زيارتى لتوكيل جيلى .... تجربه شخصيه

النهارده انا رحت اتفرجت على موديلات جيلى الجديده فى معرض توب جير التوكيل بتاعها اللى فشارع البطل احمد عبد العزيز المهندسين
و للأمانه انا هتكلم من وجهه نظر محايده جدا و عقلانيه جدا
فالأول انا اتفرجت على الck
و من اول نظرة للعربيه دى حتى من برة انا حسيت بأشمأزاز من تصميمها
بس مش معنى كده انها وحشه
مسأله الشكل الخارجى دى مسأله شخصيه جدا
ثانيا الراجل فتحلى العربيه و دخلت و انا كلى فضول عاوز اعرف شكل العربيه من جوه عامل ازاى
ركبت فيها و انا اصلا طويل بس العربيه من جوة كانت واسعه يمكن كمان اوسع من الفيرنا
بس للأسف التابلوة سىء جدا جدا
انا حسيت انى راكب عربيه من التمانينات يعنى
بصراحه مقتنعش بالعربيه اصلا و مكملتش جواها 5 دقايق على بعض من كتر سده النفس اللى جاتلى منها

نيجى بقا للقنبله الكبيرة
الMK
و فعلا تستحق لقب قنبله عن جدارة
بجد العربيه نضيفه جدا جدا جدا
نضيفه فكل حاجه
تقفيل
خامات
تصميم داخلى
بصراحه انا حسيت ان اخيرا فى حاجه صينى فعلا نضيفه
يعنى حتى الزراير مثلا بتاعك الأزاز الكهربا و الزراير بتاعت التكييف
كنت الأول تحس انها بلاستك و بتتكتك و انت بتستعملها
بس دى لا
ناعمه جدا
و خامتها نضيفه اوى
العربيه واسعه جدا من جوه و التابلوه حكاااااااايه
فيه منه نوعين
ابنوس و جلد اسود و النوع التانى جلد فيرانى بدون ابنوس
كمان وضعيه العفشه تحت العربيه و الموتور كمان
متحسش انه حاجه متفبركه
حاجه محترمه فعلا
الحاجه الوحيده اللى متبسطش منها ان الصاج شويه مش ناشف
يعنى هى ممكن تقول زى النوبيرا شويه فى صاجها


و شفت عندهم كمان ال mk الهاتش باك الجديده بفتحه سقف و تصميم خرافى
بس دى لسه هيسلموها كمان شهرين

اللى عنده اى اسأله انا معاكم
و شكرا

ya reet sowar lel 3rbyat de

شكرا يا باشا

بس ممكن صور لل Mk

و اية حكاية الامبورجينى 2005 دية :)

http://nilemotors.net/Nile/showthread.php?t=26716

الصور بتاعتهم هتلاقيهم فى الموضوع ده

و بعدين يا فهد مقولتلاكش بقا
انا عندى سكوتر لامبورجينى انما اييييييييييييييييه حكايه :D:D:D:D:D

شكرا ياباشا على المعلومات
بس انا عايز اعرف الماتور بتاع ال mk يابانى ولا صينى ولا هندى ولا كورى ولا المانى ولا ايه بالظبط

يا تري فيها abs

الموتور تصميم تويوتا2002 بتاع الايكو الشاسية لانوس يعنى شاسية اوبل استرا العفشة هيونداى اكسيل قطع الغيار بملاليم

وعلى فكرة الهيونداى مواتيرها بتكنولوجيا ميتسوبيشى وشاسيها برضة والانوس مواتيرها اوبل وشاسيها اوبل اسسترا يعنى موضوع عادى

طب و ال Ck11
ممكن تديني معلومات عنها؟

التوكيل بيقول ماتور وعافشة ck 11 بتاع تيوتا ده صح ولا لأ يا ريت حد يرد بدقة عليا

محدش رد عليا يا جماعة وبعدين انا سمعت ان السيارة ديه كانت مع واحد وكان مسافر وقرص بيها على الاخر كان اخرها فى التجميع 160 كم وهو راجع بيها الماتور جاب زيت انا بتكلم عن ck ونبى حد يقولى ان العبارة كل الردود بدون تجربة حد يرد عليا

