الموضوع: استهلاك بنزين عالي جدا فيكترا 2002 1600 ايكو تك

تم نشر الموضوع بطلب م/عاشور لتعم الفائدة علي الجميع ان شاء الله

اما بالنسبة للقراءات فسوف اتأكد منها مرة اخري مع المقارنة بما ارسله عاشور وسوف ارد في هذا الموضوع بالقراءات الحالية للسيارة.

سؤال وافي وشامل و علمي والاجابة علمية شافيه منطقيه جدا

بصراحه موضوع مفيد ويستحق انه يتنشر ومنتظرين القرايات يا كيمووو

المشاركة الأصلية كتبت بواسطة kiroo85

انا مالك سيارة فيكترا 2002 1600 ايكو تك جبتها من اربع شهور ومن ساعتها ... عندي استهلاك البنزين هبل يعني الصفيحة بتعمل 160 كم عل سريع والمتوسط 140 كم جوه البلد ودوخت ورا كل حاجة من صابر لعبد الراضي لعلام مفيش حد وصل لحاجة في الموضوع ده .. مع العلم ان :
1-خرطوم وماسورة البنزين تمام مفيش تسريب.
2- غيرت اي جي ار وشغال تمام عن تجربة.
3- غيرت حساسين اكسجين بانك 1 وبانك 2
4- غيرت حساس ماب
5- عملت التراسونيك للرشاشات والاداء اختلف بعد التنظيف بس معدل الاستهلاك لسه عالي
6- غيرت عند طناني طقم بوجيهات واحد شمعة ونظفت البوابة (وبصراحة طناني محتاج موضوع لوحده لوصف المركز بتاعه ماشاء الله)

عايز اقولك كنت قريت في موضوع من مواضيعك حاجة عن long fuel trim انا عندي 25- % ... عندي الاوب كوم والواصلة ومتابع القرايات بتاعت الحساسات وفي ملحوظة كمان .. حساس الاير انتاك اللي راكب عل عمة كان السلكتين بتوعه راكبين بالشقلوب يعني الموجب واصل عل سالب وده كان بيخلي الكنترول كل شويه يدي ايرور شكل لحد ما صابر مشي ورا الضفيرة ووصل للموضوع ده ومن ساعتها مبقاش في تهييس في الايرورز دي .. معلش طولت عليك بس ربنا يجعلك سبب في حل الموضوع ده علشان قربت ابيع هدومي.

رد: أحمد عاشور

ياه -25% دي سفاحه بنزين !!!!

العربيه بتدخن ؟؟؟ بتشم ريحه بنزين ني ؟؟؟ البوجيهات بتتطلع سودا ؟؟؟؟

عموما انت راجل بتفهم و بتشغل دماغك

شوف يا سيدي الحساسات اللي جايه دي مسؤله عن الحريق :

1-كولنت سينسور حساس حراره مياه التبريد دا مفروض يكون ميقلش عن 80 درجه بعد مالعربيه تسخن لو كان اقل من كدا العربيه تاكل بنزين
لو اقل قولي نتكلم في الموضوع

2-حساس الانتاك اير قراءته من 10 درجات ل 50 درجه الكنترول بيرمي بنزين اكتر للهواء الساقع خلي بالك

3-حساس الماب وده في السلانسيه مفروض يكون من 30 الى 50 kpa يعني من 1.2 فولت ل 1.9 فولت
والموتور مش داير و انت فاتح كونتاكت بس يكون من 90 الى 110 kpa او من 4 فولت الى 5 فولت

4-بالنسبه لحساس الاكسجين الراجل عمل اللي عليه وبيقول للكنترول قلل بنزين فدا مش بايظ عشان تتأكد هتلاقيه كاتب rich في الداتا ليست في الطبيعي مفروض يفضل يغير ما بين lean and rich

5-حاجه مهمه جدا جدا .... ضغط طلمبه البنزين
اشاره الكنترول للرشاشات مبنيه على ضغط معين لطلمبه البنزين واللي بينظم الضغط دا بلف الراجع
لو حد لعب في الطلمبه او بلف الراجع مسدود اللي اقصده ان ضغط البنزين على الرشاشات اكتر من المفروض
لو كل الحساسات اللي فاتت دي سليمه العربيه تاكل بنزين بردو

في جهاز لقياس ضغط طلمبه البنزين .

عند نفس العربية ونفس المشكلة
كنت عاوز اسالك جبت الحساسات دي بكام و جدييدة ولا استيراد
و حساسس العمة دة جبتو ولا لا وبردو بكام
وتضفت الرشاشات فيينن
لان همشي علي خطاك

حط في احتمالك حاجة تانية الموبينة ممكن تكون ضعييفة
انا سالت عليها وقلي نوع دلفي زي الي فيها ب 700 جنية
بس انا مش عارف انهي لا صلح

ياريت متنساش الاسعار والمركة اية
معلش عتعبك معايا
وربنا معانا ونلاي حل للمشكلة دي

الزميل العزيز sub Zero بالنسبة لاستفسارك عن الحساسات انا جبت واحد من عند صابر واتنين من الحرفيين من عند الفولي في شارع مرسيدس وكله استيراد ولو هتروحلوا اسأل عن علي وقوله من طرف كريم وهو هيعمل الواجب معاك وبالنسبة للرشاشات نضفتها عند واحد في المعادي اسموا مدحت وده راجل عبقري بمعني الكلمة اتفرجت عنده علي اختراع يحل مشكلة قطع الكهرباء بس للاسف مش فاكر رقموا كنت جبته من عل نت اصلا ورحتلوا.

الزميل م/عاشور بخصوص الرد في موضوعي .. قمت بالتأكيد علي القرايات اللي طلبتها واليك الاتي:

بالنسبة للعادم مفيش دخان ولا ريحة بنزين ني والشكمان بيعرق لما كنت بوصل لاربي ام 6 وانزل تاني والبوجيهات لما غيرتها كانت متحمصة فقط وده كان نتاج التجارب اللي فاتت كلها.

1- درجة الحرارة لما العربية بتسخن بتبقي 90 تقريبا ولما بشغل التكييف بتبقي 80-85 وده علي قراية التابلوه علشان لاحظت ان قراية حساس الكولنت فيها فرق 10 درجات بين التابلوه والجهاز (الجهاز مزود10 عن مؤشر التابلوه)

2- حساس الانتاك اير وصل معايا ل62 درجه في الظل مش عارف في الشمس ممكن يوصل لكام.

3- حساس الماب قرايته تمام in range سواء والموتور داير او والكونتكت مفتوح زي ما قلتلي بالظبط.

4- ملحوظة في حساس بانك 1 ان قرايته متغيره باستمرار سواء عل سلانسيه او وانا بضغط بنزين ومابين rich & lean
حساس بانك 2 مش بيتغير عل سلانسيه ولما بضغط بنزين بيغير قيمته بس هو ثابت علي lean.

5- بالنسبة لضغط الطلمبة كنت قيستها قبل كده عند عبد الراضي بمقياس ضغط الكاوتش ووصله في بلف في مسطرة الرشاشات وقالي تمام ... بس لو في حاجة ممكن اكشف عليها بخصوص الراجع او لو ممكن الكمبيوتر يقرا الراجع زي ما بيقرا الطلمبة لما بيعملها cutoff يبقي تمام.

حاولت اكون دقيق بقدر المستطاع وربنا يكرم في الحل.