الموضوع: توصيل البطارية خطأ، دواسة البنزين فصلت، يبقى ايه المشكلة؟

المشاركة الأصلية كتبت بواسطة asemx1

الموضوع بسيط وبدام العربيه بتدور وبالضغط على الفرامل او تشغيل اللمبات او الاحمال بيتغير الحمل والكمبيوتر بيحس بالحمل وبيزود سرعه الماتور على هذا الاساس يبقى الكنترول تمام

افصل البطاريه ووصلها بعد نص ساعه

تحياتى لك

م/ عاصم جاد
د

ألف شكر يا بشمهندس، الموضوع طلع بسيط الحمد والشكر لله، والتوكيل قال إنها قصة فيوزات وكانت حاجة بسيطة.

المشاركة الأصلية كتبت بواسطة dr.hazem

ايه لمبة الانجكشن دي؟؟؟
تحياتي

Sent from my Xperia Arc S using Forum Runner

أعتقد يقصد "Engine check".



----------------------------------

بالمناسبة أنا بعد ما جيت من التوكيل (استلمت العربية بالنهار) في حاجة اكتشفتها بالليل، الإنارة بتاعة لوحة العدادات ولمبات التكييف فيها برجلة،
يعني لما بلف الدراع بتاع إنارة لوحة العدادات والمصابيح الأمامية، على أول درجة بينور الللوحة ولمبات التكييف بتنور تمام (تكييف تاتش مش بكر)،
بعد كده لما بلفه تاني درجة عشان أنور المصابيح الأمامية، المصابيح بتنور ولوحة العدادات بتطفي ولمبات التكييف بتنور
وبعدين لما بلفه على آخر درجة (أوتو) بترجع اللوحة تنور تاني والتكييف بيطفي
( شوية لغبطة كده)

إن شاء الله لما أخلص شغل هروح التوكيل تاني، حد عنده فكرة الموضوع ده يستاهل المشوار ولا ممكن يخلص عند كهربائي؟ أنا مش عايز أروح لكهربائي يحط لي فيوز باتنين جنيه يبوظ لي علبة الفيوزات ولا حاجة.