وعلى فكرة العربية مانيوال وباوصل بيها على طريق مصر اسكندرية 160 بمنتهى السهولة
عرض للطباعة
وعلى فكرة العربية مانيوال وباوصل بيها على طريق مصر اسكندرية 160 بمنتهى السهولة
شخصيا اقصى سرعة مشيت بيها في حياتي كانت حوالي 220 كم ، بمرسيدس e240 بتاعة واحد صحبي ، ومكنتش مقفل عداد .. بصراحة الالماني حاجة تانية
ربنا يوعدنا جميعا
انا جبت 180 ياريس مانيوال والتكييف كان شغال
الثبات مش حل ومش وحش على السرعه لو مفيش تيارات هوا
لو فى بقى تيارات يا معلم من اول 100 كيلو ممكن العربيه ترقص رقصة باليه بحيرة المنزلة
بس عموما العربية الياريس حلوة ( رغم انى مكنتش مقتنع اوى بيها وانا بشتلايها )
بس فى حاجه غريبة ان الناس معلقتش على اهم حاجه
العربية على سرعة 180 والموتور صوته بجد مش طالع ولا بيقول انه على السرعه دى اساسا
ياجماعة الراجل بيهزر بيقول طريق مصر جهنم الصحراوي
بس كنت تيجى من على الزراعى كان يوفرلك 30 كيلو
انا بجيب بالنوبيرا 180 والثبات حلو فعلا..العربية مكلبشة فى الارض
مع احترامى لكل الكلام المكتوب هنا بس انا مش مقتنع بيه تماما للأسباب الآتيه:
- علميا مفيش عربيه 1300 عادية (بدون تعديلات) تقدر تجيب سرعة 200 (اقصى حاجة 170-180 حسب مانيوال ولا اتوماتيك ، وطبعا المانيوال هوا الأسرع)
- لو الياريس تقدر تجيب 200 اكيد كانت تيوتا افنخرت بكده وكانت ذكرته فى اعلاناتها عن العربية (لأن ده معناه انهم قدروا يعملوا عربية 1300 سوبر!!)
أنا طبعا مش بكدب صاحب الموضوع هو ممكن فعلا يكون جاب سرعة 200 لكن ده مش معناه ان الياريس بتجيب 200 لأن فى حاجتين بيأثروا بشده فى سرعة العربية (سواء بالزيادة او النقصان):
- وجود ميل بسيط بالطريق(حتى لو غير ملحوظ) وكمان مع السرعة العالية ، ده ممكن يضيف من 20-30 كم فوق السرعة (وممكن اكتر طبعا لو الميل كبير)
- القيادة فى نفس اتجاه الهوا او عكسه ده من العوامل المؤثرة خاصة لو فى هوا شديد
بصراحه كلام حضرتك صح 100%
انا مش مقتنع ان الياريس 1300 وتجيب 200
ازاى يعنى اذا كان فيه عربيات 1600 كتير مش بتعرف تكمل 200 وطبعا انا بتكلم فى الاحوال العاديه بدون منازل ولا ان الهواء يكون فى ظهر العربيه
يعنى ميجيش واحد فى طريق العين السخنه على منزل ويقول انا جبت السرعه القصوى يبقى كدا غير منطقى:8954[1]: