عاوز اعدل فى عربيتى بس تكون بتكاليف خفيفة

عاوز اعدل فى سيارتى بس تكون بتكاليف خفيفة هى سيارة دايو لانوس
وشكرا:wink14:

ايوه يعني تعديلات شكلية ولا تعديلات رفع الأداء ؟

اولا شكرا على الرد
ثانيا هى تعديلات شكلية

حدود الملغ اللى معاك كام ؟

حدود مبلغى 2000 جنية

ممكن تعدل فى شكل الفوانيس ألأماميه و الخلفيه
هنا فى قسم الكماليات هتلاقى عضو زميل اسمه باسم طاها و تكلفه كويسه جدا و ممكن بالباقى ستيكر كاربون نفس لون عربيتك و تفيم المثلثين الخلفين فى الزجاج الخلفى و ستاره خلفيه و هيفضل فلوس ان شاء الله
اكتر من كده هيبقى جنوط و ده لوحدها تكلفه تانيه
(طبعا كل دى افكار و راى شخصى) و انتظر اراء الأعضاء معانا

ممكن تعمل فرش جلد بلون العربيه وهيبقي ف حدود 500 وطقم ستاير 100 ولو عربيتك مش متجنطه هات طاسات بدل الجنوط واختار شكل مناسب وهيبقي ف حدود 150 ووممكن كمان تركب ليدات داخل وخارج العربيه هتعمل معاك شكل رهيب وشوف انت محتاج تظبط ايه وقولنا واحده واحده واحنا معاك ان شاء الله

شكرا للرد
انا عربيتى متجنطة وانا ركبتلها فرش جلد بالكامل بس نفسى فى تغير

هو موضوع اليدات دة انا مش عارف بحس انة بيخلى العربية فرح ولا اية رئيكم

هيا الليدات دى عباره عن ايه يا جماعه وبتتركب فين ؟؟

مفيش حاجة حتنطق العربية اكتر من جنط نظيف و محترم و كبير 15 ولا 16...

بس ده في حد ذاته خراب ديار.. لأن تكلفة الجنط مقدور عليها.. لكن تكلفة الكاوتش مؤللللمة!! :(

غير كده ممكن جداً تعمل الحاجات الي الشباب قالوها و حتفضل معاك فلوس ان شاء الله

العضو Haysam2000قالك فكر حلوة اوي

اليدات دى بتتركب كأكسسورات للعربية ليها كزة لون ممكن تغير بيها اضائة الصالون او على العتب بتاع العربية