ان شاء الله رايح اتقدم لواحده بعد بكره ان شاء الله
اخد ايه ؟ واعمل ايه ؟ والبس ايه ؟
ياريت تقولولي بالتفصيل لاني مش عارف حاجه خالص
علفكره جواز صالونات والبنت هتبقي اول مره تشوفني وانا كنت قاعد مع ابوها مره قبل كده
عرض للطباعة
ان شاء الله رايح اتقدم لواحده بعد بكره ان شاء الله
اخد ايه ؟ واعمل ايه ؟ والبس ايه ؟
ياريت تقولولي بالتفصيل لاني مش عارف حاجه خالص
علفكره جواز صالونات والبنت هتبقي اول مره تشوفني وانا كنت قاعد مع ابوها مره قبل كده
خد جاتوه او شكولاته والبس بدله وخليك واضح وصريح وحازم مع بعض وهتسلك وتركن في طابور المتجوزين
ماتروحش
بهزر ربنا يوفقك يا باشا :)
ربنا يوفقك لما فيه الخير
واستخير الله واساله ان يجعلها الزوجة الصالحة التي تعينك علي صعاب الحياة
والبس شيك والحج لازم يلبس بدلة والحجه تتزوق ومعاك ساعتك برفانك جذمتك اللي بتلمع علبة شوكولاته شيك سنانك لولي حالق دقنك وشنبك قاصص ضوافرك شرابك نفس لون بنطلونك اسوره الحزام بتلمع
خد الحج والحجه والحج اللي يخش من الباب الاول ثم الحجه ثم انت وانت اللي تشيل الهديه ولما تقعد اقعد في مكان ميبقاش كاشف الشقة ومتكلمش في السياسة ولو حبيت تلطف الجو اتكلم عن سفريه عملتها او رحله سفاري او كلب عضك قبل كده او ماتش كوره وبلاش الاهلي والزمالك لتمسكوا في بعض خليك في دوريات اوروبا اتكلم عن مواقف كوميديه خفيفه اتكلم عن شغلك علي خفيف متحكيش مشاكل ولا تشيل نفسك وتشيلهم هم الشغل بتاعك لو عندك مشاكل عشان كله مهموم
بالنسبة للاهالي كل واحد هيتكلم عن وظيفته عندوا كام سنة اصله من منطقة كذا اتربي فين وكذلك الام وبالتالي هما هيتكلموا عن نفسهم
تشوف اخوات البنت في مدارس وجامعات ايه
عندهم عربيات شقق شاليهات وانت كذلك
اتكلم عن حبك للحيوانات من كلاب للقطط لعصافير لحمام لسمك عشان هما بيحبوا الهجس ده
اتكلم عن طموحك بس متسرحش بيهم البلد اللي نفسك تعيش فيها والعربية اللي نفسك تجبها واعمل الموبايل بتاعك سايلنت
الحج والحجة هما اللي هيبتدوا بالكلام
لما تشرب متعملش صوت ومتحتش رجل علي رجل
ومتقفش في الكلام لان اول مقابله للاسرتين بتبقي معاينة ظاهرية وتحديد للمستوي الشكلي والثقافي والاجتماعي والعلمي والوظيفي
والكلام هيبقي عن خلانك وخالاتك وعمامك وعماتك ووظائفهم واماكن سكنهم واولادهم وهما طبعا يقولولك
وغالبا البنت بتبقي قليله الكلام عشان اهلها موجودين ولو كانت المقابله بره البيت بعد ساعة كده للمقابله ولو حسيت ان في ارتياح من ناحيتهم وناحيتك اسال البنت تحبي تتمشي شويه هتلاقيها كده تبص لمامتها فمامتها تقولها ماشي تقوم واخدها وقايمين وطبعا تقول لوالده ووالدتها بعد اذنك يا ( انكول ) بعد اذنك يا طنت ( قال انكل قال دا الراجل ميعرفش ان انا كنت بضرب الواد نصه علي قفاه لما كنت بقعد علي القهوة وحدفت طوبه في شباك الراجل جاري لما قفل علي بعربيته ههههه )