اقتباس:

---

المشاركة الأصلية كتبت بواسطة mmmmgogommmm

وعلى فكرة الهيونداى مواتيرها بتكنولوجيا ميتسوبيشى وشاسيها برضة والانوس مواتيرها اوبل وشاسيها اوبل اسسترا يعنى موضوع عادى

---

في مصدر للكلام ده ؟؟

اقتباس:

---

المشاركة الأصلية كتبت بواسطة asb

محدش رد عليا يا جماعة وبعدين انا سمعت ان السيارة ديه كانت مع واحد وكان مسافر وقرص بيها على الاخر كان اخرها فى التجميع 160 كم وهو راجع بيها الماتور جاب زيت انا بتكلم عن ck ونبى حد يقولى ان العبارة كل الردود بدون تجربة حد يرد عليا

---

يا سيدى الفاضل، مافيش حاجة فى الدنيا اسمها موتور و عفشة من شركة و باقى السيارة من شركة أخرى ليس لها علاقة بالشركة الاولى. لو حضرتك عايزها عشان رخيصة يبقى خذ قرارك على هذا الأساس مش علشان فيها موتور "اصله" تويوتا!

و فى النهاية حضرتك ممكن تضحى بالحجم و تشترى حاجة كورى صغيرة- بيكانتو مثلا و تكون فى المضمون.

الهيونداى i30 موتورها كيا ومكتوب علية كدة واول مابدات الهيونداى تنزل كان موتورها متسوبيشى وكان مكتوب علية كدة ودة فى التمنينات والاسبرنز عفشتها الامامية (المقصات) لانسر خليك هادى وبلاش عصبية
تقبل راى الاخر بصدر رحب

اقتباس:

---

المشاركة الأصلية كتبت بواسطة mmmmgogommmm

الهيونداى i30 موتورها كيا ومكتوب علية كدة واول مابدات الهيونداى تنزل كان موتورها متسوبيشى وكان مكتوب علية كدة ودة فى التمنينات والاسبرنز عفشتها الامامية (المقصات) لانسر خليك هادى وبلاش عصبية
تقبل راى الاخر بصدر رحب

---

معرفش انت فرضت منين اني مش هادي و مش عصبي .

انا لقيت كلام اول مرة اسمعه فطلبت مصدر و لحد دلوقتي لم احصل عليه .

- حكاية هيونداي - كيا دي انا ماشوفتهاش .

بس هيونداي تمتلك كيا بالكامل و كل سيارات كيا و هيونداي متشاركة في الموتورات و الشاسيهات منذ ذلك الوقت ( السيراتو و الانترا - ال i30 و الكيا سييد الi10 و البيكانتو - الريو و الاكسنت ) كل دول بنفس الشاسيهات و المحركات .. ده مش اكتشاف و ميعيبش هيونداي في شيء .

- اي شركة جديدة لا تستطيع عمل محركات لنفسها ... عادي جدا .و كل الشركات بدات كدة حتى شيري ( اسبرانزا ) كانت بتعتمد على موتورات يابانية قديمة و اخرى من فورد .

