(بالصور) رحلة العناء مع اصلاح دورة مياة اللانوس (نقل التجربة للأفادة)

**MITSUKERO** · 26-09-2013 01:01 PM

استكمالا للموضوع

فعلا طلع كولية سايب من الكوليهات اللي بتمسك الخراطيم في المشترك و غطاء القربة بايظ و اتغير و الحمد لله التسريب منع و المياة مبقتشي تنقص

و جبت مياة سعودي ب 20 جنية اجرب بيها صورتها :

[IMG][/IMG]

ربنا يستر بقي

**MMamdouh** · 26-09-2013 04:06 PM

ألمية السعودى دى مش كويسة

MMamdouh

**mostafa mahmod** · 26-09-2013 07:14 PM

و هل محمد عبده عنده كبس لدوره المياه
لو اه ممكن عنوانه :)

**loklok** · 26-09-2013 08:07 PM

ربنا يكون في عونك علي كل هذه المشاكل
احب اضيف معلومه مهمه جدا ان 90في 100من المياه الخضراء الموجوده في السوق غير مناسبه للانوس لانها بها inorganic acidمثل acetat وهذه المواد تسبب تاكل الاجزاء الامونيوم (الرادتير والمواسيير) وبالتالي هذه المياه اخطر من ميه الحنفيه بمراحل

**Khaled Lanos** · 26-09-2013 10:41 PM

ربنا يكون في عونك يا كريم..أنا حاسس بيك لأني مريت بكل دا العربية لما بتفتح بتلاقي ماسورة مصاريف انفجرت في وشك هههههه
أنا عايز أقولك في متوري القديم لما حليناه لقينا المية بدون مبالغة واكلة البلوكة من تحت من كتر الصدأ..مع إني كنت بستعمل مية خضرا على طول بس بعد ايه المالك السابق كان دمرها خالص الله يسامحه بقى.

**Dr.Rayyan** · 27-09-2013 02:48 PM

تقرير دسم ما شاء الله ومبروك على العربيه

**HishamShafai** · 27-09-2013 09:36 PM

شكرا للموضوع المحترم, بالنسبة للكوليهات, أنا لما شفت الصورة بعد تغيير الخراطيم و شفت الكوليهات قلت هيحصل تسريب تانى, لأن مره في توكيل أبو غالى غيرولى قربة المياه علشان غطاها كان بايظ, ولاحظت إنهم وصلوا الخراطيم و ثبتوها بكوليهات عادية و ليست الفابريكة الكلبس و لما إعترضت المهندس شرح لى أن الكلبس الأصلى لما يتفك كفاءته لا تعود مثل الأول علشان كده بيركبوا الكوليه العادى, ياريت تبعتولى عنوان محمد عبده.