اللأخلاق بين المدينه والقريه

السلام عليكم ورحمه الله وبركاته
لسه راجع من مدينه الأسكندريه أمبارح
وحقيقى لمست فى الرحله الأخيره الفرق الكبير بين عادات وتقاليد المدينه والقريه
نقلت محتويات شقه أخى من رأس التين
ألى خلف أبو العباس
أول مشكله
واحد ضرب جرس الباب الساعه ٣الصبح
وأنا نايم وأتخضيت وجريت ولقيت البيه بيشتكى من صوت التكييف مع العلم أن الشقه دى بتتفتح فى السنه شهر واحد
طبعا أخد ألى فيه النصيب ومشى
تانى مشكله

بعد ما نزلت العقش من الدور ال ١٥
بدون أستخدام الأسنسير ولا مره بنائا على تعليمات البهوات أتحاد ملاك العماره مع أنى مالك لشقه برضوا
وروحنه العماره الجديده ولسه النص نقل راجع بضهره لمدخل العماره يقوم البيه صاحب محل تحت العماره يتخانق معانا وعايز العربيه تنزل الحاجه بعيد عنه وعايز ١٠٠جنيه مقابل عطلطه وبصراحه لو طاوعته هيبئى كده علم عليه فبعدت خلص عنه ولقيته عيل بلطجى ولامم حواليه شويه صيع وبصراحه خوفت على عربيتى وعلى العفش وعلى الحريم ألى معايا ولميت الدور
أنتوا عارفين لو عندنا حد بينقل كده
القريه كلها بتجامل بعض وبيساعدوا بعض فى الأفراح والمناسبات
طول عمرى محدش أشتكى من تكييف عندى
الحمد لله أنى عايش فى قريه
كميه رهيبه من الحقد والكراهيه والغل فى قلوب البشر
كله بتاع مصلحته وبس
ده حتى مفيش سلام عليك ولا على البركه ولا يباركلك ولا حتى حد بيضحك فى وشك
كله بينهش فى بعضه
وده ميمنعش أن فيه ناس كويسيين برضوا لكن الكام موقف دول أد أيه أثروا فيه جدا
والسلام ختام

البلد كلها عاوزة النسف سواء مدن او أرياف ، ربنا يرزقنا ويرزقك بهجرة تريح قلوبنا :)

اقتباس:

---

المشاركة الأصلية كتبت بواسطة Terrible_DaRsH

البلد كلها عاوزة النسف سواء مدن او أرياف ، ربنا يرزقنا ويرزقك بهجرة تريح قلوبنا :)

---

أأأأأأأأأأأأأأأأأأأأأأأأأ أأأأأأأأأأأأأأأأأأأأأأأأأ أأأأأأأأأأأأأأأأأأأأأأأأأ امين :praying:

الأخلاق فى أدنى مستوى لها فى مصر عموماً لكنها تختلف طبعاً من المدينة للريف لكن كله مش زى زمان لا ذوق ولا إنسانية . شعب بيصحى من النوم على أغنية أديك فى الجركن ويتغدى وهو بتفرج على عبده موتة وينام على مهرجانات . بعد ما كنا بنام على إذاعة القرآن الكريم ونصحى على يا صباح الخير ياللى معانا وبصبح عليك وكلمتين وبس .
كل واحد بيتصرف فى مصر وكأن الشارع ملكه زى الغابة بالظبط كلما زادت قوتك زادت مكتسباتك وسيطرتك إنها أخلاق الزحام ربنا يعوض على البلد حنقعد سنين ( دا لو مشينا أصلاً فى الإتجاه الصح واللى إحنا بعيد عنه كل البعد حالياً ) عشان نصلح اخلاق أهلها اللى إنهارت

طبعا عنك حق
بس مازال فى ناس كويسه فى المدينه يمكن مش بحجم أهل القرى بس فيه
الأخلق مرتبطه بالدين لان الدين من عند الله وطلما عرفت ربنا يبقى هخاف اخلاقى متكنش كويسه وهحب فى نفس الوقت اخلاقى تكون كويسه عشان اضى الله .