- حكاية المقصات هي مقصات لانسر .. معرفش عنها حاجة .. و مش فاهم ؟ هل ده ميزة و لا عيب ؟

الدايوو اسبيرو والريسر والسيليو عفشة اوبل ومتر وشاسية جينرال موتورز البولونيز موتور 125 وعفشة ال132 الامامية العفشة الخلفية 125 اللادا 1200 و1500 و 2105 و2107 شاسية عفشة فيات 124 وموتو معتمد فى تصميمة على تصميم موتور ال124 الى حد ما
وحجات كتير كدة

ولا ميزة ولاعيب بس البداية من الصفر مستحيلة من حيث انتهى الاخرين افضل هما بيعملوا كدة

اقتباس:

---

المشاركة الأصلية كتبت بواسطة mmmmgogommmm

ولا ميزة ولاعيب بس البداية من الصفر مستحيلة من حيث انتهى الاخرين افضل هما بيعملوا كدة

---

هذا الكلام يكون عندما يكون هناك ملكية مشتركة مثل كيا و هيونداى أو تعاون فنى استراتيجى (دايو و أوبل أو لادا و فيات). و هذه التحالفات يكون معلن عنها و معروفة عالميا (فى النور يعنى) و حضرتك قلتها "الموتور مكتوب عليه كذا" و السؤال هنا هل هذه السيارة الصينية موتورها مكتوب عليه تويوتا؟!! أعتقد لا...

انا عندة سيارة مابل 2006 محتاج اعرف شوية حاجات على العربية
مثل موتور بتاع اى انواع سيارات
وفتيس
والعفشة امامية
والصاج
الفوانيس امامسة والخلفيية
اكصدام امامى والخلفى
بتوع اى سيارة
اما الزجاج السيارة امامى وخلفى وزجاج ابواب فى سيارة سيتروين
وهل السيارة نزل منها موديلات2008 و2009
اسعار توكيل نارومعظم الحاجات مفيش

لو سمحتم يا جماعة انا عايز اعر ف كل مواصفات الجيلى mk لانى عايز اشتريها لانى بصراحة مبهور بيها و نفسى اعرف هل ليها عيوب و الموتور فعلا بتاع تويوتا و لا لا و تصنيع صينى و هل العفشة فعلا بتاعت هيونداى اكسيل و لا لأ ارجوكم افيدونى و انا بصراحة مش ناوى اغير بعد كدة يعنى العربية دى ممكن تكون عربية عمر و لا لأ لا ان شاء الله حمشى بيها ف طرق ما يعلم بيها الا ربنا فيا ريت الرد بامانة و هل غعلا العفشة بتاعت العربية دى وحشة و بتشحط ف الكبارى و الموضوع ده مالوش حل ارجو الرد ف اسرع ما يمكن

اقتباس:

---

المشاركة الأصلية كتبت بواسطة moataz200730

لو سمحتم يا جماعة انا عايز اعر ف كل مواصفات الجيلى mk لانى عايز اشتريها لانى بصراحة مبهور بيها و نفسى اعرف هل ليها عيوب و الموتور فعلا بتاع تويوتا و لا لا

---

لا
مش موتور تويوتا
أنا بصيت عليه وليس عليه ما يدل على ذلك

الموضوع منقول من أحد منتديات السيارات

السلام عليكم ورحمة اللة وبركاتة

انا اشتريت سيارة جيلي mk يوم 7يونيو 2008

من اوائل الناس الي اشترت الجيلي كنت خايف جدااا من الصيني خوضت التجربة

جربت العربية 40الف كيلو حتي الان واحكي لكم مميزات وعيوب الجيلي خلال هذة الفترة

اولا البطاقة الفنية للسيارة

محرك السيارة 1600 سي سي 108 حصان عزم 137 نيوتن
المحرك مصنع باحدث التكنولوجيا اليابانية (تويوتا) وهو نسخة طبق الاصل من محرك تويوتا كورولا 2005

ثانيا: العفشة ونظام التعليق بتكنولوجيا تويوتا كرولا 2005
يعني يمكن تغيير العفشة بالاكمل بعفشة تويوتا ياباني

ونظام الفرامل نفس نظام فرامل اليارس ونفس مقاسات الطنابير ومقاس تيل الفرامل انا بغير بتيل فرامل بتاع يارس
ودي ميزة ان قطع غيارها ياباني وتويوتا ومتوفرة في السوق مع العلم ان العفشة الاصلية ادائها رائع جدااا

