بخصوص التحويل

**KemozTanta** · 24-09-2013 01:13 PM

ياباشا اسمح لي ..
خلص كلية صيدلة بالطول بالعرض خلصها .. بكل الحسابات دخولك كلية تانية من الاول حرام .. وانت بتضيع سنين كدا اونطة .. اصلك مش في كلية فاشلة لا مواخذة عشان تبقي مقفول منها او دراستك فيها تبقي تافهة.. دراستك صيدلة هتنفعك في كل شىء في حياتك..
وخريج صيدلة مين قال انه يبقي مندوب !! دا طبيب صيدلي يعني هتبقي دكتور في الشركة هتشتغلك ساعتين زمن وخلاص والمناديب دي لناس تانية ..
انا حبيت اقولك الكلام دا عشان كومبيوتر ساينس مش عبقرية اوي عشان تضحي بصيدلة.
الا اذا انت حد عبقري برمجة وعايز تخترع شىء جديد في عالم الكومبيوتر .. غير كدا هتبقي زييك زي غيرك.

**Dr_Mido** · 24-09-2013 01:23 PM

انا حضراتكو بعيد تالته صيدله تاني جامعه ٦ اكتوبر يعني لسه ٣ سنين علي افتراض اني هنجح صافي كل سنه يعني نفس الوقت اللي هخش فيه كليه تانيه بحبها

انا دخلت غصب بسبب الوالد

**Dr_Mido** · 24-09-2013 01:25 PM

ده غير اني فاتح شركه صغيره من سنه ٢٠٠٧ مع واحد صاحبي وشغالين في المجال الطبي برضه بسمن ناحيه الاجهزه و المستلزمات الفكره ان الوقت بيضيع في دراسه مبحبهاش و مش هستفيد منها بعد كده

**Mohamed_Hamid** · 24-09-2013 01:40 PM

نصيحة حرام تضيع السنين والفلوس والمجهود ده هدر كدة. خلص وبعدين ادخل كمبيوتر زى ما انت عايز. حرام

**Dr_Mido** · 24-09-2013 01:53 PM

وربنا هضيع اكتر منهم بدون فايده

**mr_vampire** · 24-09-2013 01:57 PM

المشاركة الأصلية كتبت بواسطة dr_mido

وربنا هضيع اكتر منهم بدون فايده

انتا يادكتور اللي ادري بقي بنفسك وبقدراتك وبالذات ان السنين اللي فالاخر بتبقي اصعب من السنين الاولي. فلو شايف ان التحويل دلوقتي افضل لان ادام هيبقي الخسارة اكبر فالمال والسنين يبقي توكل علي الله. لو هتقدر تضغط علي نفسك وتتشقلب عشان تاخد السنة فسنة وتخلص يبقي كمل افضل وبعدها تعمل اللي عايزه.

**Mohamed_Hamid** · 24-09-2013 02:20 PM

بص انت ادرى بظروفك بكل تأكيد. بس انت كنت فين من بدرى يعنى اقرار ده كنت تاخده ثالث سنة مثلا مش دلوقت ! من حيث المكسب والخسارة انت كدة غلطان. لو خلاص مصمم اوى يبقى استخر ربنا.
ربنا يوفقك لما فيه الخير

**Dr_Mido** · 24-09-2013 02:26 PM

هعمل استخاره ان شاء الله

**أحمد كمال** · 24-09-2013 03:16 PM

المشاركة الأصلية كتبت بواسطة kemoztanta

وخريج صيدلة مين قال انه يبقي مندوب !! دا طبيب صيدلي يعني هتبقي دكتور في الشركة هتشتغلك ساعتين زمن وخلاص والمناديب دي لناس تانية ..

مفيش حاجة اسمها "طبيب" صيدلي. الصيدلي مش طبيب على فكرة

ساعتين ايه في الشركة؟ حضرتك تعرف صيادلة شغالين كده؟

المشاركة الأصلية كتبت بواسطة kemoztanta

انا حبيت اقولك الكلام دا عشان كومبيوتر ساينس مش عبقرية اوي عشان تضحي بصيدلة.

الكمبيوتر اللي حضرتك بتستعمله و الانترنت كونكشن و البراورز و المنتدى و كل الكلام ده عاملينه ناس بتاعة كمبيوتر ساينس

مش عارف مش عبقرية ازاي

-

الموضوع: بخصوص التحويل

LinkBack

أدوات الموضوع

عرض

-

-

-

-

-

-

-

-

المواضيع المتشابهه

التحويل للغاز

كيفية التحويل الى rca

التحويل من 90 الى 92

التحويل لغاز

التحويل من البنزين 90 الى 92

الكلمات الدلالية لهذا الموضوع

المفضلات

المفضلات

ضوابط المشاركة