فى ناس زوق فى المدينه فى الأماكن الراقيه وفى ناس ولاد بلد وجدعان اوى فى المناطق الشعبيه

متزعلش نفسك وزى ماشفت الوحش أن شاء الله تشوف الكويس
باين عليك انسان كويس عشان كده الموضوع ماثر فيك
ربنا يرحمنا ويهدينا جميعا

اقتباس:

---

المشاركة الأصلية كتبت بواسطة terrible_darsh

البلد كلها عاوزة النسف سواء مدن او أرياف ، ربنا يرزقنا ويرزقك بهجرة تريح قلوبنا :)

---

والله عسل هههههههههههه انه التسونامي

اقتباس:

---

المشاركة الأصلية كتبت بواسطة lidosasa

. شعب بيصحى من النوم على أغنية أديك فى الجركن ويتغدى وهو بتفرج على عبده موتة وينام على مهرجانات . بعد ما كنا بنام على إذاعة القرآن الكريم ونصحى على يا صباح الخير ياللى معانا وبصبح عليك وكلمتين وبس

---

هههههههههه ضحك السنين ا / hossamalsadik الاخلاق ليس لها علاقة بالدين

صديقي المواطن
في مصر دلوأتي أزمة أخلاق شديدة.اللهجة.وبقت صعبة أوي في مصر تعرف تخلف ولاد وتربيهم ومش عارف الحال حيتدهور خلقيا لغاية فين
ودمتم للنضال

اقتباس:

---

المشاركة الأصلية كتبت بواسطة janagabr

الاخلاق ليس لها علاقة بالدين

---

مختلف معاك جدا يا باشا

انت يمكن تكون افتكرت كده بسبب التصرفات اللاخلاقية اللى بتظهر من بعض الملتزمين ظاهريا فقط
و احب اقولك ان الناس دى مفهمتش الدين كامل
الدين عقائد عبادات معاملات وآداب و ليس عبادات فقط زى ما فى ناس فاكره ان الدين صلاة و صوم

و من اجمل الاحاديث اللى قريتها عن الموضوع دا
عن أبي هريرة رضي اله عنه أن النبي صلى الله عليه وسلم قال : (( والله لا يؤمن ، والله لا يؤمن ، والله لا يؤمن )) ! قيل : من يا رسول الله ؟ قال : (( الذي لا يأمن جاره بوائقه !)) متفق عليه ,,,,, (( البوائق )) : الغوائل والشرور

و طبعا الحديث مفسر نفسه دا و بالتالى اللى بيطبق الدين صح لازم هتلاقى اخلاقه كويسة
غير احاديث تانية كتيييييييييير زى

قوله صلى الله عليه وسلم: "إنما بعثت لأتمم مكارم الأخلاق"رواه مالك

قوله صلى الله عليه وسلم: "ألا أخبركم بأحبكم إلي وأقربكم مني مجلساً يوم القيامة؟ فأعادها ثلاثاً أو مرتين. قالوا: نعم يا رسول الله. قال: "أحسنكم خلقاً" رواه أحمد وجوَّد إسناده الهيثمي.



و بالتالى الدين كله اخلاق و مينفعش نقول (الاخلاق ليس لها علاقة بالدين)

و مش الاسلام بس اللى بيدعو للاخلاق ,,
كل الاديان السماوية بتدعو للاخلاق و كتير من الاديان الغير سماوية كمان , ان مكانش كلها ,
بتدعو للاخلاق
,
,
,
,
,
,
حاجة اخيرة ,, الاخلاق مش مقتصرة على المتتدينين , فى ناس كتير مش ملتزمة او حتى مالهاش دين اصلا و اخلاقها عالية و السويد و اليابان من اقوى الامثلة على كدة

الخلاصة ,,
كل ملتزم فاهم الدين صح هتكون اخلاقة كويسة و العكس غير صحيح بالنسبة لغير الملتزمين

all the time
it was bad like this

evil people
everything by force

hatred , envy , grudge



we tried the religious to fix it up
you found them the worst liars and manipulators

so there is no hope
even old people abroad is the same

evil
evil
evil

انت ليه افترضت انهم كانوا religious ?

الموضوع اكبر من كونه شوية شعارات دينية يضحك بيهم ع البسطاء

اقتباس:

---

المشاركة الأصلية كتبت بواسطة janagabr

هههههههههه ضحك السنين ا / hossamalsadik الاخلاق ليس لها علاقة بالدين

---

أزى
"إنما بعثت لإتمم مكارم الاخلاق" قول رسول الله صلى الله علية و سلم
وقال عيسى عليه السلام في إنجيل يوحنا:"الآن تمجد ابن الإنسان وتمجد الله فيه. إن كان الله قد تمجد فيه فإن الله سيُجِدُّهُ في ذاته ويمجِّده سريعا"

حسن الخلق مرتبط بنشأة الأنسان وتربيته على الدين بين الحلال والحرام من القول والفعل بين ماهو خير وماهو شر بين ماهو نافع وماهو مٌضر

المجتمع بقي عنده مشاكل فكل شئ تقريبا

كل مكان فيه بلاويه
حتى فى الأرياف فيه احقاد وقذارة لا توصف
واكيد فيه المحترمين فى كل مكان وزمان

اقتباس:

---

المشاركة الأصلية كتبت بواسطة mecha

all the time
it was bad like this

evil people
everything by force

hatred , envy , grudge



we tried the religious to fix it up
you found them the worst liars and manipulators

so there is no hope
even old people abroad is the same

evil
evil
evil

---

باشا هو مش حضرتك مصري زيينا ؟؟
وبتعرف تتكلم عربي زيينا ؟؟
ماتكتب عربي يا باشا ايه لزوم الانجليزي ده ؟؟؟

اقتباس:

---

المشاركة الأصلية كتبت بواسطة janagabr

هههههههههه ضحك السنين ا / hossamalsadik الاخلاق ليس لها علاقة بالدين

---

تصحيح بس ، الإخلاق لم تعرف اصلا في البشرية إلا بسبب الدين وبسبب الشرائع والانبياء اللى ربنا ارسلهم للأرض.
ودلوقتي الأخلاق نسبة كبيرة منها بقي عادات وتقاليد المجتمعات المتحضرة ونسيوا قصة الدين ، لكن اصلها وفصلها هو الدين فى الاساس.
وبدأت قصة الأخلاق من وقت سيدنا آدام مرورا بسيدنا نوح و موسي وعيسي عليهم السلام إلي ان وصلنا
لآخر الرسالات والشرائع والانبياء هو الاسلام وسيدنا محمد عليه الصلاة والسلام ، إنما بعثت لأتمم مكارم الأخلاق.

معلش بس اضافة بسيطة عشان الصورة الاكبر تبقى اوضح.... الاخلاق موجودة منذ بدأ الخليقة و منبعها الفطرة اللى وضعها ربنا سبحانه و تعالى فى البشر متمثلة فى الضمير..... دى فطرة بشرية تولد مع الانسان و تتشكل مع نشأته ايضا..... يعنى الضمير رغم انه منبع الوازع الاخلاقى الفطرى الا انه ممكن يخطأ و يمكن اسكات صوته و ايضا يمكن تدريبه ليكون اكثر حساسية او اكثر بلادة و ده حسب البيئة المحيطة

الدين بعد كده جه قنن الاخلاق الفطرية دى و مدح الجيد منها و استهجن ممارسات مجتمعية اخرى و كان وسيلة مهمة لتهذيب الضمير الفطرى اللى ربنا خلقه فى الانسان..... و بالتالى اصبح الدين بعد كده فى تطور البشرية رافد مهم فى تكوين الحس الخلقى عند الانسان...... و ده اللى بيفسر ازاى شعوب ممكن يكون معندهاش دين سماوى لكنها اخلاقيا راقية جدا زى اليابانيين مثلا

و ادعوا الجميع لقراءة الكتاب ده و اسمه فجر الضمير من تأليف جيمس هنرى بريستد...... درس فيه نشأة و تطور الحس الخلقى عند المصريين القدماء عبر تاريخهم الطويل و خرج بنتائج مذهلة

و هضرب مثل واحد بس من اللى مكتوب فيه..... المصريين القدماء كانوا بيؤمنوا بالبعث و الخلود و الجنة و النار قبل ظهور الاديان...... و مفهومهم عن الاخرة و الحساب فيها و الحاجات دى كلها حطوها فى كتاب اسمه (كتاب الموتى) كان بيصاحب الميت فى مقبرته كأنه خريطة للعالم الاخر تهدى خطواته..... احد فصول الكتاب ده فى المحاكمة الاخيرة للميت لتقرير اذا كان صالح يستحق الجنة او طالح يستحق النار فصل اسمه الاعتراف السلبى...... يعنى يقعد الميت يقول امام قضاة العالم الاخر اقسم انى لم اكذب اقسم انى لم اقتل اقسم انى لم اسرق و هكذا يقعد ينفى عن نفسه كل الموبقات..... تخيلوا من ضمن الحاجات اللى كان بيقسم عليها المتوفى كانت ايه..... كان من ضمنها انه يقول (اقسم انى لم الوث ماء النهر)...... اد كده كان الاحساس الخلقى عالى لدرجة ان مجرد تلويث ماء النهر الذى يعنى الحياة تعتبر جريمة...... نتخيل بقى لو واحد من المصريين القدماء تم بعثه دلوقت هيجراله ايه من اللى هيشوفه اتعمل و بيتعمل فى النيل :) هتجيله ازمة قلبية تخليه يرجع يرمى نفسه جوه التابوت تانى و يقول اقفلوا عليا الله يخليكم :)

انا حاولت اجيب لينكات لكتاب فجر الضمير بس مش كل حاجة مفتوحة مع انه متاح للتحميل على مواقع الشيرينج.... بس لقيت اللينك دى و اوعدكم انكم هتستمتعوا:
فجر الضمير by James Henry Breasted - Reviews, Discussion, Bookclubs, Lists

