مشكله فى فرامل الكورولا

**dooody_2007** · 05-07-2007 01:18 AM

[i]السلام عليكم ورحمة الله وبركاته
دلوقتى يا جماعه فى العربيه الكورولا لما بدات اسافر بيها لاحظت حاجه كده لما ابقى ماشى على سرعه يعنى 80 فما افوق الفرامل بتبقى ضعيفه اوى وبحس انى مش قادر اوقف العربيه يعنى مش بتلم معايا بلغتنا (مبتربطش) ولاحظت كمان انى لو بهدى مع دوس الفرامل بلاقى الدواسه بتترعش جامد فيا ترى ايه السبب فى الموضوع ده مع العلم ان التيل لسه مجاش ميعاد تغييره ولا بيصفر ولا اى حاجه وشكرااااااااااااا

**sab3aawy** · 06-07-2007 09:02 AM

خد هواء من دورة الفرامل

لو اتعدلت فبها ونعمت

لو اتعدلت فتره ورجعت باظت تانى اكشف على دورة الفرامل وشوف اى تسريب زيت فيها

حكاية الرجرجة دى معناها مباشرة طنابير فرامل بايظة(فيها عالى وواطى) وممكن يكون لها دور كبير جدا فى عدم كفاءة الفرامل لذلك لو خدت هواء والدنيا ماتظبتتش غير الطنابير

لو المشكلة متحلتش بعد غيار الطنابير نغير الماستر بس انا اعتقد ان الطنابير هتحل المشكلة، فقط انتبه ان بعد غيار الطانابير العربية بتاخد لها كام يوم فراملها ضعيفة لحد ما التيل الجديد يطبع على الطنابير الجديدة فمتقلقش من ضعف الفرامل بعد غيار الطنابير واصبر كام يوم