الموضوع: مدينتــــــــــــــــــــ ـــــى

شوف يا باشا عايز تسال في ايه يعني اسئلة تفصيلية مش عامة عشان نقدر نكتب المختصر المفيد وانت عايز تشتري ولا تأجر ولا تتفسح

بص هيا فيها عمارات وفلل كتير خلصت خالص وجاهزة للسكن علي طول والحدائق والاشجار موجودة في كل حتة والامن موجود بس عدد السكان قليل جدا جدا وغالبا هتلاقي سوريين هناك وهتلاقي سوبر ماركت مترو بس مش كبير بس ينفع وتلاقي شوية كافيهات كدة تمشي الحال بس فاضية الشوارع زي الرحاب بس مدينتي كبيرة جدا ولسه في ظهر المدينة جزء كبير بيتبني بس بعيد عن المنطقة اللي الناس ساكنة عندها موضوع النت انا بخش من يو اس بي وانا مش مقيم بصفة دائمة هناك من ناحية الامان فهي امان ومفيش مشاكل بس تاخد بالك عشان في فئة عمالة هناك وتكون عامل احتياطاتك عشان تبقي مطمن والقعدة هناك هتبقي في الروقان ومفيش ناس وهدوء وربنا يوفقك

فيه سوبر ماركت تانى و هو اولاد رجب فاتح برضه و محلات اكل و طبعا المدينة لسه فى الاول علشان كده ح تلاقى كل عمارة يدوبك شقة بالكتير فيها اللى ساكنة و ده متوقع من مدينة لسه جديدة بس مع مرور سنة او اتنين ح يزيد و الخدمات برضه ح تزيد و لما برضه العمال تبطل شغل علشان مش معقول اللى انت تسكن و تفضل مستحمل الخبط و صوت العمال حواليك الى جانب ايضا اللى هم مش مضمونين

مدينتى جميلة ومريحة للأعصاب لكن ... أولا شركة طلعت مصطفى فى النازل وأنا بقول الكلام دة بصفتى أحد قاطنى مشروع الرحاب من فترة ... كل همهم دلوقتى جمع الفلوس بدون تفكير فى المقابل ... مدينتى جميلة وهادية ولسة بكر متبهدلتش لكن يعيبها أن عدد الوحدات مهول (مع الأخذ فى الإعتبار انها 4 أضعاف مساحة الرحاب) فحاسس ان مع الوقت هيبقى فيه تدنى للخدمات .. الأسعار دلوقتى مبالغ فيها جدا أكتر من 6000 للمتر والمساحات فعلا مهدرة خصوصا فى المراحل الأولى لأن تم تحميل سلم الطوارئ والمصاعد عليها ... الإنحدار فى الرحاب ومدينتى هو انعكاس للإنحدار فى الدولة عموما وشئ طبيعى لكن تظل الرحاب ومدينتى من الأماكن اللى تستمتع بالسكن فيها وربنا يوفقك للخير بس تقل جيبك عشان تاخد حاجة تبسطك بإذن الله