سؤال بس ، سيدنا آدم نبي ولا مش نبي ؟! لو هو نبي وخد تعليمات افعل ولا تفعل يبقي كل حاجة بداية من الإخلاق والتشريع حلال وحرام وغيره اصله الدين.
وكل البشر اصلهم سيدنا آدم ، يبقي الأخلاق متوارثة من بدء الخليقة ، شذ عنها وغير فيها من شذ من الشعوب.
وربنا عز وجل ارسل الرسل والانبياء البعض نعرفهم والبعض الآخر لا نعلم ليصححوا مسار الخلائق حتي وصلنا لنهاية الشرائع الاسلام وخاتم الرسل سيدنا محمد .
وفى آخر تشريع "الاسلام" وصلت الأخلاق لنهايتها ووصلت لمرحلة مكارم الأخلاق ، يعني مش اخلاق بس لا تجاوزنها ووصلنا لمرحلة مكارم الأخلاق المفروض.
دي قصة الاخلاق بإختصار وربنا يهدينا والعبرة بالتطبيق مش بالكلام طبعاً.

بتوع الارياف على الفطره ومحافظين على العادات والتقاليد ولكن فيهم شواذ بردو

عندك حق المدينة عموما واسكندرية خصوصا تعيش اسوا عصورها بعد ان كانت مدينة كوزموبوليتانية تسع الجميع
"الاسكندرية فى غيمة "على راى ابراهيم عبد المجيد

اقتباس:

---

المشاركة الأصلية كتبت بواسطة prof2013

بتوع الارياف على الفطره ومحافظين على العادات والتقاليد ولكن فيهم شواذ بردو

---

صلى على النبى
تعالى وانا اوريك لؤم الفلاحين على حق
معظم الناس بقت فيها غل غريب وحقد على اى شيئ
سواء قريه او مدينه الا من رحم ربى

Sent from my GT-S6500D using Forum Runner

معلش مفاهيمك اللي غلط مش الجيران اللي غلط
يعني حضرتك عاتب علي الجار اللي نزل يشتكي من ازعاج صوت التكيف وكمان مش عاجبك وبتقول خد اللي فيه النصيب وبتبرر وتقول الشقة بتتفتح شهر .
هو سياتك مش حاجة اسمها حقوق الجار , هو جارك دا نازل الساعة 3 الصبح علشان يخضك ولا فعلا صوت التكييف مزعج وهو مش عارف ينام منه , وكمان مش عجبك وبتقول صحاك من النوم مفجوع ,يعني حضرتك نايم وجارك مش عارف ينام وكمان بتشتكي علشان نزل صحاك من النوم .
ما تصلح التكيف بدل ما تزعج الجيران بصوت التكييف العالي وهو ايه ذنبه انه التكييف بتاعك بايظ ويستحمل الازعاج دا شهر بحالة !!!
تاني حاجة نقل حاجتك من علي السلم , هو الكلام دا ليك لوحدك ولا كله ملتزم بيه , والموضوع دا في كل العمارات النضيفة علي فكرة , علشان الاسانسير بيبوظ بسبب الاحمال التقيلة .
وكاتب موضوع ومش عجبك اخلاق الناس وقاعد تشتكي وتحسبن
والله الواحد معرفش مفاهيم الناس اختلفت ليه وبقي الغلط فى نظرهم صح , المفروض ان الواحد بعد كدا لما جاره يزعجه بالليل ميتكلمش ويستحمل عدم احساس جارة بالاخرين علشان يبقي فى نظر الجار راجل اخلاق ومحترم .
عجبت لك يا زمن

اقتباس:

---

المشاركة الأصلية كتبت بواسطة Zaki Bashkha

معلش مفاهيمك اللي غلط مش الجيران اللي غلط
يعني حضرتك عاتب علي الجار اللي نزل يشتكي من ازعاج صوت التكيف وكمان مش عاجبك وبتقول خد اللي فيه النصيب وبتبرر وتقول الشقة بتتفتح شهر .
هو سياتك مش حاجة اسمها حقوق الجار , هو جارك دا نازل الساعة 3 الصبح علشان يخضك ولا فعلا صوت التكييف مزعج وهو مش عارف ينام منه , وكمان مش عجبك وبتقول صحاك من النوم مفجوع ,يعني حضرتك نايم وجارك مش عارف ينام وكمان بتشتكي علشان نزل صحاك من النوم .
ما تصلح التكيف بدل ما تزعج الجيران بصوت التكييف العالي وهو ايه ذنبه انه التكييف بتاعك بايظ ويستحمل الازعاج دا شهر بحالة !!!
تاني حاجة نقل حاجتك من علي السلم , هو الكلام دا ليك لوحدك ولا كله ملتزم بيه , والموضوع دا في كل العمارات النضيفة علي فكرة , علشان الاسانسير بيبوظ بسبب الاحمال التقيلة .
وكاتب موضوع ومش عجبك اخلاق الناس وقاعد تشتكي وتحسبن
والله الواحد معرفش مفاهيم الناس اختلفت ليه وبقي الغلط فى نظرهم صح , المفروض ان الواحد بعد كدا لما جاره يزعجه بالليل ميتكلمش ويستحمل عدم احساس جارة بالاخرين علشان يبقي فى نظر الجار راجل اخلاق ومحترم .
عجبت لك يا زمن

