الموضوع: (بالصور) رحلة العناء مع اصلاح دورة مياة اللانوس (نقل التجربة للأفادة)

السلام عليكم

بقالي فترة بلاقي الشكوي من دورة مياة الانوس بقي كتيرة جدا

و انا شخصيا كنت بشتكي منها بشدة

ابتدي بجزء سابق حصل معايا مهم برضة و بعدين ادخل علي التقيل

اول ما جبت العربية عملت طبعا صيانه شاملة و كان ضمن الصيانة تغيير طرمبة مياة و طلعت مخرومة نتيجة استخدام الراجل اللي قبلي لمياة الحنفية بدلا من المياة الخضراء

الموضوع : http://www.nilemotors.net/Nile/243994-a.html

و الصورة :
[IMG][/IMG]

[IMG][/IMG]


و غيرت الطبب اللي تحت الشكمان و هم عددهم 4 و جبتهم الاول من السوق من ايزو اللي في المطرية و دابو خلال فترة التجربة بمياة الحنفية ههههه
و ده الموضوع اللي كتبته لما غيرتهم و بعديها اويل سيل الكرنك الخلفي سرب زيت و افتكرت الموتور باظ و ربنا ستر برضة
http://www.nilemotors.net/Nile/277221-a.html

و غيرتهم تاني بطبب اصلي من التوكيل و الحمد لله شغالين كويس الطبة كانت ب 7 او 10 جنية تقريبا و الفرق انها الومنيوم و ليست صاج زي اللي في السوق و شكل الطبب اللي خرجت من تحت الفرن هو هو شكل الطبب اللي خرجت من تحت المنافولد و نفس الصداء و التاكل و نفس المقاس و الصور في باقي الموضوع و غيرت قربة المياة و الغطاء بتاعها قولت بالمرة علشان اوقف التسريب اللي مش راضي يقف


في يوم تاني الخرطوم اللي طالع من ثرومستات الكوعة اتخرم نتيجة تركيب 2 افيز ورا بعض و العربية سخنت علي الدائري و ربنا ستر
الافيزين دول اتركبوا كده في توكيل كيا اللي في الرحاب يوم ما غيرت ثرموستات الكوعه هناك لانه قفشت مني علي الطريق و برضة العربية سخنت و ربنا ستر و غيرت معاها كاتينة و شداد بالمرة و من هنا بنصح بتغيير الثرموستات مع كل تغيير كاتينة خصوصا انه مش غالية بس ممكن تبوظ الدنيا

و ده لينك الموضوع ساعتها:
http://www.nilemotors.net/Nile/330366-a.html

دي صورة الخرطوم اللي خارج من الكوعة بتاعة الثرموستات الميكانيكي (ثرموستات الكوعة) و عليه 2 افيز و ده ادي انه اتخرم لان الافيز كان راكب فوق الشفة و ده غلط
[IMG][/IMG]


و دي صورة الخرم اللي حصل في الخرطوم نتيجة الافيزين اللي ورا بعض
[IMG][/IMG]

و دي الصورة بعد التغيير و انا بعد كده غيرت طريقة ربط سلك حساس الشكمان و خليك الكولية البلاستيك علي الفيشة
[IMG][/IMG]

كده تقريبا تاريخي مع دورة المياة نبتدي بقي في الحاضر اللي حصل امس عنده محمد عبده الميكانيكي


العربية سخنت من مراتي و ربنا ستر كانت بتبص علي المؤشر صدفة فلحقتها اول ما المؤشر كان بيعلي و كلمتني و رحت جبتها منها و تاني يوم طلعت علي محمد عبده الميكانيكي و اصريت اني اروح له علي الرغم من انه بعيد جدا عن بيتي بس الحمد لله اني روحت له و هتعرفوا السبب خلال الموضوع

روحت و قابلني اسلام و محمد اللي شغالين معاه و ابتدينا الكشف بالتفصيل و بهدوء و بالمكبس

