لسة جايب Canon SX 50 HS

**mr_vampire** · 23-09-2013 12:40 AM

السلام عليكم ياشباب.

زي مالعنوان بيقول. لسة جايب كاميرا canon SX50 HS
من زمان وانا بفكر اجيب كاميرا ديجيتال لزوم المناسبات والصور التذكارية ( هاوي مش محترف ) ففكرت كتير فالسوني handy cam
بس بالصدفة النهاردة وانا بتفرج لقيت النوع ده وبالذات بقي بعد مالبياع اعد يفرجني عليها وعلي امكانياتها وعلي الزوم بتاع ووضوحه بجد اتوهمت بيها .

فايه رايكو فيها ؟؟؟؟ ولو حد بقي معاه الكاميرا ده يقدر يفيدنا نظبط فيها ايه ؟؟؟؟
صور ليها

فيديو تجربة الزوم بتاعها ( من عالنت
Canon SX50 - تجربه زوم كانون اس اكس 50 - YouTube .

ايه رايكو ياشبابنا المصورين ؟؟؟؟؟؟؟؟؟

**akmm** · 23-09-2013 11:21 AM

الف مبروك ............... هايله .

**mr_vampire** · 23-09-2013 12:36 PM

الله يبارك فيك ياباشا. اتفضل.

**friendship7897** · 23-09-2013 12:45 PM

المشاركة الأصلية كتبت بواسطة mr_vampire

وانا بفكر اجيب كاميرا ديجيتال لزوم المناسبات والصور التذكارية ( هاوي مش محترف )

وأنا كمان محتاجة كاميرا
ومحتارة أشتري أيه ؟
كل تصوري في الرحلات والمناسبات بالموبايل
والصور مش آد كدة
فأعمل ريبورت عن الكاميرا دي يا mr_vampire زي تقارير السيارات الجديدة اللي في المنتدى ههههه
وسعرها كام ، ومنين ؟
وشكراً جزيلاً
ومبروك عليك

**mr_vampire** · 23-09-2013 06:14 PM

المشاركة الأصلية كتبت بواسطة friendship7897

وأنا كمان محتاجة كاميرا
ومحتارة أشتري أيه ؟
كل تصوري في الرحلات والمناسبات بالموبايل
والصور مش آد كدة
فأعمل ريبورت عن الكاميرا دي يا mr_vampire زي تقارير السيارات الجديدة اللي في المنتدى ههههه
وسعرها كام ، ومنين ؟
وشكراً جزيلاً
ومبروك عليك [/RIGHT]

الله يبارك فيكي يافندم .
والله انا كمان كنت في نفس حيرتك كدة وبرده كنت مقضيها بالموبيل مع ان كاميرا الموبيل ووضوحها وامكانياتها مكنتش قليلة ( S3 ) بس فعلا كاميرا ككاميرا حاجة تانية خالص.

انا لحد دلوقتي لسة بكتشف فيها لان فيها اوبشنز كتير اوي بتوه فيها. حتي بظبط حاجة واحب اغيرها بنسي انا عملتها منين او جبتها ازاي هههههههههههه.

انا معرفش تمنها بكام في مصر لاني مش في مصر بس اعتقد اني جبتها ارخص لاني جبتها في sale فعملت بالشنطة وكارت ميموري 32 جيجا حوالي 4500 والميزة اللي عجباني انها ياباني صنع وتجميع, لان الاغلبية كان صناعة ياباني وتجميع تايواني او صيني. وانا بصراحة فالاليكترونيات الدقيقة اوي كدة بثق جدا فالياباني فقط.

فلو حضرتك عرفتي تشوفي الموديل ده في معرض وتجربيها وتشوفي بنفسك الاوبشنز اللي فيها وتشوفي الزوم ودقته عامل ازاي ( زي الفيديو اللي حاطه فوق ) لاني جربتها في مسافة زي كدة وقدرت فعلا اقري يافطة علي مسافة مش اقل من كيلو بالليل وبالنهار وكانت واضحة جدا ماشاء الله. هتعجبك جدا.

فانا معاكو بصراحة في انتظار حد محترف ومعاه او يعرف الموديل ده ينورنا اكتر.

**akmm** · 24-09-2013 11:07 AM

المشاركة الأصلية كتبت بواسطة mr_vampire

الله يبارك فيك ياباشا. اتفضل.

ربنا يبارك لك فيها ونحب نشوف انتاجك من التصوير قريبا .......... وهناك فيه انواع واشكال كتير من الكاميرات الديجيتال فى السوق المصلرى وتخفيضات رهيبه ... ممكن للى عاوز يشوف كارفور المعادى .