الموضوع: المرجع الموحد لحساسات الدايو و اعراضها

سلام عليكم يا شباب
الموضوع ده انا عمله ليكون مرجع موحد لجميع الدايو سواء لانوس او نوبيرا لانهم واحد (الموضوع منقول من عضو كان عاملها مشاركه فن فتره كبيره فاحبيت اذكر الناس واحطه في موضوع منفصل للافاده وشكرا العضو صاحب المشاركه الاصليه ) نبدأ :


1- حساس الشكمان:

http://nileup.com/up/watermark.php?s...495231.jpg&p=c

دة وظيفتة تحديد نسبة الاكسجين فى العادم و من خلالة ال كمبيوتر بيحدد كمية البنزين اللى المفروض تضخها الرشاشات

مكانة فى اسفل فرن الشكمان

http://nileup.com/up/watermark.php?s...495232.jpg&p=c

اعراض التلف: زيادة استهلاك البنزين و ضعف فى الاداء
ا
لسعر: 200 جنية تقريبا



2- حساس البوابة:

http://nileup.com/up/watermark.php?s...495233.jpg&p=c

و دة وظيفتة تحديد درجة فتح البوابة او بمعنى اخر انت دايس على دواسة البنزين قد ايه

مكانة على البوابة فى الطرف المقابل للبكرة اللى راكب عليها سلك دواسة البنزين

http://nileup.com/up/watermark.php?s...495234.jpg&p=c

اعراض التلف: السلانسية سرعتة حتبقى عالية جدا RPM يعلى و يوطى لوحدة بشكل متكرر

السعر: 120 جنية



3- حساس الكرنك:

http://nileup.com/up/watermark.php?s...495235.jpg&p=c

و دة وظيفتة تحديد وضع عامود الكرنك للكمبيوتر و من خلالة يتم تحديد توقيت الشرارة و بخ البنزين

مكانة على الجانب الشمال (الساعة 10) لطنبورة الكرنك

http://nileup.com/up/watermark.php?s...495236.jpg&p=c

اعراض التلف: غالبا العربية مش حتدور اساسا

السعر: مش عارف



4- حساس العمة:

http://nileup.com/up/watermark.php?s...495237.jpg&p=c

و دة وظيفتة تحديد درجة حرارة الهواء اللى داخل للموتور و من خلالة يتم تعديل نسسبة الهواء و الوقود

مكانة فى الخرطوم اللى بين العلبة اللى فيها فلتر الهواء و المنافول

http://nileup.com/up/watermark.php?s...495238.jpg&p=c

اعراض التلف: لمبة التشك حتنور بس مفيش اى اعراض على الاداء و السحب

السعر: مش عارف



5- حساس الحرارة

http://nileup.com/up/watermark.php?s...495239.jpg&p=c

و دة وظيفتة تحديد درجة حرارة مياه التبريد و من خللالة الكمبيوتر بيحدد اذا كانت العربية باردة ولا لا و هل محتاج يشغل مراوح التبريد ولا لا

مكانة فى وش السلندر تحت البوبينة

اعراض التلف: ممكن المراوح تشتغل بدون توقف او العربية تبقى مبرجلة فى السلانسية وتاكل بنزين

السعر: 120 او 140 حاجة كدة



6- حساس مؤشر الحرارة

http://nileup.com/up/watermark.php?s...952310.jpg&p=c

و دة وظيفتة تشغيل موشر الحرارة بتاع التابلوة

مكانة فى منافول السحب جنب رشاش نمرة 1

اعراض التلف: المؤشر حيخرف

السعر: مش عارف



7- حساس البلوك او التسقيف knock sensor

http://nileup.com/up/watermark.php?s...498571.jpg&p=c

و دة وظيفتة اعطاء اشارة للكمبيوتر لما الموتور يبداء يسقف و عن طريقة الكمبيوتر بيغير توقيت الاشعال لمنع التسقيف

مكانة فى البلوك جنب المارش

http://nileup.com/up/watermark.php?s...498572.jpg&p=c

اعراض التلف: مش عارف

السعر: مش عارف


8- حساس الماب

http://nileup.com/up/watermark.php?s...498573.jpg&p=c

و دة وظيفتة تحديد كمية الفراغ فى المنافول و من خلالة الكمبيوتر بيحدد كمية الهوا اللى داخل للموتور و عليه بيحدد كمية البنزين المطلوبة

مكانة على صدر العربية او على المنافول نفسة فى الليجانزا

http://nileup.com/up/watermark.php?s...498574.jpg&p=c

اعراض التلف: العربية حتبرجل اكنها ماشية تلاتة سلندر و عزمها حيبقى فى الضياع لكن على لفات عالية حتبقى عادية و لمبة التشك حتنور

السعر: مش عارف

اتمنى التثبيت للافاده