اغسل عربيتك ونظفها واركنها في مكان كويس متركنهاش مخالف ( عشان واحد صاحبي في اول مقابله ركن عربيته مخالف نازل ومعاه البنت وابوها بتوصله للعربية فلقا عربيته مخبوطه فبدون شعور قام طلع صوت من زوره ( عكس عطس ) مش عايز اوضح اكتر من كده وكان منظره زي الزفت )
وخليك صادق وصريح في الامور المالية وبلاش لف ودوران
ولو كنت بتلعب بديلك قبل كده او ايام الجامعه ادعي ربنا انه يغفرلك ليطلع عليك تالت ومتلت
عشان معظم اللي لعبوا بديلهم واتشاقوا ايام زمان لبسوا في بنات ولا بلاش ده
ده كوكتيل من التجارب المختلفة للناس والكلام لا يقصد به شخص بعينه
وهوه لازم موضوع البدله ده ؟ بتخنقني ومبحبهاش .. ومالوا الكاجوال ؟
وبعدين لو جبت تورته كويسه كده هتقول لا ؟
ولا انت شايف ايه ؟
تمام جدداااا .. الف شكر لحضرتك
بس مبدايا خليني اقولك ان والدي متوفي ووانا رايح بكره تاني لوحدي من غير حد خالص ( رايح بطولي يعني )
والمقابله عندهم في البيت
والمفروض اني كنت متصل اخد ميعاد واروحلهم اخر الاسبوع فابوها قالي انه مسافر الاسبوع ده واني اجي بكره فانا تقريبا محلقتش اجهز نفسي ( طقم شبه كلاسيك لاني كل هدومي كاجوال ع الاخر وصعب اني البس بدله )
Just be yourself!
افضل نصيحة ليكى انك ما تتسرعش على الجواز
ما تعيش فردانى كده احسنلك واروق لبالك
تصدق إنى كنت كل ما أروح لواحدة أجيب جاتوه أو شيكولاته وألبس أشيك حاجة بس كاجول على الرغم إن كل لبسى بدل عشان شغلى بس فى الخطوبة كنت بحب أبقى بطبيعتى خالص وكل المقابلات كانت فاشلة لحد ما زهقت فأول عروسة جات بعد ما زهقت روحت من غير ما أخد حتى باكو لبان معايا ولابس لبس عادى جداً :fun_broken:وكنت رايح بس عشان أرضى الناس اللى تعبت نفسها وبتدور ليا على عروسة وسبحان الله كانت هى اللى أتجوزتها :satelite:
نصائح اخوية:
1- حاول تخللى المقابلة بره البيت علشان لو اشتريت حاجة و الموضوع اتفشكل ح تزعل عليها و ده حصلى كتييير
2- ما تحولشى تتفشخر بأن عندك كذا و لا كذا علشان ح يفتكروا تحت القبة شيخ يعنى قول على اللى عندك من غير كدب
3- ادى للموضوع و لنفسك فرصة و بلاش تاخد احكام متسرعة
فيه حاجات كتير تانية بس ده اللى جه على بالى دلوتى و ربنا يوفقك
صلى استخارة قبل ما تروح ،،، اذكر الله دائما اثناء ذهابك ـ،، والبس ما تحبه ويفضل كلامك مع اهلها يكون قليل وكلامك معاها يكون محدد وواضح ،، وربنا يوفقك .
ربنا يوفقك
السلام عليكم ورحمة الله وبركاته ...
ربنا يوفقك ويرزقك بالزوجة الصالحة ...
اولا : وقبل كل شئ صلاة الاستخارة قبل ما ترووح ...
ثانيا : البس اللى بتلبسه فى العادى وبلاش تكليف ...
ثالثا : خذ الهدية بنية تهادو تحابوا واى كانت الهدية بس اهم حاجة النية ...
رابعا : اتكلم عن ظروفك المادية والاجتماعية كويس جدا ولا تغفل اى نقطة ...
