سؤال متكرر اعمل صيانه فين لفيرنا اوتوماتيك 2010

**tselpr** · 21-09-2013 06:16 PM

السلام عليكم
ارجو من اصحاب الخبرة افادتى فى اماكن عمل صيانه للفيرنا الاوتوماتيك موديل 2010 مع العلم
انى لم اعمل لها اى صيانه وهى الان عامله 90000 كم
طبعا غيرت مره واحده تيل الفرامل وزيت وفلتر الاوتوماتيك وفلتر الهواء والبنزين فقط
لكن انا عايز اعمل الصيانه الخاصه بالماكينه والسيور وكده طقم سرفيس زى مابيقولوا وكمان عايز حد اغير عنده الشكمان ضرورى لانه عامل صوت عالى لأنه مستهلك ودايب وعايز طلمبة باور لان الباور تقيل شويه وبيصفر مع كسر الدركسيون للاخر يا ريت تفيدونى بالمعلومات عن اعمل ايه فى السياره وعند مين من المحترمين ، وشكرا

**eng.salama93** · 21-09-2013 06:38 PM

انتا بتقول انك غيرت الزيت و التيل مرة واحدة ... هل الكلام دا صح ولا انا اللي فاهم غلط ؟؟

**tselpr** · 22-09-2013 01:10 AM

اه مره واحده انا استعمالى خفيف وطبعا المقصود زيت الاتوماتيك وليس الموتور والفرامل غيرتها على 60 الف وشغاله حتى الان
وايه يا جماعه محدش رد عليا باى معلومات حتى

**Ashraf_Ibrahim** · 22-09-2013 02:07 AM

اولا احب اقول لحضرتك انك تحمد ربنا وتبسو ايدك وش وضهر ان العربية ماشية معاك
وتحمد ربنا مليون مرة ان سير الكاتينة مقطعش معاك لحد دلوقتي !
العمر الافتراضي للسيور يا عزيزي اما 60000 كم او 3 سنين ايهما اقرب وانت عديت ال 3 سنين وعديت ال 60000 كم بكتير
سياتك فيه سبيد سيرفيس ممكن تعمل عنده الصيانة واتمنى متتحركش بالعربية غير على الميكانيكي اللي هتعمل عنده الصيانة لأن وارد سير الكاتينة يقطع منك في اي لحظى
ربنا يسترها عليك
معلش حضرتك مجبتش سيرة زيت الموتور حضرتك غيرته واللا زيت الفابريكة !؟
وبعدين ازاي اتوماتيك تغير تيل فرامل مرة واحدة خلال 90000 كم ؟!
دا المانيوال معايا بغير تيل كل 30000 كم تقريبا يعني الاتوماتيك المفروض اقل من كدة !

**Ashraf_Ibrahim** · 22-09-2013 09:48 AM

المشاركة الأصلية كتبت بواسطة tselpr

شكرا لردك استاذ ابراهيم
شكلى هروح سبيد سرفيس الاول قبل ما اروح شرم بس رايك اجيب قطع الغيار من عنده ولا من بره
وايه رايك فى موضوع طلمبة الباور
طبعا زيت المحرك بغيره على طول كل 10 الاف
بس بوجه عام العربيه صوتها عالى وسحبها قل وخشنه
وياريت افاده حول انسب مكان لشراء الشكمان ونوعه

اوعا تطلع بيها شرم !
دي مخاطرة كبيرة جداااااااااااااااااااااا
اعمل الصيانة الاول
فيه محل في جسر السويس اسمه اوتو عمرو سبيد سيرفيس بيتعامل معاه هات من عنده قطع الغيار الاصلية
هتحتاج سير كاتينة وسير باور وسير دينامو وبليتين كاتينه وفلتر هوا وفلتر زيت لو هتغير زيت وفلتر بنزين وتيل فرامل لو هتغير تيل
طلبة الباور الاستيراد تقريبا بتعمل 150 جنيه والجديدة بتعمل في رينج 300 جنيه وهي فعلا لما بتعمل صوت وتتقل بتبقا خشنة وبتحتاج التغيير دي مفيهاش مشكلة طبعا
الصوت والسحب واستهلاك البنزين كل دا ناتج عن عدم متابعة العربية وعمل الصيانة اللازمة ومتنساش تراجع ضغط الهوا في الاطارات وكمان تضبط زوايا
انسب مكان هو مصنع ابو اليزيد دا في اكتوبر ودا اللي بيعمل شكمان الفيرنا ويديه لغبور اصلا
بالتوفيق ان شاء الله :]

**tselpr** · 23-09-2013 01:41 PM

هو سبيد سرفيس ده فى شارع صغير كده خلف بدر والمحل بردو واجهته صغيره ولا ايه اصل انا عند المحل دلوقتى وشاكك فيه

**Ashraf_Ibrahim** · 24-09-2013 02:01 AM

ايوة بالفعل هو دا :]

الموضوع: سؤال متكرر اعمل صيانه فين لفيرنا اوتوماتيك 2010

LinkBack

أدوات الموضوع

عرض

سؤال متكرر اعمل صيانه فين لفيرنا اوتوماتيك 2010 - انشر الموضوع فى :

-

-

-

المواضيع المتشابهه

اعمل صيانه الاف فين ؟؟

فتيس اوتوماتيك لفيرنا 2009

معلش سؤال متكرر بس انا معرفش اجابته

صيانه 1000 الانترا 2012 اوتوماتيك فى ابو رواش اول و اخر مره

سؤال عن تغير الزيت لفيرنا

الكلمات الدلالية لهذا الموضوع

المفضلات

المفضلات

ضوابط المشاركة