محدش عارف نوع تانى لليايات الخلفية للار بى بس تكون ناشفة شوية اول عالية شوية
عرض للطباعة
محدش عارف نوع تانى لليايات الخلفية للار بى بس تكون ناشفة شوية اول عالية شوية
انتا غيرت المساعدين يا باشا
غيرت المساعدين اتعدلت شوية ووطيت تانى انا عاوز اغير اليايات بس بنوع ناشف شوية
سؤال جاهل شوية
هى اليايات يعنى السوست؟ :d
اللى اعرفه ان اللعب قى السوست بيقلل الثبات
متابع مع حضرتك
نفس المشكلة عندي في الانترا 2009 أنا ركبت علايات علي السوست والعربية رفعت بس العفشة نشفت أوي
فعلا حلها في نوع سوست أنشف شوية بس تكون عربية ياباني مثلا
واضح ان الناس كلها عندها نفس المشكله و واضح كمان ان في اجماع على كده :biggrin:
قصدك أن فية اجماع اليومين دووول .. أن الفترة الاخيرة زدات فيها المطبات العمولة !
أنا زهقت اصلا من الموضوع دة وحاسس أن حلها هيكون عند اقرب مطب *افضى العربية* وبعدة ارجع *اعبئ الحمولة تانى*
وهيبقى شعار المرحلة اللى جاية ..
_مطب بلدى ----- فينا كلنا_
يأريت يكون ليها حل ..
أنا الي غايظني أكتر من المطبات الهباب الحفر و البلاعات الي منغير غطا حاجة بقت تقرف بجد ...
جرب سوست السيراتو اكيد واحده لانى الالنترا hd والسيراتو الشكل القديم والاكسنت ار بى واحد
انا كنت عند العفشجى النهاردة قالى سوست اللادا الامامية هنجبها ونقصها بس انتماة رايكم لانى مقلق
لأ طبعا
ما هو انا قلت كدة بردة
طيب ماحدش يعرف نوع يايات ليها
وعالفكرة ناس بتقول سوست التويوتا بس انا موش مقتنع
انا سألت مهندس فى التوكيل قالى انسب حاجة سوست السيراتو
بص يا باشا انا حليت المشكله دى عندى
المشكله مش فى التعليه نفسها والمشكله فى ان السوست طريه جدا وخصوصا اننا مشينا عليها فتره بالمساعد القديم فهلكها وهى متانتها ضعيفه
فانت حاول تعمل اللى انا عملته هو متعب شوية بس هيخفيلك الموضوع ده تماما
انت روح لعفشجى ويفضل فى الحرفيين وخليه يفكلك السوست وتاخد جوز السوست وتطلع على اى محل بيبيع قطار غيار استيراد وهتلاقى محلات بتبيع سوست بس وحتى ميعرفوش نوعها ايه وتقوله يوفقلك جوز سوست نفس الطول والعرض ومتقلقش هتلاقى كتييير بس الاختلاف هيبقى فى قوة السوسته وجرب تقف على اللى الطالعه من العربيبة هتلاقيها بتنزل بيك فما بالك بالعربية
المهم بس تكون سوسته قوية نفس الطول والاختلاف بس هيكون فى الداير اللى فى اولها او اخرها ودى اى محل خراط يظبطهالك زى بتاعت العربية بالظبط
معلش هو حوار ممل شوية بس مش مكلف وكمان عشان متعدش تلف وتدور وتشترى سوست وتطلع متركبش
وجرب وهتدعيلى
سيراتو ايه يا حاج :d
السيراتو بتهبط زي الالنترا بالظبط
اللانسر ممكن. هي اقوى بس هتهبط لما تحمل على العربيه. برضه احسن من سوست الالنترا
عن تجربه لمدة 5 سنين في تويوتا ياريس وتحميل بغباء وسفر. السوست بتاعتها اقوى من الالنترا واللانسر بمرااااحل
هي أنسب بالنسبه للمقاس. انما الانضغاط هو نفسه بتاع الالنترا
مش معني أن اليارس مش بتهبط مع التحميل أن السوست أقوي من الانترا و السيراتو ممكن يكون وزن العربية متناسب مع قوة السوستة و لو ركبتها في الانترا أو سيراتو تهبط بردو و ده أغلب الظن.