ثالثاا:الكماليات :
السيارة مجهزة 4 زجاج كهرباء ازرار بلمسة واحدة
مع سنتر لوك يقفل السيارة بعد سرعة 30كيلو متر للامان
باور ستيرينج هيدروليك وكويس جدااا علي السرعات العالية والمنخفضة
ومزودة بجهاز mp3 مدخل usb مع اربع سماعات عالية الجودة
تكييف قوي 4 سرعات
حساسات ركن خلفية
فوانيس السيارة تعمل بنظام ذكي جداا للضوء ومزودة بعدسات
ومزودة بفوانيس شبورة
وتعمل بنظام تدفئة كرسي السائق والمرايات والزجاج الخلفي لازالة الشبورة ومزودة بمرايات بتحكم كهربائي
ومزودة بوحدة كمبيوتر زكية ecu لتنظيم حركة المحرك .

رابعاا: مواصفات الامان والسلامة بالسيارة :
مزودة بجهاز abs المانع لانغلاق الفرامل علي فكرة فرامل الجيلي مؤمنة امان تام
ومزودة بنظام ebd لتوزيع قوة الفرامل علي الاربع عجلات
ومزودة 2 ايرباج حسب الطلب

خامسا : الشكل الخارجي للسيارة
السيارة مقتبسة تماما من الاوبل فيكترا 2008 من الامام
ونفس حجم السيارة تويوتا كرولا 2007

نيجي لتجربة 40الف كيلو
محرك السيارةقوي في الظروف الصعبة ولا يتاثر بالحرارة ومزود بخاصية العزل التام وهي supur cilant صوت المحرك يعتبر مش موجود والموتور ناعم جداا والسحب بتاعةعالي

العربية ثابتةجدا جدا جدا علي السرعات العالية انا قفلت امبيرها 195 دة اخرها وكانتبتتعامل مع ظروف الطريق لان العفشة بتاعت العربية فيها ليونة

العربية الباور بتاعها اول مابتيجي جديدة من المعرض كان سيء للغاية لكن بعد 1000 كيلو تليين اتحول 180 درجة وبقا حاجة تانية

السيارة موفرة في البنزين نسبيا

ومن عيوبها بتحتاج تزبيط في طقم الدبرياج كتير
والعيب الاخرصوت ونة بيظهر من الفيتيس دة مش عيب دة لان بلي الفتيس حجمة كبير علشانكدة بيعمل ونة لكن دي من طبيعة الفتيس مش عيب فية

علي فكرة الفتيس ادائة رياضي جدا الكبالن بتاعتها كويسة جدا لان انا من هواة الستعراض بالسيارة بكنت بجرب كل حاجة فيها

والكبالن لسة زي الفل وشغلت التكييف لمدة 4 ساعات متواصل واداء الموتور مية مية

وبينزل فيها جنوط 14 وكاوتش 185علي 60 بيديها ثبات رائع

قطع غيارها معقولة
الفانوس الامامي ب390
والفانوس الخلفي 190جنية
وفلتر الهواء 35
وفلتر البنزين 25 جنية

لو عايز تجيب اي قطع غيار في المحرك جبها من برة التوكيل وتكون قطع غيار تويوتا كرولا 2005 هتلاقيها في كل مكان وكذلك العفشة

وعلي فكرة الشنطة بتاعتها واسعة وكويسة والتابلوة بتاعها زي تابلوة اليارس مميز بعداداتة اللي في المنتصف شكلها شيك جداا

واللي عايزيشتري جيلي يتوكل علي اللة وربنا يباركلة فيها ومعلش انا مش منسق الموضوعلانة كتبتة بسرعة وهاعرض ليكم بعد كدة الصور لما اصور العربية باكملها

ارجو ان الموضوع ينال اعجابكم والسلام عليكم ورحمة اللة وبركاتة

[IMG]file:///C:/DOCUME%7E1/m/LOCALS%7E1/Temp/msohtml1/01/clip_image001.gif[/IMG]


