جزيل الشكر والتقدير

**darooo** · 23-09-2013 01:53 PM

السلام عليكم
اعزائى السادة الافاضل اعضاء ومشرفى منتدى نايل موتورز قسم بى واى دى
على مدار عام ونصف اتابع حضراتكم وضيوفكم الافاضل زوار القسم ، وسامحونى دون مشاركة منى ، فقط اطلاع واكتساب خبرة ومعرفة من بحر معرفتكم الوافر ، لن تتخيلوا حجم الافادة والمعلومات التى شجعتنى على شراء سيارتى الاولى بى واى دى اف 3 موديل 2014 مانيوال يوم 1 سبتمبر ، اشتريتها عن كامل اقتناع وبعد الكثير والكثير من البحث والمتابعة للعديد من السيارات فى حدود قدراتى بفضل الله سبحانه وتعالى ومساعدة حضراتكم دون حتى علمكم بوجودى معكم . واعتقد ان كثير غيرى مثلى يستفيد من خبراتكم دون مشاركة او اعلان عن وجوده
لكن لايمانى بحق كل فرد منكم لمجهوده الذى استفدت منه ، اتقدم لجميعكم فردا فردا بخالص الشكر والتقدير والعرفان ،
وادعوا ربى عز وجل ان يحفظكم من كل مكروه وان تكون مساعدتكم لى ولغيرى فى ميزان حسناتكم ، وفقكم الله سبحانه وتعالى للخير دائما
اخوكم شادى محمود

**S O P H O S** · 23-09-2013 02:04 PM

الف مبروك يا باشا
ربنا يباركلك فيها وتاخد خيرها

**darooo** · 23-09-2013 02:29 PM

المشاركة الأصلية كتبت بواسطة s o p h o s

الف مبروك يا باشا
ربنا يباركلك فيها وتاخد خيرها

الله يبارك فيك اخى الكريم ، شكرا على الدعاء ويارب امين

**Emad Habib** · 23-09-2013 02:34 PM

الف مبروك وربنا يبارك لك فيها ويحفظك من كل شر

**bassem.naguib** · 23-09-2013 02:39 PM

ألف مبروك .. وربنا يديك خيرها ويكفيك شرها ..

بس يا ريت تتفاعل معانا في القسم وتنقل لينا انطباعك عن العربية باستمرار .. وما هي المميزات والعيوب التي واجهتك وكيفية حلها .. فخير الناس هو الأنفع للناس .

خاالص تحياتي .

**akmm** · 23-09-2013 03:01 PM

الف مبروك السياره الجديده وربنا يديك خيرها ويكفيك شرها ............. وكلنا هنا فى المنتدى المحترم ده اخوه ولااحد بيبخل بمعلومه قد تفيد اخاه ... مره تانيه مرحبا بك عضو متفاعل معنا فى المنتدى .

**darooo** · 23-09-2013 04:58 PM

المشاركة الأصلية كتبت بواسطة bassem.naguib

ألف مبروك .. وربنا يديك خيرها ويكفيك شرها ..

بس يا ريت تتفاعل معانا في القسم وتنقل لينا انطباعك عن العربية باستمرار .. وما هي المميزات والعيوب التي واجهتك وكيفية حلها .. فخير الناس هو الأنفع للناس .

خاالص تحياتي .

أ/ باسم النشيط جدا والمتفاعل دائما ماشاء الله
ردود حضراتكم الهادئة والحكمة والحياد خصال قلما تجتمع فى شخص واحد اجتمعت فى شخصكم
لك منى كل تقدير
اما ردا على نقل انطباعاتى والمميزات والعيوب ، السيارة تخطت فقط المائة كيلو متر ولكن انقل لكم بعض الملاحظات وهنتكلم شوية بالعامية عشان مايبقاش الحوار رسمى :
- حسيت برجه ورعشة خفيفة تحت قدمى وعدم انتظام صوت الماتور بعد ما فولت بنزين 92 لحد الزور فى محطة وطنية عشان احسب استهلاكى بعد مشوار المرور - اعتقادى مشكلة فى البنزين نفسه - والرعشة بتروح وتيجى بس خفت شوية - ملاحظة عداد اللفات بيبقى واحد وشرطة عند الدوران ويرجع 900 بعد التسخين واعتقد ده طبيعى يعنى الكهربا مش زايدة
- لما بلف الدركسيون للاخر البور وانا ماشى بيحجم العربية واول ما اعدل الدركسيون ترجع طبيعى مش عارف ده ظبط زوايا والا ايه بصراحة
- بحس ان لما المروحتين بتوع الردياتير بيشتغلوا مع بعض صوت العربية بيعلى ويظهر
- العربية على الاول والتانى سحب عالى فى التالت مخنوق شوية ويمكن عشان فى التليين ولسه البساتم مفتحتش وانا مش بقرص عليها ابدا وبسايسها عشان عارف انى فى التليين
- كل ما سبق لا اعتبرها عيوب او ملاحظات معيبة - بالعكس العربية فاقت توقعاتى واقارنها بالكيا سيراتو التوب لاين بتاعت اخويا - حتى انها نفسها فى المطبات مع فرق الجنوط انا 15 وهو 17
ويمكن البى واى دى انعم
- العزل جيد جدا والتكييف ممتاز والثبات محترم والصالون والشنطة واسعين والعفشة جيدة جدا بس انا لسه مجربتش اركب عدد فى الكنبة ورا عشان اختبر المساعدين
معلومة اخوكم بيسوق من سنة 1990 - وبقارن البى واى دى بالسيراتو فى نقاط كثير وتستحق المقارنة
طولت عليكم - بس دى اول مشاركة ليا فى اى منتديات على الاطلاق - وانا من اسيوط على فكرة واكبر مشاكلى الصيانة الدورية فى القاهرة .
بالنهاية انا مقتنع بيها جدا ودقيق جدا وحيادى جدا بس اعجابى مش هياثر على راى فيها اذا ظهر اى عيب والمهم الوصول لسبب العيب هل هو خارجى زى البنزين والا من العربية نفسها .
وسامحونى انى بتاخر فى الرد عليكم عشان ظروف شغلى ومش دايما على النت.
فى امان الله

