عرض للطباعة
ناس كتيرة من اللى معاها اتصالات اتصل بيها الرقم ده 24139500 و سألها عن حاجات فى شبكات المحمول و جودة الخدمة .. ان مش مسجل فى اي خدمة و لا عن طريق النت فى اي حاجة الا اتصالات بورتال بس.
للأسف تقريبا بيبيعوا بيانات العملاء لشركات زي ديه و شركات الدعاية و مسابقات و هبل
خلصنا من فودافون ابتدينا فى اتصالات بقى حاجة زفت:fun_10_9_134[1]:
وانا كمان اتصل بى نفس الرقم مره والرفم ده 24137950 مره تانية
متصلش بيا علي اي خط
المهم انه ميكنش عاوز بيانات لشئ
انا محدش كلمني ولو حد كلمني هقفل في وشة
غالبا بتكون شركات أبحاث تسويق بتجري مسوح لصالح شركات المحمول عشان تعرف آراء المشتركين في الخدمات والعروض الجديدة قبل طرحها.
شركات المحمول هي اللي بتدي أرقام المشتركين للشركات دي عشان يتم منهم اختيار عينة البحث،
غالبا كمان بيسألوا عن ممتلكات الأسرة (سيارات، أجهزة كهربائية) ، الحالة التعليمية والعملية لرب الأسرة عشان يصنفوا المبحوثين لطبقات (فئات)
مفيش داعي للخوف طالما ما سألكش عن بياناتك الشخصية (العنوان بالتفصيل مثلا أو رقم بطاقتك وهكذا)
اتصل من شويه و قفل بعد ما رديت من غير ميقول ولا كلمه .... :)
اتصل بيا على رقم فودافون، بتسألني عن افضل شبكة، قولتلها كلهم زبالة :)
انا اداني نص رنة و قفل +22455101780
برافوا .. ده كلام سليماقتباس:
المشاركة الأصلية كتبت بواسطة عزيز محمد
انا شغال فى المجال ده (ابحاث التسويق) وخبرتي كلها فى شركات الموبايل .. بالعكس انا اشجع كل واحد انه يرد على المكالمة ويقول رأيه بصراحة جدا وياخد راحته جدا فى الكلام
لان الكلام اللى بتقوله هو ده اللى بروح انا شخصيا واقوله لشركات الموبايل وانفخهم عليه .. وبالتالي بيحسنوا شبكتهم او عروضهم او اي حاجة تانية
وياما وقفتلهم حاجات بعد ما صرفوا عليها بسبب اراء العملاء بتوعها ..
انا ممكن اشرح كل حاجة ليكو .. بس انا ضد مبدأ انى مقولش رأيي
ملحوظة: انا معرفش الرقم ده بتاع اي شركة وهحاول اشوف .. لكن انا بتكلم على المجال عموما
المشكله انه بيتكلم و مش عارف بيكلم مين و يبدا يسال عن معلومات على الرغم انه فى اول المكالمه بيقول انه بيتصل بناء على تفويض من شركة المحمول .... فى اللحظه دى بقوله خد المعلومات من الشركه و تعالى اسال عن رايى بس مش هديك معلومات !
ممكن جداً يكون الجهاز القومي لتنظيم الاتصالات نترا.
