ارجو حل المشكلة وتقييم السيارة

**mohamed moda** · 22-09-2013 06:34 AM

اولا احنا شاريين عرية من حوالى اهه اسبوع لانوس 2000 اوتوماتيك هى حالتها كويسة كموتور وسمكرة وهى مرشوشة من برة سعرها 41 الف بس فى صوت غريب كدة ناحية الشمال ادام على اى مطب حتى لو كان صغير بحس انى حديدتين بيخبطوا فى بعض وروحت لعفشجى قالى روح وهات واعمل وغيرت المساعدين وصرفت اد كدة وفى الاخر الصوت زى م هو هو عند العجلة كدة فوقيها فياريت حل وتقولى السعر ده مناسب ولا لا؟؟

**حماده المصري** · 22-09-2013 07:22 AM

سعر كويس

الصوت هو اكيد حاجه في العفشه بس الراجل محلهاش صح

وممكن يبقى صوت طبيعي بس حضرتك موسوس مثلا

**أحمد جودة** · 22-09-2013 10:35 AM

المشاركة الأصلية كتبت بواسطة حماده المصري

سعر كويس

الصوت هو اكيد حاجه في العفشه بس الراجل محلهاش صح

وممكن يبقى صوت طبيعي بس حضرتك موسوس مثلا

كلام جميل ........ وممكن علشان بقطع الشك باليقين يشوف نفس العربية مع حد تاني ويشوف الصوت

**mohamed moda** · 22-09-2013 05:08 PM

الف شكر جضراتكم خلاص جل المشكلة دى لقيته وعملناه
بس سؤال تانى العربية بتاكل بنزين جاااامد اوى اوى الحل ايه لو سمحتوا؟

**cap.ahmed** · 22-09-2013 06:04 PM

استاذ محمد السﻻم عليكم
ياريت لو سمحت تقولنا عيب الخبطه دي طلع ايه ﻻن انا عندي نفس العربيه ومبقالهاش كتير وعندي نفس المشكله وعملت نفس اللي عملته انت العفشه وكده وبرده الصوت لسه موجود .
وبالنسبه للسعر كويس جدا ربنا يباركلك فيها ويعطيك خيرها ويكفيك شرها انا جبتها باكتر من كده كتير.
وبالنسبه لموضوع اكل البنزين ده وضح اكتر يعني فول العربيه وامشي بيها كام كيلو كده وبعدين فول وشوفها اخدت اد ايه وقولنا وان شاء الله
اي حد يقدر يساعدك اذا اتضح انها فعﻻ بتاكل بنزين .
وشكرا.
ومبروك على العربيه مره تانيه.

**mohamed moda** · 23-09-2013 01:04 AM

المشاركة الأصلية كتبت بواسطة cap.ahmed

استاذ محمد السﻻم عليكم
ياريت لو سمحت تقولنا عيب الخبطه دي طلع ايه ﻻن انا عندي نفس العربيه ومبقالهاش كتير وعندي نفس المشكله وعملت نفس اللي عملته انت العفشه وكده وبرده الصوت لسه موجود .
وبالنسبه للسعر كويس جدا ربنا يباركلك فيها ويعطيك خيرها ويكفيك شرها انا جبتها باكتر من كده كتير.
وبالنسبه لموضوع اكل البنزين ده وضح اكتر يعني فول العربيه وامشي بيها كام كيلو كده وبعدين فول وشوفها اخدت اد ايه وقولنا وان شاء الله
اي حد يقدر يساعدك اذا اتضح انها فعﻻ بتاكل بنزين .
وشكرا.
ومبروك على العربيه مره تانيه.

الله يبارك فى حضرتك والله الخبطة طلعت فى الرفرف اللى قدام وديتها عند سمكرى طلع الرفرف كان متشال قبل كدة وكان عايز يتلحم من جوة والصوت بعدها راح خالص وخد 50 جنيه يعنى مش فى السكة بس صرفنا اد كد عليها وبالسنبة للبنزين العربية بفولها والاقيها مشيت حوالى 130 كيلو او اقل كمان بتاكل بنزين بشكل رهيب

**cap.ahmed** · 23-09-2013 01:37 AM

المشاركة الأصلية كتبت بواسطة mohamed moda

الله يبارك فى حضرتك والله الخبطة طلعت فى الرفرف اللى قدام وديتها عند سمكرى طلع الرفرف كان متشال قبل كدة وكان عايز يتلحم من جوة والصوت بعدها راح خالص وخد 50 جنيه يعنى مش فى السكة بس صرفنا اد كد عليها وبالسنبة للبنزين العربية بفولها والاقيها مشيت حوالى 130 كيلو او اقل كمان بتاكل بنزين بشكل رهيب

طيب يعني استهلكة اد ايه بالظبط في ال 130 كيلو ﻻن في معدل وانا برده كان معايا نفس المشكله والموضوع بتاع اكل البنزين ده في الﻻنوس اصﻻ رخم جدا وممكن احكيلك اللي حصل واللي عملته تحديدا لو تحب نتكلم تليفون وده رقمي اذا حبيت حضرتك 01000565052

**حماده المصري** · 23-09-2013 02:43 AM

لو لما بتدورها بتلاقيها بتاخد وقت في الدواره تبقى رشاشات بايزه وده بيخليها تاكل بنزين كتير

الرشاشات بتتغير برشاشات اكسنت القديمه او اوبل

**cap.ahmed** · 23-09-2013 03:05 AM

المشاركة الأصلية كتبت بواسطة حماده المصري

لو لما بتدورها بتلاقيها بتاخد وقت في الدواره تبقى رشاشات بايزه وده بيخليها تاكل بنزين كتير

الرشاشات بتتغير برشاشات اكسنت القديمه او اوبل

افضل رشاشات وعن تجربه وعن تجربة ناس هنا برده رشاشات bmw m40 بحوالي من 200 الى 250 ج وارد ان فعﻻ يكون رشاشات بس في حاجات تانيه برده وعن تجربه زي حساس الشكمان والموبينه وحساس الكرنك وعلبة البيئه ولو السحب ضعيف او مكتومه فلتر هواء وعلبة بيئه او تنفيس ف الشكمان من اول الفرن لﻻخر يسبب صوت وضعف سحب واكﻻن بنزين .
والله اعلى واعلم ولو في حد برده عنده خبره اكتر مني هيوضحلنا وياكد كﻻمي ان كان صح وﻻ ﻻ وربنا يوفقك.