خامسا : لو اقعدت معاها حدد انت عايز ايه بالظبط من زوجة المستقبل واسالها عليه ومتنساش نصيحة الرسول الكريم صلى الله عليه وسلم (واظفر بذات الدين) واديها فرصة تعرف منها هى عايزه ايه من زوج المستقبل ...
سادسا : لقيت الموضوع ماشى والحمد لله فبالتوفيق ان شاء الله وربنا يرزقكما بالذرية الصالحة ان شاء الله ...
سابعا : لقيت الموضوع فيه مشاكل واختلاف فى وجهات النظر لا قدر الله بكل ذوق وادب تسحب نفسك ولسه نصيبك مجاش وربنا يوفقك للفيه احسن ليك ...
وده عن تجربتين والثالثة كان فيها الخير الحمد لله ...
بالتوفيق انشاء الله
http://www.nilemotors.net/Nile/344280-a.html
http://www.nilemotors.net/Nile/319748-a.html
http://www.nilemotors.net/Nile/337034-a.html
وربنا يتمم بخير انشاء الله :)
انا عمرى ما لبست بدله وعمرى ما اترفضت..
انا بحب البس اللى بحبه وارتاح فيه واباه على طبيعتى
جواز الصالونات ده شرط فيه شيكولاته باشيونال او اباتشى"بس دى غاليه بهبل"
وعلى فكره بيركزوا اوى ف موضوع الشيكولاته ده
وتحاول تطلع الراجل المرح اللى جواك وبلاش الاتامه
وزياره خفيفه متكونش طويله..ساعه او ساعه ونص بالكتير وانت اللى تقول لاهلك ياللا بينا عشان عندى شغل بكره
ومتاخدش رقمها من اول زياره ومتديهمش عقاد نافع ف اخر الزياره..يعنى متقولهمش انك هتتكلم او تتفقوا على ميعاد جديد
ومتكلمهمش اول ما تروح ,سيبهم يومين كده"حتى لو عجبتك"
عموما انا مقتنع انك تباه على طبيعتك متقعدش ترسم عليهم باه وكده اللى تقبلك تقبلك على حالك يا اما كتير غيرها متلقحين.
-اه بالمناسبه بلاش جو ان والدتك تقولهم انها عاوزه تدخل الحمام عشان تشوف باقى الشقه من جوه او مستوى الحمامات عندهم عشان دى مفقوسه وبتغيظ اوى :d
ربنا يوفقك ياباشا واباه احكيلنا باه التطورات ايه
مش لازم تلبس بدله
ومش لازم الانتكه اوي في اللبس و في المظهر
علشان طبيعه اي شخص مش علطول كده
بس مش معني كده تروح لابس شيرز و كاوشت كوره يعني :)
يعني لبس نص كاجوال بنطلون جباردين علي قميص و يكون طالع لبره عادي
مع جزمه ولا كلاسيك بتاعت بدل ولا كاوشتي
ولو مش علطول بتحلق دقنك باستمرار عادي خففها و حدددها
حاول ترتب الكلام اللي هتقوله من ناحيه الاسأله المعروفه البتسأل دايما
وخد بالك في الكلام و القعده بلاش بحلقه جامد في العروسه :)
حط ف دماغك الحكمه الخالده بتاعه شنورى و هيا صح على فكره
لا تحزن اذا فاتك قطار الزواج فأن يفوتك القطار خير من ان يدهسك
مفيش افضل من البساطة
وبلاش توتر وقلق
وميمنعش انك تكون شيك وهادي وواثق من نفسك
بالتوفيق ان شاء الله ..
مش هقولك الا استخير بسسسسسسسسسسسسسسسسسسسسسسسس سسسس
وربنا يستر
طمنا عملت اه
قول له شوف يا عمى زى ماانت شايف حال البلد مافيش جواز ومافيش شقق مافيش اى حاجه
البس اللى انت عايزه انت مش رايح تشتغل مدير
حط شروطك على الترابيزه مش موافقين البنات يا عمى على افى من يشيل ويادار مادخلك شر
لو قال لك عند اطيان فلوس عقارات ( تعيش انت يا حج )