فتيس الاوبترا الاوتوماتيك
السلام عليكم
انا عربيتي اوبترا 2009 اوتوماتيك
للاسف الفتيس باظ والعربيه مبقتش بتطلع اكتر من الاول ونادرا بتوصل للتاني
روحت التوكيل قالولي الكلتشات باظت ولازم تغير الفتيس
عايز اعرف سعرو استيراد قد ايه
وهل ممكن يتصلح او اغير الكلتشات وممكن تصليحو يتكلف كام
ومين اكتر حد كويس ممكن اروحلو
شكرا
فتيس الاوبترا الاوتوماتيك
السلام عليكم
أنا هاشرح المشكلة الاول وبعدين هاقول على الحل
المشكلة:-
انا عندى عربية اوبترا اتوماتك موديل 2006 عاملة 130000 كم , فية مشكلة فى الفتيس لما تكون العربية باردة بيحصل تفويت فى النقلات وال rpm بيعلى , وصوت الماتور بيعلى , ولمبة التابلوة تفضل تنور وتطفىء , ودة غالبا بيحصل عند النقل للتالت , وبمجرد العربية تسخن تمشى زى الفل , نقل وسحب وكلة تمام وتنطفىء لمبة التابلوة . مع العلم يتم تغير الزيت فى مواعيدة تقريبا كل 30000 كيلو . ملحوظة : لكى اتغلب على هذة المشكلة حتى تسخن السيار ة اقوم بتشغيل زرار الهولد الذى يتسبب فى زيارة الrpm وعلوا صوت الماتور .
الحل :-
المشكلة كانت فى الكلتشات والكنترول وحاجات تانية قلى عليها الميكانيكى المتخصص فى الفتيس الاتوماتيك بس وكان الحل تغير الفتيس بأخر يابانى لانة اتضح ان فتيس الاوبترا يركب علية فتيس كورلا اليابانى . والمفاجأة بقى السعر 1500 جنية غير الزيت 6 لتر بـ 35جنية التر والمصنعية حوالى 400 جنية
يعنى الموضوع كلة دخل فى 2000 جنية . والنتيجة الان بعد تجربة اكتر من اسبوع ممتازة حتى الان والحمد لله .
والميكانيى اسمة الاسطى \ رجب وهو فى صقر قريش - المعادى - ورقم تليفونة هو 01004342561
والميكانيكى زى الفل والله وهذة شهاده لله .
أرجوا ان يستفيد الاخوة الاعضاء من هذا الموضوع .