السلام عليكم
بسمع كتير عن عربيات من غير ورق والناس بتطلب انها تشتريلها ورق
الكلام ده معناه ايه وهل العربيات دى بينفع تترخص يعنى لو اشتلوها ورق وبيكون فيها مشاكل ولا ايه الموضوع بالظبط ؟
عرض للطباعة
السلام عليكم
بسمع كتير عن عربيات من غير ورق والناس بتطلب انها تشتريلها ورق
الكلام ده معناه ايه وهل العربيات دى بينفع تترخص يعنى لو اشتلوها ورق وبيكون فيها مشاكل ولا ايه الموضوع بالظبط ؟
بيبقى فيها مشاكل يا مسروقه يا متهربه كترت الفترة الاخيره علشان كثرة السرقة وكثرة العربيات اللى اتهربت من ليبيا
ابعد عنها لانها ممكن تتصادر فى اى وقت ويتعملك قضيه يا سرقة يا تهرب جمركي
وغالبا رخصتها مبتجددش واللى بيبيعها بيقولك كدا
لعبة الورق فى انك تشترى عربية حوادث تبيعها خرده وتنقل رقم الشاسيه للعربية اللى ملهاش ورق وتحط اللوحتين
معرض ان فى اى فحص يتكشف الموضوع وبرده تروح العربيه وانت ممكن كمان
دى سكه مش تمام و مليانه مشاكل
و عايزه ناس مش سالكه و لا فارق معاها الفلوس علشان مش تعبانين فيها
بالظبط كدة .. انا اخويا كان معروض علية عربية كيا سيراتو علي 40 الف جنية من غير ورق جاية تهريب من ليبيا و الراجل قالة انت هتقدر تظبطلها ورق بما انك ظابط يعني ف اخويا مارضاش وقالة انت عاوز توديني في داهية وتحبسني السكة دي كلها مشاكل وقرف وانا مش عاوز اخش في مشاكل ومرضاش يجيبها
شوف الموضوع ده يمكن يفيدك وتفهم قصه العربيات دي ماشيه ازاي
http://www.nilemotors.net/Nile/301998-a.html
الحوار كله غلط في غلط من اول فكره تختر علي بالك وهو شراء شئ مسروق وهو اصلا حرام وبعد كده هتقعد تظبط وتدفع هنا وترش هنا وتتمسك هنا وفي الاخر اخاف ان انا اتقلب بالعربية بسهولة واموت جواها وابعث علي ما انا موت عليه يعني من جوه عربيتي حبيبتي واذا نفدت اعيش مشلول ولا مكسر ولا بعرج عشان كنت عامل نفسي ذكي وناصح ولا بعت ما تظبط العربية تقوم متثبت بيها وواخدلك علامة الجودة من قرن غزال في وشك ولا رصاصةفي ركبك كفاية بقي كفاية بقي انت سودتها في وشي معلش لازم اضغط علي نفسي واقومها عشان تمشي صح العقل ولا القلب وربنا يحميك
فى اول فحص ممكن يتمسك او بمحض الصدفه فى كمين مثلا
بص هى مش مسروقة لكن ممكن تكزن متهربة لانها مع ناس انا اعرفهم وهما جابو العربيات دى وبعدين جابو عربيات محروقة عشان ياخدو ورقها وبعدين رخصوها ( معرفش ازاى ) فطالما العربية ليها رخصة ونمر يبقى فيها مشكلة ؟ وساعة الفحص هينكشف المستور ولا بالفلوس ممكن تنقل ارقام الموتور والشاسيه على الرخصه الجديدة
ده شاكله فعلا حوار كله لبش واللى زينا ملهومش فيه الحمد لله
بص علشان تقريبا انت فاهم نقطة غلط
الورق يعني ورق عربية عليه رقم شاسيه
كل حاجه ممكن تتغير يعني ممكن تغير الموتور وتثبته
لكن رقم الشاسيه مينفعش يتغير
فاللى بيتم بيمسحوا رقم الشاسيه بتاع العربية الشمال
ويدقوا رقم جديد وانت بتفحص علشان الترخيص
المهندس بياخد بصمة يعنى رقم الشاسيه وانت وحظك بقى
لو لاحظ الرقم القديم اللى اتمسح كدا العربية راحت وانت كمان هتبقى فى مشكلة
لو عدت بترخص عادي
اللى معاه عربيات ورقها مقلوب وبيبعها بيعرفك كدا وغالبا هي مش بترخص تاني
يعني بتمشى ع الفحص القديم لحد ما تنتهى الرخصه
دى معلوماتى المتواضعه
وفى ناس بتجيب عربيات حوادث وفى ناس بتجيب عربيات موديل قديم تاخد الشاسيه فقط
وتنقل موتور والبودي بتاع الحديث ع الشاسيه القديم اوقات بتمشى واوقات لا
اكيد ابعد عن السكه دي لانها تعتبر سرقه في جميع الحالات : لو مسروقه اصلا فهي كده سرقه من صاحبها و لو متهربه من الجمارك فهي سرقه من أموال البلد و الموضوع واضح و صريح يعني مفيهوش اصل انا مكنتش اعرف لان اللي هيبيعهالك هيبقي الحرامي اللي سرقها او المهرب و بسعر لا يتناسب مع سعرها الحقيقي و لذلك اصرف نظر عن الموضوع ده افضل و ربنا يكفينا شر الحرام
المفروض انه مينفعش