عرض للطباعة
اشترى اسبرانزا a516 ولاللاء ولو حبيت اشترى هل هى فعلا كويسه ف صيانتها وقطع غيارها ولا هاتتعبنى ولو اشتريت اشترى موديل كام لانى عايز اشترى مستعمل وتعمل فى حدود كام ولما اجى اشترى اخد معايا ميكانيكى ولا سمكرى ولا اعمل ايه ارجو الاجابه عن جميع استفسراتى ارجوكم خلونى اوصل لحل لانى بسمع كلام كتير اوى وشكرا ...
الاجابة من الآخر ::
لو معاك فلوس تجيب تويوتا كورولا يبقى هاتها
لو معاك فلوس تجيب لانسر يبقى هاتها
او مش معاك فلوس كتير يبقى هات اسبيرانزا 516 او تيجو
(( مد لحافك على قد رجليك )))
دا من الآخر
دا بس علشان نخلص من النقاش حول مقارنة الانسر بالاسبيرانزا
العربيات تتقارن حسب سعرها المتقارب مش حسب شكلها وحجمها وفتي الناس
متشكر ع ردك واهتمام بس حضرتك زعلان ليه كدا هههه عموما متشكر ع اهتمامك بس انت ماردتش على كل اسئلتى ف قطع غيارها وسهوله صيانتها والكلام دا انا كلامى ع ال a516
يا باشا العربية بسم الله ما شاء الله عربية جميلة و خاصة فى السفر و على الطرق السريعة 160 مستريح.بالنسبة للصيانة لو انت من القاهرة فا فى ناس كتير و شطار جدا فى اسبرانزا عندك ابانوب فى الأميرية و احمد مهران فى الملك الصالح و فى جرجس فى عين شمس و فى المتحدة على الدائرى فى قرب نزلة العمرانية.ولو من اسكندرية ممكن افيدك برضوا فى ناس كتير بحكم عيشتى فى القاهرة و اسكندرية.العفشة هى الحاجة ال ممكن تبقى غلسة فى العربية ديه بس شغال يعنى عشان هى عربية عفشتها ناشفة اصلا.وممكن تتبدل كلها بمنسوبيشى لانسر.وبالنسبة للأوبشن ال فيها بيستحمل الحمد لله وفيها كل الأوبشن ال انت عاوزه.فا الحمد لله هى صفقة رابحة ان شاء الله.المهم الكشف الكويس جدا على الحالة فى مراكز متخصصة و بعد الشراء ان شاء الله متابعة الصيانة الدورية مهم.وربنا يوفقك
والله عسل ياستاذ عبد الحفيظ
جبت من الاخر
وكذلك الاستاذ فور سيزون
شوف ياباشا من مالك اسبرانزا 516ل لمده 5 سنوات
عربيه محترمه وقويه فوق ما تتخيل
لو هاتشتري مستعمل يفضل كيلو متر قليل
موديل من 2010 وانت طالع
متشتريش قبل كده
قطع غيارها متوافره في كل مكان ورخيصه
خليك في القطع الاصليه مش هاتتعب
عربيه بتتحمل السفر مسافات طويله صد رد
زي شرم والغردقه والساحل الشمالي
اماكن تصليحها منتشره علي انحاء القاهره
لو هاتشتري مستعمل ها تستفاد بفرق سعر اعاده البيع
بالنسبه للاسعار
انا كنت بايع عربيتي 2008 فبرايكه بره
120000 كيلو
42750
عربية جميلة جدا وقطع غيارها رخيصة و صيانتها سهلة في التوكيل لاكن برة مش اي حد يفهم فيها توكل علي الله عربية جميلة
عربية ممتازة جداً جداً جداً و اعتمادية من الدرجة الأولى ماتورها رائع و تكيفها تلاجه و عفشتها ناشفه شويه بس بتستحمل كتييييييييييييييير أوي أنا كنت بعاملها و لا الربع نقل يا راجل خصوصاً و انا رايح الفيوم أو راجع و بنسويف القديمة و الجديدة ده غير مدقات البلد و الطرق الي ما يعلم بيها إلا ربنا ... دي سافرت شرم صده رضه يا كبير ... العربية قطع غيرها رخيصة و مرمية في كل حته و شغل الميكانيكا بتعها مش عويص بالعكس من أسهل ما يكون و أعطلها قليلة جداً ... عمرها ما وقفت مني و لا مره غير مره واحده بس لما البطارية ودعت ... و الفتيس بتاعها رااااااااااااااائع معملش معايا أي مشاكل خالص ... آه بالمناسبة أنا عربيتي موديل 2007 و بسم الله ما شاء الله حاجة من الآخر حمارة شغل ... اتكل على الله و ربنا يوفقك في حاجة كويسة ...