هتغير في العربية يبقي الثبات هيطير وهتخرج من الضمان
على فكره الالنترا وزنها خفيف, يمكن اتقل من الياريس حاجه بسيطه بس لما تحمل على الياريس غير ان في 3 ركاب في الكنبه الي ورا في حين ان الالنترا لما تركب 2 بس في الكنبه الي ورا من غير اي حموله وتهبط يبقى سوست الياريس اقوى من الالنترا بمراحل. انا مجرب العربيتين لمدة طويله :)
الضمان طار عند معظمنا بالفعل ^__^
[QUOTE=mahmoud_afifi;3875211796]على فكره الالنترا وزنها خفيف, يمكن اتقل من الياريس حاجه بسيطه بس لما تحمل على الياريس غير ان في 3 ركاب في الكنبه الي ورا في حين ان الالنترا لما تركب 2 بس في الكنبه الي ورا من غير اي حموله وتهبط يبقى سوست الياريس اقوى من الالنترا بمراحل. انا مجرب العربيتين لمدة طويله :)
كلام سيادتك بخصوص الوزن عار من الصحةو سوست الياريس لا أقوي و لا حاجة هي بس مناسبة لوزن الياريس لأن فيه فرق وزن بين الانترا و ياريس من 150 الي 200 كجم يعني الانترا أتقل من ياريس بحوالي 20% من وزن الياريس و ياريت تشوف ال لينك من تويوتا ايجيبت و هيونداي ايجيبت:
Hyundai Egypt
Toyota - Yaris Sedan Specifications
و بالتالي احتمال كبير زي ما ذكرت أن سوست الياريس تكون فاشلة لو نفعت تركب في الانترا
نظرا للفرق الملحوظ في الوزن.
[QUOTE=svneleven;3875212948] طب ما انا قولت ان الالنترا اتقل من الياريس !!!
وبعدين انا بتكلم من واقع اني مجرب العربيتين.
وفرق الوزن ده = وزن 3 افراد متوسطين الحجم في الكنبه الخلفيه في الياريس. ويبقى كده وزن العربيتين متساوي وماتهبطش. وتحمل كمان في الشنطه بتاعت الياريس اوزان تقيله وتملى الشنطه تماما وماتهبطش برضه في حين ان الالنترا بمجرد انك تحمل في الشنطه من غير أي راكب في الكنبه الخلفيه وتبقى في الارض !!!
[QUOTE=mahmoud_afifi;3875213436] كلام حضرتك عن التجربة العملية ما أقدرش أنكرة و أنا مصدق حضرتك طبعا لأنك جربت الاتنين لكن كل اعتراضي أن حضرتك قولت أن الانترا أتقل من الياريس بحاجة بسيطة و أنا حبيت أوضح المعلومة الصح فقط. شكري لسيادتك علي الحوار المحترم و البناء.
لأ هو فعلا الالنترا اتقل حاجه بسيطه وانا هوضح لحضرتك الفرق في الوزن ده ازاي.
اول حاجه حضرتك افترضت ان الوزن ال150-200 كيلو موجودين في الخلف وهو ده الي بيضغط على السوست والكلام ده مش صح جملة وتفصيلاً لأن الياريس موتورها 1300 بينما الالنترا 1600 وحجم الموتور وحجم الcompressor بتاع التكييف مختلف وبعض الحاجات الاخرى وده ظاهر جدا في اختلاف حجم الحوض للعربيتين. يعني الوزن معظمه في الامام. اما ورا خفيفه جدا.
بالاضافه لأن الرقم الي مكتوب في البروشور بيكون لعربيات فيها كل التجهيزات انما في مصر الالنترا مافهاش الهوااا :D
اما بخصوص السوست بالنسبه لوزن العربيه الكلام ده صح جدا ومتفق معاك فيه لو جينا لعربية زي مرسيدس لما تيجي تحط السوست بتاعتها في النترا هتبقى قوية جدا وتستحمل في حين انها في المرسيدس يادوب تستحمل ودي كمان عن تجربه (عربية والدي مرسيدس موديل 87).
وشكرا للنقاش مع حضرتك استفدت كتير :)
الحمد لله تم حل المشكلة بتغيير اليايات الخلفية هى يايات لادا قدام ومحدش يقولى هتخلى العربية زى الحجر العربية ما شاء الله جميلة ومريحة فى المطبات والتنطيط اتمنع واهم حاجة انا مركب 3 ورا وانا وواحد جمبى العربية ماحكتش بس لسا هنشوف باقى المطبات العجيبة بتاعتنا التركيب اخذ ساعة وتمقص حلقتين من اليايات الجديدة والتكلفة 210 جنية
200 حساب 2 ياى وتركيبهم
10 حساب الحدادالى قصهم
انا بقترح نعمل ثورة لتغيير السوسست بنوع تانى اقوى فى التوكيل او امرنا لله برة التوكيل .
انا كنت بعمل صيانة ال 70000 فى التوكيل وسألت عن اسعار السوسست الخلفية لقيت الواحدة عاملة 286 جنية هو سعر معقول جدا لانى سألت قبل كدة فى الحرفيين على سعر سوسست سيراتو استيراد كانت الواحدة عاملة 200 جنية مع العلم ان فى التوكيل بيقولوا السوسست اللى عندهم معدلة واقوى
وانا شايف ان الحل الاكيد فى تغير قوة السوسست مش التعلية لان لية العربيات الالمانى مش بتهبط لانها معمولة اقوى اما اخواننا اللى عيونهم ضيقة (الكوريين )بيعملوا شغل فاين خفيف يعنى وهما كمان اوزانهم قليلة
مبروك صحيح ما زالت موش مقتنع وحاسس انها هتاثر على العفشة على المدى طويل بس مبروك مرة تانية وياريت تتابعه باستمرار وتابع فى الموضوع