هما على طول بيعملوا استطلاعات راي للمشتركين في شركات المحمول
شكرا ياباشااقتباس:
المشاركة الأصلية كتبت بواسطة الجنرال
وياريت تفاصيل اكتر
اقتباس:
المشاركة الأصلية كتبت بواسطة mohamed_selim
ده حقيقي .. لان شركة الموبايل لو بعتتلي ارقام الناس وبياناتهم يبقي كده هيا اخلت بشروط العقد اللى بينك وبينها (عدم افصاح معلوماتك لاي جهة) وبالتالي احنا اللى بنجيب المعلومات
احيانا بتدينا داتا بيز وارقام موبايلات ناس عملوا حاجة معينة احنا عايزينها .. مثلا اشترك فى عرض بتاع رمضان .. وهما عايزين يعرفوا ايه رأي الناس اللى اشتركت فى العرض وايه اللى عاجبها وايه اللى مش عاجبها .. ونعرض عليها عرض جديد هينزل من الشركة علشان نشوف ايه رأيها
او مثلا عايزين نكلم ناس مشتركة على باقات انترنت علشان نشوف الشبكة عاملة ايه .. كده يعنى .. لكن لا يمكن ابدا ان الشركة تدينا معلومات العميل .. لان ممكن بكل سهولة (لو شركة ابحاث مش محترمة) تاخد البيانات دي وتبيعها (لان فيها الاسم والعنوان والبطاقة وكذا كذا كذا) او تستغلها استغلال سيئ (ابتزاز .. سرقة .. احتيال)
لكن لو واحد معاه رقم موبايل بس.. خلاص شوف هتعمل ايه برقم الموبايل
علشان كده احنا اه معانا تفويض من شركة الموبايل .. لكن مش معانا اي داتا عن العملاء اللى بنكلمهم
نقطة تانية: وهي ليه في الاخر بنسأل اسئلة شخصية (السكن والدخل والممتلكات والتعليم وغيرها)
لان ثقافات الناس مختلفة .. وكل واحد مستواه الاجتماعي والمادي والتعليمي بياثر على نظرته وتقييمه للامور
فمثلا: واحد دخله على قده او عنده مشاكل مادية وتعليمه شهادة ابتدائي .. اكيد معندهوش مشكلة لما الشبكة تفصل اثناء المكالمة .. على عكس واحد معاه شهادة جامعية وشغال فى شركة .. على عكس واحد تاني رجل اعمال وصاحب شركة
كل واحد نظرته وتقييمه بتفرق .. بس كده
بالعكس ده معناه ان الشركة ادت له الارقام بس و ما ادتلوش معلومات حفاظا على سرية معلوماتك من التسرب لطرف تالت (شركة الابحاث)اقتباس:
المشاركة الأصلية كتبت بواسطة mohamed_selim
جميل ... اضمن منين اللى انا بكلمه ده فعلا من احد الشركات دى ولا نصاب ؟ او ان الشركه دى محترمه فمضمون اديهم معلومات ولا ممكن المعلومات دى تستخدم بطريقه مش مظبوطه؟
ما تديلوش اسمك و لا عنوانك و لا اي حاجة يستدل بيها عليك شخصيااقتباس:
المشاركة الأصلية كتبت بواسطة mohamed_selim
بس ممكن معلومات عامة
زي منطقة السكن, مجال العمل, العمر ....... الخ
كلموني قبل كده قلتله كلمني كمان 10 دقايق واتصلت بخدمه العملاء.واكدولي انها شركه استطلاع راي واي سؤال.ميعجبنيش.مجاؤبوش و اما اتضلت بيا.الشركه تاني قالتلي اي.سؤال.تفضل. متجاوبوش قول ومسئلتش عن معلومات خاصه اصلا. كلها،معلومات عامه
Sent from my Xperia Arc S using Forum Runner
اعتقد ان الناس قالت على الطرق المعتادة:اقتباس:
المشاركة الأصلية كتبت بواسطة mohamed_selim
1- يا اما تتصل بالشركة بتاعت الموبايل وتسألهم
2- يا اما تبقى حريص فى اجاباتك وخصوصا الاجابات الخاصة (اديهم المعلومات لكن عامة .. مثلا الدخل بتاعك كام .. قوله من 5 الالاف الى 10 الالاف مثلا .. متديهوش رقم معين .. يسألك انت ساكن فين .. قوله فى المهندسين ومتقولش الشارع ولا العمارة .. لما يسألك الاسم قوله الاسم الثنائي محمد احمد مثلا ) كده يعنى
3- انك تعرف منه اسم شركته وعنوانها (بتاعت الابحاث الى شغال فيها) وتعمل سيرش عليها وتدخل على الويب سايت وتشوف
4- في بعض الاحيان ممكن يوقفك فى الشارع ويملى معاك الاستمارة .. في الحالة دي تقدر تشوف هو بيكتب ايه (واحيانا بيطلب من العميل اللى قال الاجابات انك تمضى على الاستمارة وانك موافق على الاجابات بتاعتك)
في الاخر .. الضمانة الوحيدة هو انك متقولهوش على معلومات شخصية قوي