يا جماعة ناس كتير بتقولى ازكتافيا احسن من الفانتازيا فى العفشة و قطع الغيار !!!صح وﻻ ايه؟؟؟
عرض للطباعة
يا جماعة ناس كتير بتقولى ازكتافيا احسن من الفانتازيا فى العفشة و قطع الغيار !!!صح وﻻ ايه؟؟؟
ازاى بس الايه فايف ممتازه بس الفانتازيا احسن منها كتير
انا اقتنيت الايه فايف والفانتازيا الفانتازيا احسن وموديل اعلى
شوف كده الاعلان ده انا شايف السعر ده كويس وممكن تنزل كمان هتبقى افضل لان من الاعلان انها هاى لاين
لسه شايف الاعلان دلوقت شوفها وقارن بين المعروضه عليك
سكودا A5 موديل 2011 - NileMotors
اسعار الفانتازيا اليوم استعمال التى تم البيع/الشراء فعلا للاسترشاد ... طبعا بشرط الحاله الممتازه
لو مانيوال بتبقى فى رنج 150/140 الف حسب سنه الموديل و الكم ... و هى غير مطلوبه اوى ...
اول فئه اوتو توكيل :
مو 2010 - 60 الف كم - 153 الف
مو 2011 - 40 الف كم - 160 الف
مو 2012 - 15 الف كم - 169 الف
مو 2013 - 10 الاف كم - 172 الف
مو 2012 - 27 الف كم - هاى لاين كامله - 190 الف
.... طبعا حتلاقى فيه ناس كتير بتطلب اكتر من كده 10/15 الف ... لكن حتلاقيهم لسه ما باعوش ...
مع العلم انه يوجد بالسوق مو 2013 زيرو توكيل موتور 1.4 تربو ب 200 الف ...
بص حضرتك دة رايى الشخصى اكتر حاجة تبقى شاريها تبقى 40000 كيلو عشان لو بعد كدة هتبقى محتاجة منك تغير كاوتش وحاجات تانية كتير دة غير طبعا صيانة ال 60000 كيلو الى هى اهم صيانة واغلى صيانة فى العربية كلها انا جيبت موديل 2010 الفئة التانية عاملة 36000كيلو جبتها بالضبط ب 162.500 والفرق بين الفئة الاولى والتانية والثالثة الاولى بتبقى فاضية يعنى من غير جنوط ولا سينسور بارك ولا زينون الفئة التانية بقى فيها جنوط وسينسور بارك وزينون الفئة الثالثة بقى الهاى لاين فيها فتحة سقف وجنوط وسينسور خلفى وامامى على ما اعتقد وكاسيت شاشة عرضية تاتش ومتهيالى كراسى كهرباء وسخانات وفرش جلد ومفيش فرق بين 2010 و 2011 و 2012 الشكل واحد وكل حاجة واحدة معادا الموديل الى نزل 1.4 التيربو نصيحة منى متستعجلش وهتلاقى حاجاة كويسة واكشف كويس عليها واى حاجة هتحتاجها اسكودا تيم هنا اجدع ناس شفتها فى حياتى والله وقفوا جميى لما كنت مش فاهم حاجة دور هتلاقى كويس كتير بس مش تستعجل وربنا يوفقك ان شاء الله
العفشه هى هى مع انى كنت راكب عربيه جنط 15
وعربيتى دلوقتى جنط 16 لكن العربيتين واحد والمفروض الجنط 15 اريح فى المطبات لكن العفشه واحد تقريبا ووالعربيه اللى جنطها 17 الجنط ده بتحس بنشوفيه غريبه جدا فى العربيه مع النقر والمطبات
لعلمك يعتبر العربيتين واحد مع شويه تغييرات فى الشكل للفانتازيا
تفضيلى للفانتازيا للاسباب اللى حضرتك ذكرتها وفرق موديل وفرق اوبشن
+11111111
كلام زى الفل
بس موضوع الكيلو مترات ده عن تجربه تدور عليه بجد لو بتشترى العربيه من حد معرفه وانت عارف كويس
ولو من تاجر الفواتير تبع العربيه وتكون منتظمه او على الاقل اخر فتورتين يثبتوا الكيلو متر الفعلى
لكن بعد كده لو بتشترى من تاجر ولاحظه عدد كيلو مترات قليله صدقنى لانى شوفت بعينى بيلعبوا فى العداد وبيحطوا كيلو متر براحتهم
انا كنت بتفرج على عربيه وكانت لسه داخله المعرض والولد الموجود جوه معرفه وكنت موجب معاه اتفرجت على العربيه حالتها حلوه ركزت على العداد لقيته 95 الف كيلو قلت بناقصها الولد قالى العربيه لسه مانضفناها ولمعناها المهم نفس التاجر رحت له بعدها ب3 ايام قالى ادخل اتفرج على العربيه قلتله كويسه وزى الفل بس عاملها كيلوات كتير قو (مذكرتش العدد ) لقيته قالى ازاى تعالى شوف لقيت العداد بقدره قادر بقى 42 الف كيلو
حبيت انقل التجربه للافاده فقط
يعنى يا جماعة ما اجبش خليجى!!
محدش قلك كده :)
التوكيل كانت ميزته الوحيده فتره الضمان و طبعا انتهى للمستعمل و الارتفاع اكثر قليلا لكن الخليجى ارتفاعه ليس به مشكله ...
الخليجى مميزاته انه مصمم ضد درجات الحراره فى الخليج التى قد تصل 55 درجه مثل تكييفه الاقوى و طبقات البويه و معالجتها و كبر حجم الرادياتير ...
ايضا الخليجى بينزل بأبشنات اكتر غير موجوده بالتوكيل و العكس ...
تحياتى ...