**darooo** · 23-09-2013 05:01 PM

المشاركة الأصلية كتبت بواسطة akmm

الف مبروك السياره الجديده وربنا يديك خيرها ويكفيك شرها ............. وكلنا هنا فى المنتدى المحترم ده اخوه ولااحد بيبخل بمعلومه قد تفيد اخاه ... مره تانيه مرحبا بك عضو متفاعل معنا فى المنتدى .

بارك الله فيكم اخى الكريم - وعيونى ليكم وشكرا على دعاؤكم ولكم بالمثل

**bassem.naguib** · 23-09-2013 05:25 PM

المشاركة الأصلية كتبت بواسطة akmm

الف مبروك السياره الجديده وربنا يديك خيرها ويكفيك شرها ............. وكلنا هنا فى المنتدى المحترم ده اخوه ولااحد بيبخل بمعلومه قد تفيد اخاه ... مره تانيه مرحبا بك عضو متفاعل معنا فى المنتدى .

المشاركة الأصلية كتبت بواسطة darooo

أ/ باسم النشيط جدا والمتفاعل دائما ماشاء الله
ردود حضراتكم الهادئة والحكمة والحياد خصال قلما تجتمع فى شخص واحد اجتمعت فى شخصكم
لك منى كل تقدير

ربنا يعزك يا باشا .. ومنحرمش من ذوقك .. وشاكر على المجاملة اللطيفة .
اما ردا على نقل انطباعاتى والمميزات والعيوب ، السيارة تخطت فقط المائة كيلو متر ولكن انقل لكم بعض الملاحظات وهنتكلم شوية بالعامية عشان مايبقاش الحوار رسمى :
- حسيت برجه ورعشة خفيفة تحت قدمى وعدم انتظام صوت الماتور بعد ما فولت بنزين 92 لحد الزور فى محطة وطنية عشان احسب استهلاكى بعد مشوار المرور - اعتقادى مشكلة فى البنزين نفسه - والرعشة بتروح وتيجى بس خفت شوية - ملاحظة عداد اللفات بيبقى واحد وشرطة عند الدوران ويرجع 900 بعد التسخين واعتقد ده طبيعى يعنى الكهربا مش زايدة
ممكن يكون البنزين مش كويس فعلاً .. وحتى لو فيه مشكلة حتكون بسيطة إن شاء الله وتتحل في أول صيانة .

- لما بلف الدركسيون للاخر البور وانا ماشى بيحجم العربية واول ما اعدل الدركسيون ترجع طبيعى مش عارف ده ظبط زوايا والا ايه بصراحة
نصيحة يفضل عدم كسر العجل على الآخر فترة طويلة وذلك حفاظاً على طلمبة الباور .

- بحس ان لما المروحتين بتوع الردياتير بيشتغلوا مع بعض صوت العربية بيعلى ويظهر
المروحة التانية أعتقد أنها مبتشتغلش إلا عند تشغيل التكييف .. ويفضل أيضاً عدم تشغيل التكييف أول 1000 كيلو أثناء فترة التليين (راجع مشاركات هنا في القسم من البداية خاصة بالتليين)

- العربية على الاول والتانى سحب عالى فى التالت مخنوق شوية ويمكن عشان فى التليين ولسه البساتم مفتحتش وانا مش بقرص عليها ابدا وبسايسها عشان عارف انى فى التليين
تمام
- كل ما سبق لا اعتبرها عيوب او ملاحظات معيبة - بالعكس العربية فاقت توقعاتى واقارنها بالكيا سيراتو التوب لاين بتاعت اخويا - حتى انها نفسها فى المطبات مع فرق الجنوط انا 15 وهو 17
ويمكن البى واى دى انعم
- العزل جيد جدا والتكييف ممتاز والثبات محترم والصالون والشنطة واسعين والعفشة جيدة جدا بس انا لسه مجربتش اركب عدد فى الكنبة ورا عشان اختبر المساعدين
معلومة اخوكم بيسوق من سنة 1990 - وبقارن البى واى دى بالسيراتو فى نقاط كثير وتستحق المقارنة
طولت عليكم - بس دى اول مشاركة ليا فى اى منتديات على الاطلاق - وانا من اسيوط على فكرة واكبر مشاكلى الصيانة الدورية فى القاهرة .
بالنهاية انا مقتنع بيها جدا ودقيق جدا وحيادى جدا بس اعجابى مش هياثر على راى فيها اذا ظهر اى عيب والمهم الوصول لسبب العيب هل هو خارجى زى البنزين والا من العربية نفسها .
وسامحونى انى بتاخر فى الرد عليكم عشان ظروف شغلى ومش دايما على النت.
فى امان الله

شاكرين نقل التجربة .. وفي انتظار مشاركات أخرى

الموضوع: جزيل الشكر والتقدير

LinkBack

أدوات الموضوع

عرض

-

-

-

-

المواضيع المتشابهه

كل الشكر والتقدير للصديق احمد مبارك

كل الشكر والتقدير لنايل موتورز

كل الشكر والتقدير والاحترام للعضو bassemsaeed

كل الشكر والتقدير للأستاذ محمد طناني

الكلمات الدلالية لهذا الموضوع

المفضلات

المفضلات

ضوابط المشاركة