[IMG]file:///C:/DOCUME%7E1/m/LOCALS%7E1/Temp/msohtml1/01/clip_image002.jpg[/IMG]


[IMG]file:///C:/DOCUME%7E1/m/LOCALS%7E1/Temp/msohtml1/01/clip_image003.jpg[/IMG]



[IMG]file:///C:/DOCUME%7E1/m/LOCALS%7E1/Temp/msohtml1/01/clip_image004.jpg[/IMG]

[IMG]file:///C:/DOCUME%7E1/m/LOCALS%7E1/Temp/msohtml1/01/clip_image005.jpg[/IMG]
[IMG]file:///C:/DOCUME%7E1/m/LOCALS%7E1/Temp/msohtml1/01/clip_image006.jpg[/IMG]




[IMG]file:///C:/DOCUME%7E1/m/LOCALS%7E1/Temp/msohtml1/01/clip_image007.jpg[/IMG]
[IMG]file:///C:/DOCUME%7E1/m/LOCALS%7E1/Temp/msohtml1/01/clip_image008.jpg[/IMG]






[IMG]file:///C:/DOCUME%7E1/m/LOCALS%7E1/Temp/msohtml1/01/clip_image009.jpg[/IMG]

[IMG]file:///C:/DOCUME%7E1/m/LOCALS%7E1/Temp/msohtml1/01/clip_image010.jpg[/IMG]

[IMG]file:///C:/DOCUME%7E1/m/LOCALS%7E1/Temp/msohtml1/01/clip_image011.jpg[/IMG]

السلام عليكم يا شباب

يوجد عرض من وكيل جيلي في مصر شركة توب جير على السيارة جيلي MK ، الإعلان نزل يوم السبت الماضي جريدة الأخبار، وقد إتصلت بيهم. رقم الإتصال المختصر 19042

السيارة سعرها خلال العرض هو 59.900 ( تسعة وخمسون ألفاً وتسعمائة جنيهمصري )، قبل العرض هو 63.500 ( ثلاث وستون ألفاً، وخمسمائة جنيه مصري )

الـ MK المعروضة مانيوال ، وهذا هو المتاح حالياً منها، ولا يوجد أتوماتيك في الوقت الحالي.

ويوجد أيضاً في الإعلان السيارة جيلي باندا بسعر 48.900 ، بس أعتقد أنه لايوجد عرض عليها، لأن تقريباً هذا هو السعر الذي تباع به في الأيام العادية.

أنا بصراحة بأفكر أشتري واحدة منهما

الذي لا أعلم عنه شي هو أسعار قطع الغيار والمصنعية لدى توب جير ، فهل يستطيع أحد الإفادة؟

أنا دخلت على موقع اليو تيوب ووجدت فيدوهات كويسة لهما، ويوجد أيضاً إختبار تصادم لل MK.

أجمل ما شاهدته هو الفيديو الخاص بالسيارة الباندا ، هو فيديو إستعراضي ، أتمنى أن يراه الجميع

YouTube - Chinese Car Performance Show: Geely Panda [2009]

مقالاتي

Mohamed Ibrahim Amin - Knol: eine Maأںeinheit fأ¼r Wissen

بس انا عايز اعرف الماتور بتاع ال mk يابانى ولا صينى ولا هندى ولا كورى ولا المانى ولا ايه بالظبط
لصاحب هذا السؤال موتور الجيلى كانت تشترية شركة جيلى من شركة بيجين التى تصنع مواتير تويوتا لصالح شركة تويوتا ولكن شركة جيلى ابتدات تصنع بنفسها هذا الموتور وتم تقاضى شركة تويوتا لشركة جيلى ولكن الامور انتهت بالتصالح ودفع المعلوم لشركة تويوتا واخذ حق التصنيع فاصبح موتور الجيلى هو موتور تويوتا مصنوع فى الصين