ساعدونى من فضلكم فى المقارنة بين السيارتين .. هما الاتنين تقريبا نفس السعر فى تاني فئة ١٨٥ الف..
اوبل استرا ٢٠١٣ او كورولا ٢٠١٤
محتار جدا و المبلغ مش قليل ... مستني مساعدتكم و شكرا جزيلا للجميع.
ساعدونى من فضلكم فى المقارنة بين السيارتين .. هما الاتنين تقريبا نفس السعر فى تاني فئة ١٨٥ الف..
اوبل استرا ٢٠١٣ او كورولا ٢٠١٤
محتار جدا و المبلغ مش قليل ... مستني مساعدتكم و شكرا جزيلا للجميع.
بص أنا معايا الأسترا هاتشباك و لو رجع بيا الزمن لوقت ما كنت بفكر في عربية عمري ما كنت هفكر في التويوتا عاماً و الكورولا الجديدة خاصاً..
جايز الكورولا الجديدة تكون عربية كويسة بس مهما كانت كويسة مظنش أنها توصل لدرجة المقارنة بعربية ألماني من حيث الثبات أو الأمان.
و بصراحة شكلها بالنسبالي سيء جداً و تصميم رخيص من تويوتا و ده مش جديد عليهم.. بس دي مسألة أذواق..
انا متابع مشاركاتك فى موضوع تجربة الاوبل استرا و كلامك عنها و بصراحة انا مشدود ليها جدا ، بس للامانة ناس كتير قالتلى بلاش اوبل و كان راى بعضهم ان الاوبل هيا اسوأ الالمانى والمعظم ان وكيل اوبل اكثر من سئ..
اشكر اهتمامك بس كتجربة شخصية ايه ابرز عيوب الاسترا معاك ؟ استهلاك بنزين مثلا ؟ سحب ؟ توكيل ؟ تكلفة صيانات ؟ صوت غير مفهوم ؟ او اى عيوب تانية انت شايفها ؟ و سؤال اخير هيا عربيتك موديل كام ؟
شكرا مرة تانية لمساعدتك.
لأ أوبل مش أسوأ الألماني ولا حاجة و منصور مهواش أسوأ توكيل في مصر..
أنا عموماً كنت بدور على عربية ألماني و البي أم كانت و مازالت أختيار أول بالنسبالي بس جشع توكيلها و مغالاته في أسعار قطع الغيار و الصيانات طفشني منها و لو حتى للفترة الحالية..
فولكس بعدت عنها لأن معنديش أستعداد يتجرب فيا فتيس عامل مشاكل مع ناس كتير + واحد صاحبي كان ليه تجربة سيئة مع التوكيل و بوظوله تابلوه العربية..
يمكن أوبل كان ليها مشاكل متكررة في موديلات سابقة, بس الأسترا الجديدة لحد النهاردة قادرة تثبت أعتمادية كبيرة و عيوبها تكاد لا تذكر..
الوكيل لحد دلوقتي ماشي معايا تمام يعني أقدر أقول عليه متوسط, لا هو بيقدم الخدمة المبهرة و لا هو سيء.. يعني هو أنت بتحتاجه في صياناتك الدورية كل فترة و بتنساه بعد كده..
العربية نفسها, أنا بالنسبالي العربية مش عاملة معايا أي مشاكل الحمد لله بس أنا مدلعها زيادة شوية و بحطلها بنزين 95 و يمكن يكون ده اللي مش مخليني أشتكي من موضوع الرعشة أو ضعف السحب اللي أشتكى منه بعض ملاك العربية هنا..
أستهلاك البنزين أعتقد أنه أعلى من المتوسط شوية, السحب تقيل شوية في الطلعة بس فوق بعد كده الدنيا بتبقى لطيفة أوي,
العربية وزنها تقيل, يمكن الأتقل في فئتها, و ده هتحسه في طلعة العربية أكتر و في الطرق السريعة لما يكون في هواء أو لو بتجري جنب عربية نقل فهتلاقي العربية لازقة في الأرض مبتتهزش.
تكلفة الصيانات أنا شايفها معقولة, يمكن كل كام صيانة كده السعر بيزيد عشان شوية قطع غيار بتتغير بس برضه تعتبر في حدود المعقول..
أنا عربيتي الهاتشباك موديل 2011
و ملحوظة صغيرة, الهاتشباك من وار أوسع من السيدان..
