استفسار بخصوص صيانة الكروز

**A.Helmi** · 21-09-2013 07:27 PM

السلام عليكم

دي اول مشاركة ليا في الموقع و اتمني اني استفيد من خبراتكم

دلوقتي بالنسبة لصيانة كروز 2010 اوتو و عاملة حوالي 15000 كيلو وهي برة الضمان

1- الصيانة افضل في التوكيل ولا مركز خدمة معتمد؟؟ و ايه الفرق؟

2- الحجز للصيانة بياخد اد ايه وقت؟

3- قريت كتير جدا عن زيت الفتيس في موديل 2010 و معلوماتي انه لازم يتغير في التوكيل بس عند ال 45000 كيلو .. سؤالي هو هل الزيت ده له عمر معين؟ يعني ال 3 سنين دي متفرقش في عمر الزيت طالما معداش ال 45000 كيلو؟

4- هل لازم اطلب من التوكيل انه يكشفلي علي زيت الفتيس ولا هو بيشوف العربية و بيقولي هي محتاجة ايه بالضبط؟

معلش فيه اسئلة غبية بس لا خاب من استشار

**Medo.Malek** · 21-09-2013 09:03 PM

1- بالنسبة للتوكيل و مراكز الخدمة المعتمدة فا الاسعار بتبقى موحدة فى الغالب و الفرق بين مركز و التانى ان ممكن يكون مركز فى ناس كويسين جدا و فاهمين العربية كويس و عندهم قطع الغيار و مراكز العكس
بالنسبة لمستوى التوكيل و مين احسن مركز خدمة اصحاب العربية يفيدوك اكتر منى :)
2- فى الغالب انت بتحدد معاهم المعاد اللى يناسبك ( من خلال تجربتى فى توكيل اسكندرية ) و ممكن يكون بعدها بأيام قليلة على حسب الضغط على المكان اللى هاتروحه
3- طبعا ليه عمر معين و هو اقصى حد سنة و نص (عشان تبقى فى الامان ) و الموديل دة بالذات فتيسه غبى و عندى عربية فتيسها باظ عشان مشيت على الزيت زيادة عن عمره الافتراضى (خطا من التوكيل ) !!
4- مفيش توكيل فى مصر يهمه مصلحة العميل و عربيته كلهم واخدنها تجارة و اللى يبيعلك قطع غيار اكتر يبقى شاطر فيهم !!
لازم تتابع صيانة عربيتك بنفسك و تقولهم يعملوا اية و اية يستنى و اية يتصلح عندهم و اية يتصلح برة التوكيل
و لو عايز تعرف اكتر عن صيانة العربية اسأل ملاكها هنا و هما يفيدوك بتجاربهم
بالتوفيق :)

**abou-yahia** · 22-09-2013 09:14 AM

http://www.nilemotors.net/Nile/338444-a.html

**mido** · 23-09-2013 03:59 PM

انا بعمل الصيانة فى منصور الهرم بس بروح فى نص الاسبوع عشان الزحمة و اتصل احجز و انا شايف منصور احسن عشان العربية دى معقدة و ممكن اى حد يلعب فيها
بالنسبة لتغير الزيت اسئل لما تروح منصور واى زيت ليه عمر معين ولازم يتغير اى كان عدد السنين حتى لو العربية مركونة
بالنسبة لمراكز الخدمة انا اتعاملت 4 سنين مع مقار و كانوا ممتازين فى الافيو
اتعاملت مع اوتو ماستر و كانوا مش كويسين بس بيأدوا الغرض فى الافيو برضه