رخصة العربية تخلص اول يوم العيد و انا مسافر الغردقة تالت يوم العيد

**Derp** · 21-09-2013 04:08 PM

السلام عليكم
انا رخصة العربية تخلص اول يوم العيد و انا مسافر الغردقة تالت يوم العيد و هعدى على كماين كتير و فى حد قال لى ان لك شهر سماح تجدد فيه الترخيص عشان متدفعش غرامة و انت بتجدد و لاكن مش مسموح لك انك تمشى بيها و ان الرخص هتتسحب من اى ضابط رخم, فعلا الكلام ده صحيح ؟؟

**Haitham Basha** · 21-09-2013 04:13 PM

هو فعلاً ليك شهر سماح بس لو ضابط مش متفهم يعني مش هيسبك و هيسحبها منك و يعملك مخالفة . إنت ممكن على فكره تجددها قبل معادها عادي يعني بي أربع خمس تيام مش أضيه و انت الكسبان و بتشتري نفسك من السخافات الي ممكن و أكيد بتحصل اليومين دول ... و ترح و ترجع بالسلامة إن شاء الله ...

**janagabr** · 21-09-2013 04:23 PM

المشاركة الأصلية كتبت بواسطة derp

السلام عليكم و ان الرخص هتتسحب من اى ضابط رخم, فعلا الكلام ده صحيح ؟؟

يعني ايه ظابط رخم ما انت عارف ان رخصتك هتخلص من يوم ما انت عملتها ما تنزل دلوقتي ولا اي يوم تجددها
امشي صح يا باشا محدش هيكلمك
مش فاهم انا الناس عايزه تخش علي لجنة المفيم العربية واللي رخصته خالصانه واللي معندوش فوانيس اماميه والي والي والي. مش عايز حد يكلمه طاب ما الظابط كان فض اللجنة وراح نام في بيته وسط مراته وعياله
متزعلش يا باشا مني لكني احب احترام القانون والنظام حتي لو كنت انا لوحدي اللي بحترمه لان ثواب الاحترام من عند الله وليس من عند الناس

**abo_lamar** · 21-09-2013 04:50 PM

جدد رخصتك دلوقتي احسن ...

**Derp** · 21-09-2013 04:56 PM

المشاركة الأصلية كتبت بواسطة haitham basha

هو فعلاً ليك شهر سماح بس لو ضابط مش متفهم يعني مش هيسبك و هيسحبها منك و يعملك مخالفة . إنت ممكن على فكره تجددها قبل معادها عادي يعني بي أربع خمس تيام مش أضيه و انت الكسبان و بتشتري نفسك من السخافات الي ممكن و أكيد بتحصل اليومين دول ... و ترح و ترجع بالسلامة إن شاء الله ...

الله يسلمك, يعنى بنفع اروح اجدد قبل ما الرخصة تخلص ؟

**Derp** · 21-09-2013 05:00 PM

المشاركة الأصلية كتبت بواسطة janagabr

يعني ايه ظابط رخم ما انت عارف ان رخصتك هتخلص من يوم ما انت عملتها ما تنزل دلوقتي ولا اي يوم تجددها
امشي صح يا باشا محدش هيكلمك
مش فاهم انا الناس عايزه تخش علي لجنة المفيم العربية واللي رخصته خالصانه واللي معندوش فوانيس اماميه والي والي والي. مش عايز حد يكلمه طاب ما الظابط كان فض اللجنة وراح نام في بيته وسط مراته وعياله
متزعلش يا باشا مني لكني احب احترام القانون والنظام حتي لو كنت انا لوحدي اللي بحترمه لان ثواب الاحترام من عند الله وليس من عند الناس

يا باشا ركز فى اللى انا قولته, انا بسأل هل ينفع امشى بيها فى الشارع فى شهر السماح ولا لأ عشان ابقى ماشى فى السليم !!

**3ateef** · 21-09-2013 05:05 PM

عادى ممكن تجدد قبل ميعادك.

**lidosasa** · 21-09-2013 06:31 PM

مادة ( 22 )
تنقضى صلاحية ترخيص تسيير المركبة بإنقضاء أجله دون تجديد ويكون تجديد رخصة المركبة فى موعد لا يجاوز الثلاثين يوما التالية لإنتهاء مدة الترخيص
دا نص المادة 22 من قانون المرور رقم 121 لسنة 2008 يعنى مفيش حاجة إسمها ظابط رخم وظابط إبن حلال فلا إجتهاد مع صريح النص . تقدر تجدد دلوقتى خير وبركة متقدرش سافر ولما تيجى بالسلامة تبقى تجدد