مقارنة صعبة جداا .. الالماني و الياباني لاكني بميل للكورولا الجديدة
الاتنين قريبين من بعض جدا
كل واحة عندها ميزة مهمة و عيب مهم
( الكورلا )
الميزة : انها ليها سمعة طيبة جدا ف البلد و ف كل حتة ف العالم و من اكبر شركة ف العالم ف المجال ده و قطع غيار و توكيل و سعر اعادة بيع مضمون
العيب : انها 2014 و محدش جربها و انت لو هتشتريها يبقى هتشتريها عشان سواد عيون تيوتا و الي هيشتريها لازم يكون عنده ثقة عمياء ف تيوتا او يكون جربها
( الاسترا )
الميزة : انها ألماني :nemoflow:
العيب : التوكيل السئ و قطع الغيار الغالية و القليلة برا التوكيل و ده هيخليك متقدرش تتعامل غير مع التوكيل ( السئ )
بيني و بينك انا لو مكانك هتجاهل كل المواصفات الفنية لأن العربيتين قريبين من بعض جداا
و اختار على حسب الشكل الي يعجبك
صدقني ده عامل مهم جدا لأن ده الي هيخليك راضي عن العربية او لا !
رايى اوبل استرا
العربيتين حلوين ومنقدرش نعيب في واحده قدام التانيه بس الاوبل ليها رجالتها والتويوتا ليها رجالتها عامل زي مقارنه بين ميسي ورونالدو منقدرش نقول مين احسن من التاني لان الاتنين كويسين وده ليه اسلوبه وده ليه اسلوبه من الاخر اللي هيحسم المقارنه هو انت باستخاره الله ثم بركوب العربيتين كذا مره
وكمان كورولا عليها طابور حجورات لشهر ونص قدام، انا علي فكره زيك بالظبط وفلوسي جاهزه وبعت عربيتي خلاص، والنهارده روحت شوفت استرا عند اباظه،،،
هي مش واسعه زي الكورولا وبالذات من ورا،
ولنل شايفها تتقارن مع الفئه قبل الاخيره في المورولا من حيث السعر والمواصفات
اعلي من الكورولا
امان اكتر لوجود ٤. ايرباج
وفي الغالب هروح بكره توكيل منصور في مصر الجديده واخلص في الاسترا (استلام فوري)
الأســترا أفضل من قبل ما حتى أجرب الكورولا... الكورولا طوووول عمرها عربية وقورة وهادية كدة وصوتها هادي وعزلها حلو وطبعا إعادة بيعها ممتازة... كل ده ليه زبونه... إنما مش اختراع يعني إن كلنا عارفين إن ثبات الكورولا عمره ما كان أحسن من الشارك والمازدا3 والسيفيك والإمبريزا... فطبعا هتكون أقل من الألماني في الثبات والتقل على الطريق دي حاجة متزعلش حد!! كل واحد يشوف احتياجاته... أنا واحد بمشي أغلب الوقت على 180 وساعات بطلع للـ200 وأحيانا الـ220 فبالنسبالي كان يستحيل أشتري كورولا لأني جربتها كتير في الشغل وآخرها 150 أو 160 بصراحة وبعدين الدنيا بتبقى صعبة... إنما لو كانت سواقتي مش عنيفة كنت هشتري الكورولا على طول لأنها ببساطة تويوتا=إعادة بيع سهلة
من الآخر... لو مش فارق معاك الثبات العالي جدا على السرعات وفي الملفات يبقى توكل على الله في الكورولا لأنها عربية كويسة جدا وتويوتا برضه... عايز بقى عربية تشد وتاخد غرز بيها وانت حاطط في بطنك بطيخة صيفي يبقى أسترا... بصراحة كفاية تابلوه الأسترا الرهييييب... حاجة في منتهى الشياكة... أنا كنت بفكر فيها والله بس معجبنيش مساحة الكنبة زائد ان بسعر أول فئة
كان يجيبلي شارك هايلاين وشفت بعد تجربة إنها لا تقل عن الأسترا غير في العزل يمكن
ملحوظة: الكورولا السنة دي نازلة بتجهيزات ممتازة علشان محدش يفتكرني بعيب فيها... بس أنا بقول إني شايف إنها مهما كانت كويسة فالأسترا أفضل برضه
وانا مختلف مع اللي يقول إن الأوبل أسوأ الألماني... ده كفاية الفيكترا سي يعني
الاسترا جميلة
ولكن فمصر اركب الكورولا
الاختيار صعب جدااااا .. و خصوصا ان التويوتا زودت الوبشنز و خفضت ارتفاع العربية عشان الثبات .. و الاوبل تابلوه تحفة و امكانيات مرضية بس كنبة فعلا ضيقة .. مش عارف :(