---

وجهة نظر تحترم

اقتباس:

---

المشاركة الأصلية كتبت بواسطة zaki bashkha

معلش مفاهيمك اللي غلط مش الجيران اللي غلط
يعني حضرتك عاتب علي الجار اللي نزل يشتكي من ازعاج صوت التكيف وكمان مش عاجبك وبتقول خد اللي فيه النصيب وبتبرر وتقول الشقة بتتفتح شهر .
هو سياتك مش حاجة اسمها حقوق الجار , هو جارك دا نازل الساعة 3 الصبح علشان يخضك ولا فعلا صوت التكييف مزعج وهو مش عارف ينام منه , وكمان مش عجبك وبتقول صحاك من النوم مفجوع ,يعني حضرتك نايم وجارك مش عارف ينام وكمان بتشتكي علشان نزل صحاك من النوم .
ما تصلح التكيف بدل ما تزعج الجيران بصوت التكييف العالي وهو ايه ذنبه انه التكييف بتاعك بايظ ويستحمل الازعاج دا شهر بحالة !!!
تاني حاجة نقل حاجتك من علي السلم , هو الكلام دا ليك لوحدك ولا كله ملتزم بيه , والموضوع دا في كل العمارات النضيفة علي فكرة , علشان الاسانسير بيبوظ بسبب الاحمال التقيلة .
وكاتب موضوع ومش عجبك اخلاق الناس وقاعد تشتكي وتحسبن
والله الواحد معرفش مفاهيم الناس اختلفت ليه وبقي الغلط فى نظرهم صح , المفروض ان الواحد بعد كدا لما جاره يزعجه بالليل ميتكلمش ويستحمل عدم احساس جارة بالاخرين علشان يبقي فى نظر الجار راجل اخلاق ومحترم .
عجبت لك يا زمن

---

السلام عليكم ورحمه الله وبركاته

طبعا وجه نظرك سليمه ولكنك لا تدرى بحيثييات الموقف ولا بهدف كتابتى لهذا الموضوع وسبب شكواى من تصرفات الجيران

هذا الجار الذى دافعت عنه يعلم كل العلم أننى سأقوم بنقل محتويات الشقه صباحا لأننى قابلته فى الأسانسير ودار بيننا حديث حول أنقطاع النور وأنتظارنا حوالى ساعه وربع الساعه علشان نركب الأسانسير لأن كان معايا شيل وصعب أنى أطلع مشى
فتداولنا الحديث بالصدفه وأخبرته أنى ساكن قباله وأنى هنقل الصبح

فهل له بالصبر قليلا حتى الصباح لكى يخببرنى بأنزعاجه من صوت التكييف
أو حتى بالصبر حتى نعزل ونترك له المكان برمته ويرتاح مننا ومن جيرتنا السيئه
ومن مفاهيمى الخاطئه ذى ما حضرتك صورت
هذه هى الأصول بدلا من أذعاجى ليلا

هل يعقل أن جهاز تكييف يعمل شهر واحد فى السنه ويكون بايظ
التكييف كاريير من النوع الحديث وليس له صوت أطلاقا

أما بخصوص عدم نقل بعض الشنط الشخصيه كأمثال ملابسى وملابس أخى وكذا عدد 4 كرتونه صغيره الحجم بها أشياء ثمينه وأخاف عليها من الكسر قمت بتنزيلها فى الأسانسير
ورأنى هذا الجار الذى دافعت عنه

ونزل بعدى للبواب وشتمه وسبه وقام بعدها بأغلاق الأسانسير ومنعها من القيام بتنزيل عدد
2 شنطه متوسطه الحجم وبها متعلقات هامه وخاصه بى

هل يعقل أننى سأضع سقف الدولاب أو كرسى الصالون داخل الأسانسير

وكيف والأسانسير لا يستوعب غير أربع أشخاص فقط

طب حضرتك ليه علقتش على الموقف التانى

أقسم بالله بعدها

كنت خايف ليقابلنى حد من العماره الجديده ويقولى أنت عامل دوشه أو العفش بتاعك عامل صوت على السقف ولهذا بصيت على الشقه ألى أسفل شقتى ولقيتها لسه مسكنتش
وحمدت ربى

