مسافر من القاهره إن شاء الله للغردقه بس ياريت حد يدلنى فين الممشى السياحى والهضبه فى الغردقه لأنى أول مره أسافر بالسياره وجزاكم الله خيراً
عرض للطباعة
مسافر من القاهره إن شاء الله للغردقه بس ياريت حد يدلنى فين الممشى السياحى والهضبه فى الغردقه لأنى أول مره أسافر بالسياره وجزاكم الله خيراً
انت عارف اى حاجه فى الغرقه عشان الوصف يبقى من عندها؟
على العموم اول ما تعدى الكمين اللى قبل الجونه هتكمل على الدائرى ... تفضل ماشى عليه طوالى (و خليك على اليمين لان الشمال بيطلعلك رصيف فجاه فى اماكن اليوترن) و السرعه عليه 90 و عادة بيكون فى رادار ... المهم هتوصل ميدان كبير قوى هلفه و تفوت فتحتين و تخش يمين فى التالته و طوالى هتوصل شارع تخش يمين و تلف يوترن و ترجع تخش يمين (شارع صغير شويه بس هتلاقى كل العربيات داخله فيه) و طوالى عتوصل اشاره تعديها و طوالى شويه حلوين هتوصل اشاره تانيه و ميدان تلف برضه مع الميدان كانك داخل شمال (3\4 لفه) و هتمشى 200 متر توصل اشاره تانيه تخش يمين و طوالى هتلاقى قى اخره زى حته واسعه فى الجزيره اللى فى النص معموله باركنج ... كده انت عند اول طريق الهضبه (فى طريقين لو كملت فى اليمين ده طريق سريع و بيفضلوه بتوع الميكروباصات ... لو دخلت فى الشمال هتمشى على البحر و هتوصل لنفس المكان) الطريقين هيوصلوك لاول الممشى السياحى
فى طريق تانى من على الدائرى بعد ما توصل اول ميدان تلف و تخش تانى فتحه و طوالى هتطلع جنب المطار و اجبارى هتخش يمين و تمشى شويه تاخد يوترن و ترجع تخش يمين على الممشى برضه
انت عايز تروح فين فى الممشى او الهضبه لان ممكن اكتر من وصفه بس تكون واحده اسهلك ....
متشكر أوى على إهتمامك وردك أنا رايح الماريوت إن شاء الله بس دى أول مره بالسياره قبل كده كان بالجو باص
الماريوت يبقى خليك فى الوصفه الاولى .... اول ما تعدى الكمين اللى قبل الجونه هتكمل على الدائرى ... تفضل ماشى عليه طوالى (و خليك على اليمين لان الشمال بيطلعلك رصيف فجاه فى اماكن اليوترن) و السرعه عليه 90 و عادة بيكون فى رادار ... المهم هتوصل ميدان كبير قوى هلفه و تفوت فتحتين و تخش يمين فى التالته و طوالى هتوصل شارع تخش يمين و تلف يوترن و ترجع تخش يمين (شارع صغير شويه بس هتلاقى كل العربيات داخله فيه) و طوالى عتوصل اشاره تعديها و طوالى شويه حلوين هتوصل اشاره تانيه و ميدان تلف برضه مع الميدان كانك داخل شمال (3\4 لفه) و هتمشى 200 متر توصل اشاره تانيه تخش يمين و طوالى هتلاقى قى اخره زى حته واسعه فى الجزيره اللى فى النص معموله باركنج ... كده انت عند اول طريق الهضبه ... خليك فى الدخله الشمال و امشى على البحر لان الماريوت بعد تلتين الطريق ده :)
توصل بالسلامه
جزاك الله خيراً