ما لم أتوقعه ، هيونداى IX35 Fully Loaded ومفاجأة الزيت على الطريق

السلام عليكم يا شباب
النهاردة حصل معايا موقف وأنا ماشى فى صلاح سالم قبل تقاطع يوسف عباس وحبيت إنى أنقل التجربة لحضراتكو وأنبهكو من باب الاحتياط، الكلام دا الساعة 9:30 صباحا ، وأنا ماشى على سرعة 40كم تقريبا ولمحت الارض كأنها فيها مياه أو بلل ولكن المفاجأة بقى واللى عرفته بعد كده إنه زيت منتشر على الطريق وبكثافة كبيرة وكأنه مرشوش على الطريق.
فوجئت إن العربية بتتزحلق من غير ماأدوس على دواسة الفرامل وفورا فى نفس اللحظة الفرامل و abs إشتغلوا لوحدهم (شكله كده برنامج الاتزان فى العربيةesp ) , والحمد لله العربية وقفت فى مسافة قليلة جدا وربنا ستر واللى جاى ورايا خد باله برده وطبعا نبهت أمين الشرطة اللى واقف بعد التقاطع وربنا سلم والحمد لله ، اللى عجبنى فى الموضوع إن العربية فيها الخاصية دى واللى نفعت فى الموقف ده وحبيت أنقل ليكو التجربة للعلم.
وربنا يسلم طريقنا جميعا

والحمد لله انك بخير واخدت بالك وربنا ينتقم من اللى عمل الزيت لان الحكاية دى اتكررت كتير

الحمد لله انها جت على قد كدا

الحمد لله ان ربنا سترها

مفيش حاجة اسمها الفرامل تشتغل من غير ما تدوس دي

ال esp بيتدخل يساعد في إنك تتحكم فيها
بس مش هيشغل الفرامل من لوحده ابدا

و الحمد لله إنها عدت على خير

اقتباس:

---

المشاركة الأصلية كتبت بواسطة A.Adel

مفيش حاجة اسمها الفرامل تشتغل من غير ما تدوس دي

ال esp بيتدخل يساعد في إنك تتحكم فيها
بس مش هيشغل الفرامل من لوحده ابدا

و الحمد لله إنها عدت على خير

---

كلام مضبوط
ال esp حس بالموضوع و اشتغل و مع دوسة الفرامل ال abs كملت المنظومة:018A1D~146:
الحمد لله النظام متنشط و الحمد انها جت على خير

الحمد الله ان الموقف عدي علي خير

ربنا ستر

حمدا لله علي السلامة و ربنا يستر

فعلا يا جماعة بلاش الجري اليويمن دول خاصة في الساعات الاولي من الصباح لن الطرق بتكون فاضية و مغرية جدا للجري و ممكن تلاقي مفاجأت من النوعية دي

الحاجة التانية ..
ياريت حضرتك تقول لنا عن انطباعك عن ال أي أكس 35 علشان أنا بأفكر جديا فيها

الحمدلله انك طلعت سليم من الموقف وجت على قد كده
بس انا اول مره اعرف ان الix35 فيها esp !
ماشاء الله تبارك الله ربنا يباركلك فيها ولكل ملاكها

اقتباس:

---

المشاركة الأصلية كتبت بواسطة mahmoud_afifi

الحمدلله انك طلعت سليم من الموقف وجت على قد كده
بس انا اول مره اعرف ان الix35 فيها esp !
ماشاء الله تبارك الله ربنا يباركلك فيها ولكل ملاكها

---

الله يبارك فيك والحمد لله على كل حال ، وبالنسبة للـ ESP فهو موجود فى الفئة الثالثة فقط Fully Loaded

اقتباس:

---

المشاركة الأصلية كتبت بواسطة samir elshahawy

حمدا لله علي السلامة و ربنا يستر

فعلا يا جماعة بلاش الجري اليويمن دول خاصة في الساعات الاولي من الصباح لن الطرق بتكون فاضية و مغرية جدا للجري و ممكن تلاقي مفاجأت من النوعية دي

الحاجة التانية ..
ياريت حضرتك تقول لنا عن انطباعك عن ال أي أكس 35 علشان أنا بأفكر جديا فيها

---

والله يا فندم أنا إنطباعى الشخصى كالاتى:
لو رجع بيا الزمن ساعة الاختيار كنت بردو هاختار نفس العربية لانى شاريها عن إقتناع بالرغم من إن فيه اثنين منافسين للعربية من وجهة نظرى المتواضعة وهما (كيا سبورتاج و سوبارو xv) , ولكن المقارنة كانت لصالح هيونداى.
الشىء اللى كان مخوفنى من العربية هوا الاتى:
- التسارع من الثبات : ودا بصراحة طلع ممتاز والموتور ماشاء الله قوى
- الاستجابة السريعة اثنأ القيادة على السرعات : وبفضل خاصية الكيك داون العربية استجابتها سريعة وتجميعها للغيار والتسارع سريع و ممتاز
- الثبات على السرعات وفى المنحنيات : جيد جدا ولاحظ إننا بنتكلم على عربية suv
ونصيحة لو حضرتك ناوى تجيب الفئة الثانية ويا حبذا لو الثالثة عشان الاوبشنز الزيادة اللى أنا شايف إنها تستاهل الفرق
وربنا يوفق حضرتك للاختيار الاصلح والافضل إن شاء الله وتحت أمرك فى أى إستفسار

الحمد لله

انا كنت بفكر و متردد فيها

انما لما لقيت مهندس سمير الشهاوي شخصيا بيفكر فيها فكده خلاص بقت المسأله محسومه عندي

المهم اخبار الصيانه و قطع الغيار