استفسار - صيانات و قطع غيار ix35

الساده الافاضل

منتدى الهيونداى

رغم انى مش طايق غبور بسبب اللى بيعمله فى العربيات , انما مش قادر اشيل من دماغى ix35

و ربنا ييسر الخير و ناوى على شرائها

و كنت حابب اسأل ممن اشتروها , المفروض انها عملت معاهم على الاقل 5000 كيلو

اخبار الصيانه و اسعارها و قطع الغيار المعتاده و اسعاره

لانى سمعت سمع مش حلو (سمعته على النيسان قشقاى بصراحه ) ان المعامله بتتغير لانك راكب العالى بتاع

الماركه , لذا فقطع الغيار بتبقى اغلى و الصيانه اغلى

انا طبعا شايف ان دا طبيعى بس كنت عاوز اعرف اغلى لأى درجه

يعنى هاوصل للاوربى مثلا و لا هاكون لسه مميز انى باستعمل عربيه اسيوى فبتكون مريحه فى اسعار صيانتها
و قطع غيارها

لكم منى جزيل الشكر