عرض للطباعة
السلام عليكم
أنا اشتريت عربية مستعملة موديل 2010 وروحت المرور في شهر 3 اللي فات نقلت الملكية باسمي بس ادوني تصريح 6 شهور وبنفس النمر القديمة (مرور الجزيرة) ودلوقتي التصريح هينتهي يوم 29-9 فإيه الأوراق المطلوبة مني بالضبط مع العلم إن الفحص في 2016 والضريبة في 2-2014 والتأمين كان سنة برده يعني هيخلص 3-2014 والطفاية معايا ..
هل مطلوب مني شهادة مخالفات ؟
وهل مطلوب مني شهادة بيانات سواء روحت أجدد التصريح قبل انتهاءه (29-9) أو بعد الانتهاء ؟
أرجو الرد الوافي مع جزيل الشكر
ألووووووووو
هو الموضوع صعب للدرجة دي ؟!
هو الموضوع قديم شويه بس قولت ارد وخلاص يمكن تكون لسه معملتهاش
انت بتروح المرور بالرخصه فقط بياخدوا الرخصه وبيجددلك 3 شهور او 6 او بيديك رخصه لو الملف وصل عندهم وبدون اى اوراق
وممكن تعمل الموضوع ده بعد انتهاء مده الترخيص مفيش مشكله خالص دا انت كمان ممكن ماتجددش الترخيص ومفيش اى مشاكل الا لو هاتحتاج الرخصه فى عمل توكيل او اى اجراءات رسميه طالما الضريبه مدفوعه لتاريخ قادم ولسه بدرى على الفحص
أشكرك على الرداقتباس:
المشاركة الأصلية كتبت بواسطة aaah
بس بالفعل أنا روحت من كام يوم وجددته :)
وفعلا مطلبوش مني حاجة غير التصريح وصورة البطاقة وأدوني رخصة لحد شهر 2-2014 لأن الملف وصل بالسلامة ولله الحمد :d
الموضوع ماخدش نص ساعة وكنت مستلم الرخصة وكل اللي دفعته 17.5 جنيه : 10.5 للخزينة و 2 جنيه ورقة كمبيوتر وتصوير البطاقة و 5 جنيه للعسكري اللي جاب الملف وشكرااا
الشكر لله يافندم والف مبروك على الرخصهاقتباس:
المشاركة الأصلية كتبت بواسطة أبو بودي وعمر