وبعديها لقيت طفل صغير جالى وبيقولى بابا عايزك عند العربيه بتاعتك

نزلت جرى لقيت الأستاذ بيقولى شيل عربيتك من هنا وديها بعيد
ليه ياعم قالى ده مكانى وأنا كل يوم العصر بجييب صحابى وكراسي وبنقعد نشيش فى المكان ده
طبعا خدت عربيتى ومشييت بكل أدب علشان أنا غريب
_________________________

ياسيدى الفاضل

كتبت هذا الموضوع لهدف واحد فقط

وهو كيف وصلت بنا الأمور لهذا الوضع المتدنى من الأخلاق

ياسيدى ده أبتسامه فى وجه أخيك صدقه

السلام عليكم صدقه

ده النبى عليه الصلاه والسلام وصى على سابع جار


ولو كل الناس أتخانقت مع كل الناس ألى عندها تكييف هتلاقى كل الناس فى القسم الصبح

___________________________

أرجو أن حضرتك تكون فهمت وجهه نظرى

والسلام عليكم

قرية ايه ومدينة ايه...

جرب تعمل حادثة على طريق كله قرى وابقى تعالى كلمني عن الاخلاق وانت بتتقلب وانت غرقان في دمك وكل اللي حواليك بيشدو من ايدك الساعة والموبايل وهدومك كمان...

الكلام دا بيحصل في القرى :)

الأخلاق ملهاش علاقة بالمدينة والقرية حاليا لانه الكل عايش ازمة اخلاق فعلاً...انا لما بلاقي الامور وصلت لحارة سد ببتسم ابتسامة الصدقة وبعمل اللي الشخص التاني عايزه احتراما لحرمة الدم لاني لو فقدت اعصابي في موقف زي بتاعك يا هيقتلني ياهقتله...فالابتسامة احسن حاجة.

يا جما اهدوا شوية الموضوع بسيط ولا يستحق كل هذا الخلاف المحتدم
وبعدين احنا شعب متدين بطبعه
وبكرة تشوفوا مصر

اقتباس:

---

المشاركة الأصلية كتبت بواسطة وائل شويخ2

السلام عليكم ورحمه الله وبركاته

طبعا وجه نظرك سليمه ولكنك لا تدرى بحيثييات الموقف ولا بهدف كتابتى لهذا الموضوع وسبب شكواى من تصرفات الجيران

هذا الجار الذى دافعت عنه يعلم كل العلم أننى سأقوم بنقل محتويات الشقه صباحا لأننى قابلته فى الأسانسير ودار بيننا حديث حول أنقطاع النور وأنتظارنا حوالى ساعه وربع الساعه علشان نركب الأسانسير لأن كان معايا شيل وصعب أنى أطلع مشى
فتداولنا الحديث بالصدفه وأخبرته أنى ساكن قباله وأنى هنقل الصبح

فهل له بالصبر قليلا حتى الصباح لكى يخببرنى بأنزعاجه من صوت التكييف
أو حتى بالصبر حتى نعزل ونترك له المكان برمته ويرتاح مننا ومن جيرتنا السيئه
ومن مفاهيمى الخاطئه ذى ما حضرتك صورت
هذه هى الأصول بدلا من أذعاجى ليلا

هل يعقل أن جهاز تكييف يعمل شهر واحد فى السنه ويكون بايظ
التكييف كاريير من النوع الحديث وليس له صوت أطلاقا

أما بخصوص عدم نقل بعض الشنط الشخصيه كأمثال ملابسى وملابس أخى وكذا عدد 4 كرتونه صغيره الحجم بها أشياء ثمينه وأخاف عليها من الكسر قمت بتنزيلها فى الأسانسير
ورأنى هذا الجار الذى دافعت عنه

ونزل بعدى للبواب وشتمه وسبه وقام بعدها بأغلاق الأسانسير ومنعها من القيام بتنزيل عدد
2 شنطه متوسطه الحجم وبها متعلقات هامه وخاصه بى

هل يعقل أننى سأضع سقف الدولاب أو كرسى الصالون داخل الأسانسير

وكيف والأسانسير لا يستوعب غير أربع أشخاص فقط

طب حضرتك ليه علقتش على الموقف التانى

أقسم بالله بعدها

كنت خايف ليقابلنى حد من العماره الجديده ويقولى أنت عامل دوشه أو العفش بتاعك عامل صوت على السقف ولهذا بصيت على الشقه ألى أسفل شقتى ولقيتها لسه مسكنتش
وحمدت ربى

وبعديها لقيت طفل صغير جالى وبيقولى بابا عايزك عند العربيه بتاعتك

نزلت جرى لقيت الأستاذ بيقولى شيل عربيتك من هنا وديها بعيد
ليه ياعم قالى ده مكانى وأنا كل يوم العصر بجييب صحابى وكراسي وبنقعد نشيش فى المكان ده
طبعا خدت عربيتى ومشييت بكل أدب علشان أنا غريب
_________________________

