الموضوع: اليوم جربت أخيرا عفشة و إتزان سيراتو 2014

عجبني شكل السيراتو الجديدة و كنت محتاج عربية 1600 و أنزلها مصر بعد سنة أو أتنين و شفت كذا عربية و قلت أجيب السيراتو على قدي و التوكيل محترم في مسقط .... وبدأت أتفاوض في التوكيل و خاصة في إصدار cerato Ex spl لعام 2014 عجبني الشكل و الأوبشن كويس نتكلم عليه في الآخر ..... بدأت أقرأ عن العربية و لقيت مفاجأه غريبة الرفيو الأجنبي عن العربية مفيش مشكلة في العفشة أو الإتزان معقول بالنسبة لسعر العربية و الفئة و لكن في المواقع المصرية شكوي و بعض الأحيان خناق على العفشة البعض يقول عادية و البعض يقول سيئه جدا .... سألت قي المنتدى لم يرد علي أحد رغم 61 شخص قرأ الموضوع ..... أتصلت بالتوكيل الصبح و قلت له وقف الورق عايز Test Drive فورا .... المهم الراجل هندي قال لي مفيش مشكلة بعد 20 دقيقة تعالى خد العربية .... أخدت العربية و طلعت طريق مسقط السريع و مشيت على 165 كيلو مع العلم أنا لا أسرع عن 140 أبدا (راجل عجوز ) و ضبط العربية على sport steering mode , و بصراحة العربية مفيش أي مشكلة عادية مش بورش بس كويسة أخدت ملفات على 150 و 140 مفيش مشكلة متحكم في العربية قلت كويس أجرب حته مكسرة .... بصراحة الطرق هنا رائعة وفكرت أمشي في طريق طوله 400 متر خاص بأحدى المولات معمول بلاط زي الرصيف أنترلوك و أي عربية بتتهز جامد لو تجري و نجحت السيراتو و مش بنط زي ما قرأت في المنتدى ... كده أطمأن قلبي و أنا نش محتاج أكتر من كده .... الأوبش في العربية التالي كاميرا خلفية و لكن تري الشارع في حالة الرجوع في نصف المرىة الأمامية + سينسور رجوع عادي وعجل 16 + زجاج العربية الجانبي و الخلفي فيميه + تثبيت سرعة و دركسيون ملتي + بلو توث + و 3 مود لل Steering( Normal /Comfort/Sport mode ) أير باج 2 أمامي + مرايات خارجية قابلة للإغلاق الكهربائي أو بالرموت + ضوء نهاري ليد خارجي +إسبيلور في الخلف + المرايات الخارجية فيها إشارات ليد أيضا + تبريد لدرج الأمامي + 4 سماعات + 2 تويتر + الكراسي الخلفية يمكن ضمها للشنطة مع ذراعين داخل الشنطة لغلق الكراسي الخلفية + دواسات خاصة بكيا شيك قوي + كرسي السائق له القدرة للتعلية و طبعا للخلف و الأمام و المسند يوجد بكره له عند لفها تعطي سند زيادة لأسفل الظهر
مش عارف في حاجة تانية و لا لأ عموما إن كان في نصيب حنصور كل حاجة لوحدها
طبعا هنا التوكيل بيعطي مع السيارة تأمين شامل لمدة عام و ضمان 6 سنوات و سرفيس كامل و غسيل مجاني لمده 6 سنوات أو 100كيلو أيهما أقرب ..... و السعر مازلنا في مرحلة التفاوض

المشاركة الأصلية كتبت بواسطة tameraast

متقرنش طرق مسقط بطريق الدايرى او الزراعى مثلا
ساعتها كلو هيبان
العربيه العفشه بتاعتها محترمه و كل حاجه
بش مش زى الملتى لينك
مدام سواقتك خط طولى و مفيش لعب اتكل على الله
و الف مبروك مقدما :d

اعتراضى الوحيد على 2 اير باج ده لو كنا فى 2005 الميجان كانت بتنزل ب 6 دلوأتى 2013 و 2 كيا دى دماغ

إستعمالي عادي للعربية .... أما بالنسبة 2 أو أكتر للأير باج ده بتوقف على التوكيل مش نوع العربية ....يوجد سيراتو هنا 2000cc هي بجد فول أوبشن وشاشة تاتش و تكيف إسبليت و عجل 17 و أشياء أكتر و العربية نازلة في أوروبا بعدادت مختلفة و نظم آمان أكتر .... أنا كنت في ألمانيا السنة الماضية و كنت مستغرب قوي لوجود الألنترا أكتر من الكورولا بكتير بس العربية مختلفة من الداخل عن هنا حتى في الخليج