شكرا لردك ساعدنى كتير
عرض للطباعة
لو سمحتى هى الاونو سعرها ايه ولونها ؟
ماروتي
اعتقد التكييف بقى من الاساسيات دلوقتى خصوصا في الحرررررررر وزحمة مصر
ماروتى يا فندم بدون تفكير
عربية اقتصادية جدا
الشكل انا شايف ان احسن من الاونو ( اذواق )
الموديل احدث ( ودى تفرق كتير اوى ) العربية لسة بخيرها لسة في عمرها وخيرها الى تديه ليكى
قطع غيار متوفره ورخيصة واى حد بيشتغل فيها
وفى الاول والاخر الموضوع ليكى
وصلى استخاره الاولى وان شاء الله ربنا ينور بصيرتك للخير
أيوا تمام اتفق مع حضرتك جدا صعب اجيب عربية من غير تكييف مع اول شهور الصيف هفكر ابيعها
هوا مقارنة حضرتك ف حاجات كتيرة صح ... لكن موضوع التكييف محيرنى شويه .. ده خلانى ادور على اختيارت تانية غير الاتنين .. موديل أقرب و ف نفس الوقت بتكييف
يا فندم بدل ما تشتري وتبيعي وعربية للصيف وعربية للمبيت الشتوى خلي حد عندة خبرة في العربيات او حتى الميكانيكي تثقي فيه ينقيلك عربية اونو نضيفة بتكييف واساسياتها حلوة او ارفعيها في اي محطة للكشف على العربيات.
وبعدين شكلها شبابي وتنفع للبنات مش البطة الى اسمها ماروتي وسيبك من حكاية القرد بصحتو ولا لسه بيتنطط ده شكلوا اخواني هههههههه واحنا الولاد مش فارقة معنا لكن البنات مهم اوي حكاية التكييف دية علشان البرستيج صباح الشعر المضروب في الخلاط والمكياج زي الشوكلاته السايحة والهدوم الى عايزة منشر ومشابك وتسلقي بيضتين على الكبوت عقبال ما الاشارة تفتح . خليكوا واقعيين بالتوفيق.
واسف على الهزار بس بعتبركم كلكم اخواتي والله