الموضوع: ونش انقاذ !!!!!!!!! ميكانيكى ؟؟؟؟؟؟؟؟؟؟؟ كهربائى ؟؟؟؟؟؟؟؟؟

المشاركة الأصلية كتبت بواسطة mr_vampire

فعلا ممكن جدا.

هههههههههههه ياولاد الابالسة. تفكيرهم يوصل انهم يخلو الضحية يتصل بيهم بنفسه عشان يجوله ويسرقو العربية منه.

ال خلانى اشك والله اعلم ان الاعلان معمول بطريقه عشوائيه لاقصى درجه استحاله تكون شركه او ونش انقاذ يعمل اعلان بالشكل دا يكتب بخط ايده على الرصيف او على اى حائط والاماكن بتكون كلها مريبه اساسا

المشاركة الأصلية كتبت بواسطة midoabdeen

لا حول ولا قوه الا بالله

دا لو فعلا الكلام دا صح يبقى البلد وصلت لمرحله ان مافيش بلد اصلا ولا حد يخاف على حد
معنى كده ان لما العربيه تعطل منى على طريق واشاور لحد من حقه انه مايقفش ليا

طبعا استحاله انت هتقف لحد واستحاله حد هيقف ليك من كام شهر كنت راجع من اسكندريه وواحده شاورتلى وشكلها بنت ناس بس خفت اقف بصراحه الله اعلم هل العربيه بتاعتها فعلا بايظه ولا بتشتغلنى بس ال لاحظته انها واثقه من نفسها وبتشاور بعشم اوى دا ال خوفنى اكتر

المشاركة الأصلية كتبت بواسطة sasamh

ونطلع من كدة انك لو عطلت الأمن ليك انك توقف حد من على الطريق يساعدك

الائمن من كل دا اننا نعمل الصيانه للعربيات على طول بحيث نخلى تعطيل العربيه شبه نادر وربنا هو ال بيستر اولا واخيرا

المشاركة الأصلية كتبت بواسطة friendship7897

ربنا يستر
لو فعلاً توقعاتك في محلها
ويكونوا المنقذين هما النصابين والبلطجية
يبقى عليه العوض ومنه العوض
زمان كوتشي باظ في منطقة مقابر -مكان مرعب
لا عارفة آخد تاكسي - لأن ما فيش أصلاً - ولا عارفة أعمل أيه
هي كانت الساعة مش متأخرة قوي بس الليل دخل -كانت تقريباً سابعة في الشتاء
فقررت أني أغير فردة الكاوتس وأمري لله - والحمد لله بعرف - بس هي المشكلة في قوة الضغط لفك الصواميل
وبمجرد ما بدأت لاقيت - الحمد لله أكتر من سيارة للمساعدة
لا هما خافوا وقلقوا من وقفتي -ولا أنا قلقت من واقفتهم ليا
وأنا كمان كنت كل ما آلاقي واحدة ست واقفة بعربيتها فيها عطل أو حادثة
لازم أركن لها - لكن دلوقتي لا ينفع الواحد يقف لحد ولا يخلي حد يساعده

فعلا البلد بقت صعبه جدا والغريب ان ممكن يكون حد فعلا محتاج مساعده بس من خوف الواحد يكبر دماغه منه ايام زمان كان الواحد ممكن يركب معاه اى حد فى جو حر مثلا حاليا بيقول يولع هو انا اعرفه ولا اعرف هو مين مش ممكن يثبتنى وكل الشعب بيقول كدا


وبكرا تشوفوا مصر