الف مليون شكر للجميع ..... الاخ هيثم ووميدو وووهوجن وووفورسيزون وووعبد الحفيظ
شكرا ليكو بجد
الشكر لله وحدة يا باشا وموفق في الشراء باذن اللهاقتباس:
المشاركة الأصلية كتبت بواسطة kimo122
من أحد ملاك ال 516 أحب أقولك توكل على الله بقلب جااااااااااامد .. والأخ هوجن كفى ووفى بصراحه لاكلام يقال بعد اللي قاله .
العفو يا باشا وربنا يوفقك.المهم قبل الشراء الكشف كويس جدا على حالة العربية.
بس سؤال اخير لو انا حبيت اشتريها فعلا مستعمله اخد معايا ميكانيكى ولا سمكرى وايه اول حاجه اهتم بيها يعنى شويه نصائج كدا قبل مااشترى
بص بالفلوس الي هتدفعها للميكانيكي و السمكري خد العربية واطلع بيها علي التوكيل او اي فرع لية هيكشفو عليها في كل حاجة ويدوك تقرير بالحالة بتاعتها من كل الجوانب و الليلة دي هتكلفك تقريبا 200 جنيةاقتباس:
المشاركة الأصلية كتبت بواسطة kimo122
يعنى مثلا لو اخدت سيره من حد مستعمله هو هايرضى ان اقولو هاروح اكشف عليها عند اى توكيل لاسبرانزا مثلا اللى ف المعادى او كدا مثلا واروح اكشف عليها وهاياخدو منى فى حدود 200 جنيه زى ماقولت حضرتك ولاايه انا مش فاهم ولا الصح ايه
والتوكيل هايقولى ع كل حاجه فيها فعلا
فعلا زي ميدو ماقال افضل شيء التوكيل
التوكيل ها يديك تقرير مفصل عن كل حاجه في العربيه
طبعا مفيش حد هايرضي انك تكشف في التوكيل الا ان كان حد معرفه
غيركده ماظنش
طيب
لو زنقت قوي
طبعا تاخد معاك سمكري ويكون ثقه ثقه
مش يبيعك للبائع علشان 100 جنيه
المكيانيكي
لو العربيه عامله كيلو متر قليل اظن انك مش هاتحتاجه قوي
لكن في لمبه رجاء انك تشوفها لما تيجي تشتري
تفتح الكونتاكت
جميع اللمبات التحذيريه الصفراء لازم تطفي بمجرد ما تفتح الكونتاكت
وقبل ما تدور العربيه
ها تلاقي من ضمن اللمبات
لمبه ال epc
خد باللك كويس لمبه ال epc
اللمبه دي لو لم تنطفئء بمجدر ما تفتح الكونتاكت وقبل الدواره
يبقي كده العربيه فيها عطل ومحتاجه بنكشف عليها بجهاز الاعطال
الف شكرا للنصيحه الرائعه
مش اي حد هيوافق علي حاجة زي دي للاسف بس ممكن يطلع راجل محترم ويقلك مفيش مشاكل لو التوكيل او فرع لية قريب منة وهتطلع بالعربية التوكيل وتقلهم عاوز اعمل كشف شامل علي العربية وهتدفع في حدود 200 جنية و هيطلعلك تقرير بكل مسمار في العربية حالتة عامل ازاياقتباس:
المشاركة الأصلية كتبت بواسطة kimo122
استاذنا ... خلصت كل الكلام والله يا باشااقتباس:
المشاركة الأصلية كتبت بواسطة hugan
ممكن برضو تكشف في المتحدة بيكونوا كويسين قوي بالذات في السمكرة
انا اشتريت عربيتين وكشفت عليهم هناك وماشاء الله وائل السمكري محترف جدا
.......
معلش ياباشا انا بس بحب اقنع الناس بالحجة والبرهان ..هههههاقتباس:
المشاركة الأصلية كتبت بواسطة kimo122
بص انا هوجب معاك ..... اسأل عن سعر اي قطعة غيار وانا هديك سعرها .... ماشي كدا
بس خليك في قطع غيار مشهورة ... يعني مش تقولي حساس استوب او حساس كامة .... الحاجات دي مش مذاكرها بصراحة ...
السلام عليكم مالكى اسبرانزا a516 ممكن تساعدونى انا محتار بين اسبرانزا a516 وبين دايو لانوس ولسه بايع عرابيتى ( سيينا 1400 موديل 2002) وانا محتار بين الاثنين من حيث اسعار قطع الغيار وتوافرها مع العلم انى حابب شكل الاسبرانزا بس ماعنديش معلومات عنها لذا ارجو المساعدة فى مميزاتها وعيوبها واسعار قطع الغيار وتوافرها ولما اقبل على الشراء اخد بالى من ايه لتكون العربية سليمة وحالتها كويسة ومعدل استهلاك البنزين