتكرتها حاجة فى العفشة فرجت للعفشجى فبص على العفشة وقالى انها زى الفل وقالى بص على الشكمان
رحت لبتاع الشكمانات وبص على الشكمان وقالى انه زى الفل
فرحت للمكانيكى وركب معايا جرب العربية وبعدين رجعنا على الورشة ونزل تحت العربية وقعد يقول حرك الدريكسون يمين وشمال وكان بيبان صوت التخبيط على خفيف
وبعدين طلع من تحت العربية وقالى الاسكاترة فيها بوش والصوت دة طالع منها وقالى انت بتمشى فى جتت مكسرة كتير قلتلة طريق شغلى مكسر ومدغدغ فقال ليا الاسكاترة باظت من كدة
واتصل قدامى على واحد بتاع قطع غيار استيراد وقاله ان الاسكاترة عندة وتمنها تمنها 2800 جنية
انا لسة مسألتش على سعرها جديد واستيراد ونازل بكرة او بعده ان شاء الله اسأل
وانا ليا شوية استفسارات
1- فى حد فى المنتدى حصلة العيب دة قبل كدة
2- واذا حصلة فهل كان العيب من الاسكاترة فعلا
3- واذا كانت الاسكاترة هى العيب فسعرها جديد كام وسعرها استيراد كام
4- وهل من الممكن اصلاح الاسكاترة دون تغييرها
5-وهل فعلا الطرق المكسرة كتر المشى فيها يبوظ الاسكاترة
ارجو سرعه الرد واكون لكم شاكرا

المشاركة الأصلية كتبت بواسطة eng.salama93

التخبيط فعلا سبب من اسبابه جلب المقصات
بس طالما الميكانيكي جربهاله و هو واقف و خلاه يلف الدركسيون يمين و شمال و حس بالتخبيط يبقي الإسكترا ان شاء الله

الميكانيكى الى بتعمل معاه ماشاء الله شاطر جدا ومحترم
وقالى بردة للاحتياط انى اروح اضبط زوايا عند واحد بتاع زوايا عندنا فى الزقازيق شاطر وشهير اسمة شيبوب علشان نتاكد من ان العيب من الاسكاترة

-وصحيح مين الاشطر فى تشخيص وتصليح جلب المقصات الميكانيكى ولا العفشجى
-وهل اذا العيب فعلا من جلب المقصات بغير جلب فقط ولا المقصات كلها

معلش يا رجالة اخوكوا جديد فى الحاجات دى