ياسيدى الفاضل

كتبت هذا الموضوع لهدف واحد فقط

وهو كيف وصلت بنا الأمور لهذا الوضع المتدنى من الأخلاق

ياسيدى ده أبتسامه فى وجه أخيك صدقه

السلام عليكم صدقه

ده النبى عليه الصلاه والسلام وصى على سابع جار


ولو كل الناس أتخانقت مع كل الناس ألى عندها تكييف هتلاقى كل الناس فى القسم الصبح

___________________________

أرجو أن حضرتك تكون فهمت وجهه نظرى

والسلام عليكم

---

طبعا مع كامل احترامي ليك
ولكني مازلت مصر علي موقفي في مفهومك الغلط للامور
انت بتقول انه عارف انك كنت حتمشي بكره الصبح وبرضوا عاتب عليه ان ازعجك ومصبرش لغاية الصبح ,يا استاذي الكريم الغلط مينفعش ليه مبرر , انت بتبرر الغلط واحد نزل الساعة تلاته بالليل حيكون هو نازل بيهزر معاك او يخنقك ولا هو فعلا بجد مش عارف ينام من التكييف لانه صوته مزعج كون ان حضرتك مش حاسس ان صوت التكييف مزعج فدا لانه تكييفك ولان مفاهيمك مغلوطة وكمان ممكن يكون الصوت العالي ميفرقش معاك فى النوم ,ومصر انك برضوا تلقي اللوم عليه وتقول يصبر لغاية الصبح وبعدين يقلك علي صوت التكييف المزعج , طب ما انا اقلك علي حاجة احسن ما تطفي التكييف خالص علشان جارك ينام ,هو انت عايز تنام فى التكييف ومش عايز جارك ينام ويصبر عليك لغاية الصبح !!!.
حضرتك مصمم ان المفروض ان الجار يستحمل ومينمش علشان خاطر حضرتك تنام فى التكييف وكمان مينزلش يشتكي , انت تعرف ظروف جارك دا ايه !!!,. مش يمكن رايح مشوار مهم بكره الصبح ولازم ينام ويرتاح .
وكمان بتستغرب ان في تكييف بيشتغل شهر فى السنة يكون بايظ اه واللهي في تكييفات بتبوظ من الركنة , يا باشا صحح مفاهيمك مش علشان حضرتك عايز تنام تطلب من جارك ان يستحمل ازعاجك لغاية لما حضرتك تخلص نومك براحتك وبعدين هو يفضل صاحي طول الليل وينزلك بعد لما تكون اخدت كفايتك من النوم !!!
وبعدين دا نزل قدرك واحترمك وقالك انه صوت التكييف عالي ,وقلت ان اخدت اللي في النصيب ,واعتقد انك مطفتش التكييف وسبت جارك طول الليل يعاني ومش عارف ينام وطبيعي جدا ان الجار دا ينزل مشحون منك بسبب قلة راحتك ويقفل الاسانسير امال عايزه يقدرك ازاي بقي وانت مقدرتوش !!!
اما بخصوص نزول حاجتك في الاساسنسير فانا مازلت علي موقفي معروف ان مينفعش تنزل شنط او اشياء ثقيلة فى الاساسنسير ودا حفاظا علي الاساسنسير ليك ولغيرك من الجيران .
اما باقي المواقف اللي حكيت عنها فمتزعل مني هما اتصرفوا معاك صح.
لان ببساطة الشخص اللي قدرك ونزل يشتكيلك من ازعاج صوت التكييف تعبته وقلت اخد اللي فيه النصيب ,اما باقي الناس اللي مشوها معاك بلطجة وعافية احترمتهم وسكت ونفذت اللي هما عايزينه ,فهما كدا اتصرفوا معاك صح .

اقتباس:

