المشاركة الأصلية كتبت بواسطة svneleven
الأهلي المصري و الأهلي سوسيتيه زيهم زي مكتب البريد.
عامة كل البنوك في مصر مش علي المستوي المطلوب زيهم زي كل المؤسسات في مصر.
المهم HSBC محترم و فروعة منتشرة لكن طبعا مش كتير زي NSGB و CIB و البنوك الحكومية.
لازم تفتح الحساب و تعمل ايداع ب 10000 جنيه أو ما يعادلهم من العملات الأجنبية.
ما فيش مصاريف حساب الا لو رصيدك أقل عن 10000 في أي شهر. أظن بتدفع 45 جنيه في الشهر ده.
ال Internet banking عالمي وبتعمل منه كل حاجة تحويل و تغيير عملة و تفتح حسابات و تقفل حسابات و خدمة عملاء كملن.
95% من فروعة فاتح للساعة 5 و فيه شوية فروع بتفتح كل أيام الأسبوع زي فرع هايبر.
عيبة الأساسي أن فوايده و ال saving plans فوايدها قليلة و حضرتك قولت أن ده مش مشكلة ليك زيي بالظبط و ده اللي مخليني معاهم لأكتر من 6 سنين تقريبا.
فيه عملا عاديين و فيه Advance للي حسابه أكتر من 150 ألف و فيه Premier للي حسابة أكتر من 600 الف.
أتمني أكون أفدت حضرتك.