السلام عليكم ان شاء الله حاستلم قريب بيجو 301 الهاى لاين كنت عايز اعرف ايه الحاجات اللى انا حاستلمها بالظبط و ايه اللى انا حاشيك عليه قبل الاستلام - معلشى سؤال تانى عن موضوع كنت اتكلمت فيه قبل كده و هو هل مساحات العربية ما بتترفعشى للاخر و شكرا
عرض للطباعة
السلام عليكم ان شاء الله حاستلم قريب بيجو 301 الهاى لاين كنت عايز اعرف ايه الحاجات اللى انا حاستلمها بالظبط و ايه اللى انا حاشيك عليه قبل الاستلام - معلشى سؤال تانى عن موضوع كنت اتكلمت فيه قبل كده و هو هل مساحات العربية ما بتترفعشى للاخر و شكرا
موفق في الاستلام ان شاء الله ومبروك مقدما
ألف مبروك مقدماً يا باشا على العربية و ربنا يديك خيرها ويكفيك شرها بعون الله ...
شوف الموضوع ده هيفيدك أكيد ... http://www.nilemotors.net/Nile/288142-a.html
المساحات بتترفع في الـ maintenance mode اللى هو الوضع الرأسي غير كدة هتقدر ترفعها حاجة بسيطة من ع الازاز بس مش هتعرف توقفها بشكل كامل ودى ميزة عشان محدش يلعب في المساحات والموضوع ده موجود في عربيات كتير مش 301 بس
اللى هتستلمه مع العربية ان شاء الله :
الكتالوجات عربى وانجليزى في الجراب بتاعهم
الاستبن طبعا ، ومعاها الكوريك ومفتاح فك مسامير العجل معاه
العروة اللى بتتقطر بيها العربية ( حديدة على شكل رقم 9 )
الكفر اللى بيغطى مكان ربط العروة في الاكصدام الامامى ( حتة فبر صغيرة و مدورة بتسد الفتحة بتاعت الاكصدام )
الاريال
الكباية اللى في الكونسول
الولاعة لو العربية هايلاين
المفتاحين طبعا ( واحد بريموت مطواه والتانى عادى )
طاسات العجل لو العربية بيزلاين
محضر استلام تمشى بيه لحد ما ترخص
ورق العربية بعد حوالى 72 ساعة من الاستلام
ضمان العربية من توكيل صلاح سالم بعد ما ترخص العربية
موضوع محضر الأستلام بتاع أنك تمشي بيه لحد ما ترخص منصحش بيه,
النمر التجارية الواحدة ب 50 جنية في اليوم تقريباً, أأمن لك وأضمن لك من أنك تتمسك في كمين رخم وتتفتش أنت والعربية واللي معاك,
ولو الكامين رخم ممكن يحجز العربية لأنه مش قانوني أنك تمشي بمحضر أستلام أو ورق أستلام من المعرض,
يعني مش قانوني مهما كان أنك تمشي بمركبة أو عربية بدون نمر أمامية وخلفية, وخصوصاً في أيامنا دي,
وأصحاب المعارض كلهم بلا إستثناء بيوهمو المشتري أنو عادي ممكن يمشي بورق العربية يوم و 2 و 3 وأسبوع من غير مشاكل لمجرد أنهم بيبقو عايزين يبيعو العربية ومش عندهم نمر تجارية عشان يدوهاله يتحرك بيها,, فبيقولو له كدا عشان يطمنوه ويشتري وهوا في بطنة بطيخة صيفي, بس طبعاً لو أتمسك في كمين رخم محدش هيعرفه ساعتها,
وبالأضافة لكلام عمرو, ممكن تراجع الموضوع دا,
http://www.nilemotors.net/Nile/360846-301.html
احمد باشا احضرنا في الموضوع ده :D
http://www.nilemotors.net/Nile/379985-2-301-a.html
في سؤال عن كمبيوتر الرحلات في 301
اه قصدى الطفاية
بالنسبة للعروة او اداة الشد دى
دى بتبقى جاية في العربية يعنى زيها زي الكوريك والعدة بس دى بتحتاجها لو لاقدر الله احتجت تقطر العربية
بيبقى ليها فتحة في الاكصدام والفتحة دي بتتقفل بطبة فبر بلون الاكصدام والطبة دى بتبقى مش متركبة قبل ما تستلم فلازم تتأكد انها ركبت
العروة شكلها بيبقى حاجة قريبة اوى من كدة
http://admin.sgpetch.co.uk/admin/sys..._Kit_large.jpg
انا لقيتها في العربية على الكرسى اللى جنبى
مش بتركبها ورا الاكصدام الا لو احتجت تقطر العربية لا قدر الله
والطبة باينة في الصورة دى
http://2.bp.blogspot.com/-ZJ1F332bK7...eugeot-301.jpg
ولازم تتأكد انها راكبة مش متشالة وانت اللى بتشيلها لو احتجت تركب العروة
اظن كدة كل حاجة وضحت :)
100/100 يا باشا تسلم ايدك وربنا يباركللك فى عربيتك سؤال بقى اخير شوفت بيجو 301 فى معرض اباظة بالاسكندرية وكانت الفوجات اللى تحت مربعة استغربت لانى شوفتها الفوجات بتاعتها مدورة مش مربعة هى بتنزل بشكلين و لا ايه و يا ترى يا باشا عملت ايه فى مشكلة عدم وجود اماكن كتير للتخزين للموبايل و الكوبيات و المستلزمات ده