---

المشاركة الأصلية كتبت بواسطة zaki bashkha

طبعا مع كامل احترامي ليك
ولكني مازلت مصر علي موقفي في مفهومك الغلط للامور
انت بتقول انه عارف انك كنت حتمشي بكره الصبح وبرضوا عاتب عليه ان ازعجك ومصبرش لغاية الصبح ,يا استاذي الكريم الغلط مينفعش ليه مبرر , انت بتبرر الغلط واحد نزل الساعة تلاته بالليل حيكون هو نازل بيهزر معاك او يخنقك ولا هو فعلا بجد مش عارف ينام من التكييف لانه صوته مزعج كون ان حضرتك مش حاسس ان صوت التكييف مزعج فدا لانه تكييفك ولان مفاهيمك مغلوطة وكمان ممكن يكون الصوت العالي ميفرقش معاك فى النوم ,ومصر انك برضوا تلقي اللوم عليه وتقول يصبر لغاية الصبح وبعدين يقلك علي صوت التكييف المزعج , طب ما انا اقلك علي حاجة احسن ما تطفي التكييف خالص علشان جارك ينام ,هو انت عايز تنام فى التكييف ومش عايز جارك ينام ويصبر عليك لغاية الصبح !!!.
حضرتك مصمم ان المفروض ان الجار يستحمل ومينمش علشان خاطر حضرتك تنام فى التكييف وكمان مينزلش يشتكي , انت تعرف ظروف جارك دا ايه !!!,. مش يمكن رايح مشوار مهم بكره الصبح ولازم ينام ويرتاح .
وكمان بتستغرب ان في تكييف بيشتغل شهر فى السنة يكون بايظ اه واللهي في تكييفات بتبوظ من الركنة , يا باشا صحح مفاهيمك مش علشان حضرتك عايز تنام تطلب من جارك ان يستحمل ازعاجك لغاية لما حضرتك تخلص نومك براحتك وبعدين هو يفضل صاحي طول الليل وينزلك بعد لما تكون اخدت كفايتك من النوم !!!
وبعدين دا نزل قدرك واحترمك وقالك انه صوت التكييف عالي ,وقلت ان اخدت اللي في النصيب ,واعتقد انك مطفتش التكييف وسبت جارك طول الليل يعاني ومش عارف ينام وطبيعي جدا ان الجار دا ينزل مشحون منك بسبب قلة راحتك ويقفل الاسانسير امال عايزه يقدرك ازاي بقي وانت مقدرتوش !!!
اما بخصوص نزول حاجتك في الاساسنسير فانا مازلت علي موقفي معروف ان مينفعش تنزل شنط او اشياء ثقيلة فى الاساسنسير ودا حفاظا علي الاساسنسير ليك ولغيرك من الجيران .
اما باقي المواقف اللي حكيت عنها فمتزعل مني هما اتصرفوا معاك صح.
لان ببساطة الشخص اللي قدرك ونزل يشتكيلك من ازعاج صوت التكييف تعبته وقلت اخد اللي فيه النصيب ,اما باقي الناس اللي مشوها معاك بلطجة وعافية احترمتهم وسكت ونفذت اللي هما عايزينه ,فهما كدا اتصرفوا معاك صح .

---

السلام عليكم

ما يلفظ من قول ألا لديه رقيب عتيد

ردى الوحيد على كلامك كله

أنى والله العطيم والله العظيم والله العظيم

طفيت التكييف بعد المشاده الكلاميه بينى وبينه

رجاء من أداره المنتدى

أغلاق الموضوع ولو أمكن حذفه

وشكرا جذيلا للجميع

اقتباس:

---

المشاركة الأصلية كتبت بواسطة وائل شويخ2

السلام عليكم

ما يلفظ من قول ألا لديه رقيب عتيد

ردى الوحيد على كلامك كله

أنى والله العطيم والله العظيم والله العظيم

طفيت التكييف بعد المشاده الكلاميه بينى وبينه

---

انا اسف اني كنت ضايقتك بس والله العظيم انا من النوع اللي بيحترم جاره وقبل ما افكر اعمل حاجة بشوف اذا كانت حضايق جاري ولا لا ,ولو جار جا اشتكي من حاجة بتأسفله وبحاول احلها علشان متأثرش علي راحة الاخرين وزي ما انا بعمل مع جاري كمان جاري لازم يعاملني بنفس المعاملة انا مقبلش اني جاري يزعجني واستحمله في حين انه يقدر يعالج مشكلتك ومزعجش الجيران .
دا وجهي نظري وشايف انها عادلة , انا بكلمك لاني بحاول اصححلك مفاهيم مغلوطة عندك مش بهاجمك ولا بعاتبك بس بحاول اوصلك انك واخد الموضوع من نظره غلط .
المفروض التصرف الصح منك لما جارك ينزل يشتكي من حاجة مضايقاه وانت مش واخد بالك منها تتأسفله وتعتذر وتحاول تحلها بان تصلح التكييف او حتي تنام الليلة دي من غير تكييف مش تتخانق معاه وتتديله اللي فيه النصيب .
ارجوا ان تكون وصلتلك وجهه نظري
وانا اسف مره اخري لو كان كلامي زعلك

اقتباس:

---

المشاركة الأصلية كتبت بواسطة lidosasa

شعب بيصحى من النوم على أغنية أديك فى الجركن ويتغدى وهو بتفرج على عبده موتة وينام على مهرجانات . بعد ما كنا بنام على إذاعة القرآن الكريم ونصحى على يا صباح الخير ياللى معانا وبصبح عليك وكلمتين وبس .

---

كلام جاااامد والله