هم في التوكيل أكيد مبسوطين باللي إنت كاتبه، علشان كده محدش حيروحلهم تاني
هم في التوكيل أكيد مبسوطين باللي إنت كاتبه، علشان كده محدش حيروحلهم تاني
صديقي المواطن
والله عجزنا وياما نصحنا التوكيلات في مصر محدش يرضى يشتغل بيها إلا كسر المهندسين وبواقي اﻷسطوات وعشان كده عمري مدخل توكيل وأنا في الضمان إلا أما أكشف بره وأشوف الدنيا فيها إيه التوكيل ليه حاجات معينة غير كده موضوعك مكانش محتاج توكيل ودمتم للنضال
لا حول ولا قوة الا بالله .. دول ميتقالش عليهم غير بقالين مش مهندسين طلع العيب من الكبالن مش مربوطة في اخر الليلة بعد المرمطة دي وياريتهم صلحو العيب لا بوظو باقي العربية بسبب عيب زي دة حسبنا الله ونعم الوكيل فيهم وربنا معاك ورحلهم تاني عشان الاصوات الي بتسمعها دي
معلش والله بس لازم تستحمل علشان كل حاجة فى مصر لازم تيجى بالجرى والزق لازم كلل حاجة نقعد نجرى وراها كده بجد حاجة صعبة معلش قدر الله وما شاء فعل وانا برده رايح التوكيل قريب علشان التكييف عنده فى مشكلة شحنته مرتين وفى الأخر حسيت بالفريون بيترسب من جوه العربية تحت التابلوه فى الكرسى إلى جنب السواق فحروح لهم واشوف الموضوع إيه وربنا يستر
بس بجد إنت بطل
صراحه هم طبعا يستاهلوا البهدله لانهم طلعوا عنيك و معرفوش العيب من الاول بس نقطه تحسب للتوكيل انه كان بيغير من غير و يوجع دماغك انت لو عرفت سعر كل قطعه بتتغير هتتصدم دا كفايه علبه الدركسيون. طبعا دا حق اصيل ليك هم مش بيتكرموا عليك بحاجه و كدا كدا الحساب علي بروتون بس مش كل التوكيلات كدا
تصور انت بتتكلم عن نفس العيب ال عندي وعندما روحت التوكيل في الاسكندرية قبل ما يقفل معرفوش سبب العيب وقالو لازم تروح التوكيل في القاهرة وبالفعل سافرت ورحت القاهرة علشان المشكله ديه وبعد التجربة قالي المهندس ال المساعد الشمال عايز يتغير واحجزه علشان لما يوصل نغيره ومن ساعتها كل ما اسال لسه وبصراحه عودت نفسي علي هذا العيب لاني مش فاضي كل شويه اسافر للقاهرة بعد ما كمان التوكيل في الاسكندرية قفل وادو الصيانه لورشه بتشتغل في كل العربيات ومنه لله توكيل عز العرب وكمان الشركة المصنعه كمان ال مديه التوكيل لواحد زي عز العرب ده
متشكر يا جماعة علي مشاعركم الجميلة بس انا مش رايح عز العرب تاني انا جبت اخري معاهم انا هاروح اربط واشحم العفشة عن اي حد بره وكفاية عليهم اوي لحد كده وبافكر جديا صيانة ال40 الف وما يليها اعملها بره وخلاص انا فضالي سنة وشهرين في الضمان مش عايزهم وكتر خيرهم اوي