افضل زيت ايه لهيونداي لافيتا 1500 سي سي؟؟

**loooooka** · 23-09-2013 01:41 PM

السلام عليكم،
عربيتي لافيتا 2001 لسه شاريها من بور سعيد وغيرت زيت عادي وانا خارج اللي هو 1000 كيلو، المهم جيت بقي اغير زيت نضيف فاستخدمت زيت فيسكو 3000 وغيرت الفلتر وكان الاتي:
1- صوت الموتور اصبح اعلي من الاول بعد تغيير الزيت.
2- في صوت تكتكه علي طول زي ما يكون التاكيهات مش متظبطة.
3- الغريب بقي ان السحب بقي افضل شوية من الاول.

افيدوني اعمل ايه، انزل الزيت ده واستعوض ربنا في 155 جنية اللي اتصرفوا، واحط شيل الاصفر زي ما التوكيل بيحط او ترشحولي نوع افضل للافيتا . وهل اعمل الكلام ده دلوقتي ولا امشي علي الزيت فيسكو ده شوية؟؟ بس انا خايف يعمل حاجة في الموتور.

شكرا لتجاوبكم.

**ahmedteam** · 23-09-2013 02:07 PM

العداد عامل كام ؟؟؟؟؟

و بعدها تقرر زيت تخليقى و لا معدنى

**loooooka** · 23-09-2013 02:11 PM

المشاركة الأصلية كتبت بواسطة ahmedteam

العداد عامل كام ؟؟؟؟؟

و بعدها تقرر زيت تخليقى و لا معدنى

العداد عامل 129000 كيلو ومش عارف كانت في كوريا ماشية بزيت ايه؟؟؟؟

**profimh** · 23-09-2013 02:35 PM

و عليكم السلام
الصوت العالى مع التكتكه مخلينى اقلك ياريت تقيس الزيت لانه شكله قليل فى المكنة
تمشى بالعربية او تشغلها مدة عشر دقايق كده و بعدين تبطلها و بعد خمس دقايق من التبطيل عشان ندى فرصة للزيت يرجع فى خزانه نرفع عصاية الزيت نمسحها و نحطها تانى و نرفع نشوف المقياس فيه زيت لغايت فين من العلامة لو اقل من ال l نزود لاغايت ال f
نسيت بص على الطبة بتاعة الزيت ليكون الراجل غير الزيت و مربطشى الطبة كويس و بتسرب
شوف دول و بعدين نكلم فى انواع الزيت
معلش طولت عليك

**loooooka** · 23-09-2013 02:45 PM

المشاركة الأصلية كتبت بواسطة profimh

و عليكم السلام
الصوت العالى مع التكتكه مخلينى اقلك ياريت تقيس الزيت لانه شكله قليل فى المكنة
تمشى بالعربية او تشغلها مدة عشر دقايق كده و بعدين تبطلها و بعد خمس دقايق من التبطيل عشان ندى فرصة للزيت يرجع فى خزانه نرفع عصاية الزيت نمسحها و نحطها تانى و نرفع نشوف المقياس فيه زيت لغايت فين من العلامة لو اقل من ال l نزود لاغايت ال f
نسيت بص على الطبة بتاعة الزيت ليكون الراجل غير الزيت و مربطشى الطبة كويس و بتسرب
شوف دول و بعدين نكلم فى انواع الزيت
معلش طولت عليك

شكرا علي سرعة التجاوب،
الزيت انا قلت للميكانيكي نحط 3.5 لتر او 3.75 علشان مغيرين الفلتر المهم هو حط الجركن كله 4 لتر وقالي ده كويس علشان الفلتر رغم ان العربية 1500 مش 1600 سي سي، المهم انا قست الزيت مرتين بعد ماغيرت وخصلت المشكله ولقيت مقاس الزيت معدي f بحوالي 5 مم وقست الزيت تاني النهارد الصبح قبل ما ادور العربية وبردوا نفس المقاس معدي f بحوالي 5 مم.

**profimh** · 23-09-2013 03:11 PM

المشاركة الأصلية كتبت بواسطة loooooka

شكرا علي سرعة التجاوب،
الزيت انا قلت للميكانيكي نحط 3.5 لتر او 3.75 علشان مغيرين الفلتر المهم هو حط الجركن كله 4 لتر وقالي ده كويس علشان الفلتر رغم ان العربية 1500 مش 1600 سي سي، المهم انا قست الزيت مرتين بعد ماغيرت وخصلت المشكله ولقيت مقاس الزيت معدي f بحوالي 5 مم وقست الزيت تاني النهارد الصبح قبل ما ادور العربية وبردوا نفس المقاس معدي f بحوالي 5 مم.

تمام قوى كده طمنتنى كده ما فيش تسريب و كمان كميته مضبوطه
عاوزك تشوف لزوجة الزيت بين صوابعك لو لاقيتها طبيعية يعنى لزج ولو بنسبة بسيطة يبقى تمام اهم حاجة ميدكش احساس انه مية يعنى قاطع
لو لزوجته كويسة يبقى هنكمل الكيلوهات بتاعته عادى و بعد كده فى الغيارة اللى جاية نحط الشل ال 5000 او اليكوى مولى 4100 او 4200
تقبل مرورى

**loooooka** · 23-09-2013 03:35 PM

المشاركة الأصلية كتبت بواسطة profimh

تمام قوى كده طمنتنى كده ما فيش تسريب و كمان كميته مضبوطه
عاوزك تشوف لزوجة الزيت بين صوابعك لو لاقيتها طبيعية يعنى لزج ولو بنسبة بسيطة يبقى تمام اهم حاجة ميدكش احساس انه مية يعنى قاطع
لو لزوجته كويسة يبقى هنكمل الكيلوهات بتاعته عادى و بعد كده فى الغيارة اللى جاية نحط الشل ال 5000 او اليكوى مولى 4100 او 4200
تقبل مرورى

شكرا جزيلا لدعمك،
المقاس كده مش زيادة اسحب منه شوية لحد ما يبقي علي f والا اسيبة عالي مفيش مشاكل وسؤال اخير لوسمحت زيت شيل الاصفر hx5 معدني ولا نصف تخليقي ولا تخليقي وسعره كام وبيمشي كام كيلو؟؟؟
اسف تعبتك معايا.

**profimh** · 23-09-2013 04:36 PM

المشاركة الأصلية كتبت بواسطة loooooka

شكرا جزيلا لدعمك،
المقاس كده مش زيادة اسحب منه شوية لحد ما يبقي علي f والا اسيبة عالي مفيش مشاكل وسؤال اخير لوسمحت زيت شيل الاصفر hx5 معدني ولا نصف تخليقي ولا تخليقي وسعره كام وبيمشي كام كيلو؟؟؟
اسف تعبتك معايا.

لا ابدا لا تعب و لا حاجة
المقاس مش كتير خاصة ان 5 ملى دول على البارد او حتى على السخن ما فيش مشكلة
الزيت الشل h5x نصف تخليقى و يمشى 5000 كيلو السعر حاليا مش عارف زاد و لا لأ انا اخر مرة شاريه من حوالى سنة كان ب 135 جنيه يعنى لو زاد ممكن عشرة عشرين مش اكتر

بالتوفيق و برضه تحت امرك فى اى اسئلة