كبسنا و لقينا الاتي:
ماسورة الشجرة مشروخة شرخين و بتسرب منهم تسريب محترم
المشترك مخروم خرم صغير
المسورة الحديد اللي طالعة من الموتور من ورا طرمبة المياة مصدية و دايبة و تسريبها خفيف
المسورة الحديد اللي طالعة من المنافولد دايبة و تسريبها خفيف
الطبتين اللي تحت المنافولد بيسربوا
الماسورتين اللي داخلين البوابة مصديين و مش بيسربوا

طبعا انا وقفت مش مصدق لاني من يوم ما جبت العربية بستخدم مياة خضراء موبيل بعد ما غيرت الحاجات اللي كتبتها فوق و لما وقعت بعد التسريب الاخير كنت بحط مياة مقطرة خلال الشهرين اللي فاتوا و ده كان مخلي لون المياة نقي و مفيش صداء نهائي !!! حتي اثناء الفك المياة كانت نزلة نقية ملهاش اي لون!!!

الصور هتشرح بقي تأثير مياة الحنفية اللي الراجل اللي قبلي استخدمها علي دورة المياة و تدمير اغلب الاجزاء اللي منها اجزاء اول مرة اسمع عنها و اغلب الميكانيكية ميعرفوهاش اساسا !!!

دي صورة الطبتين الل جبتهم من التوكيل (كنت شايلهم احتياطي من زمان)
[IMG][/IMG]


و دول صورتين للطبتين بعد الفك و ده برضة نتيجة استخدام مياة حنفية
[IMG][/IMG]

[IMG][/IMG]


و دي صورة مسورة من الاتنين اللي داخلين علي البوابة و التانية هي اللي راكب فيها الخرطوم لسه:
[IMG][/IMG]

و دي صورة الاتنين بعد ما فكينا الخرطوم:
[IMG][/IMG]

و دي كمان صورة لنفس الماسورتين بس عليها سهم:
[IMG][/IMG]

و دي صورة مشترك المياة اللي تحت المنافولد:
[IMG][/IMG]

و دي صورة الماسورة اللي دايبة في المنافولد قبل التغيير و الصداء و التراكمات ظاهرة و بجد تأثير مياة الحنفية افظع مما نتخيل:
[IMG][/IMG]

و دي صورتها بعد التغيير
[IMG][/IMG]


و دي صورة للمنافولد من ناحية المسورة اللي تم تغيرها فيه في الصور اللي فوق و الاسهم تشير الي الاتي من اليمين الي الشمال:
- مكان تثبيت مسطرة الرشاشات (لقيناه بايظ و محتاج خراط و ودرناه اتعمل له جلبة و واضحة في الصورة من اختلاف اللون و ده غالبا باظ من الفني في مركز الصفاء و انا بغير الرشاشات في الموضوع ده
http://www.nilemotors.net/Nile/362152-2-bmw-m40.html
- حساس الحرارة الخاص بالمؤشر في لوحة العدادات (و ده مش موجود في شيفرولية لانوس موجود في دايو بس)
- الخرطوم اللي راكب في المسورة اللي اتغيرت
[IMG][/IMG]


و دي صورة المسورة اللي خارجة من طرمبة المياة بعد ما خلعناها و اتفرتكت و هي بتطلع و طلعت بسهولة لانها كانت دايبة تماما
[IMG][/IMG]

و دي صورتها بعد التغيير و السهم اللي فوق بيشاور علي مكان طرمبة المياة تحت الكاتينة و السهم اللي تحت بيشاور علي المسورة بعد التغيير:

[IMG][/IMG]


و دي صورة توضيحية اكتر و الاسهم هنا واحد بيشاور علي طرمبة المياة و التاني علي المسورة و التالت علي طبة المياة اللي تحت المنافولد:
[IMG][/IMG]

و دي صورة للمنطقة تحت المنافولد دون مسورة الشجرة و الاسهم و الخطوط تعبر عن الاتي (الصور زحمة فعشان كده بحط رموز):
-سهمين بيشاوروا علي الطبب اللي تحت المنافولد و الطبب دي الجديدة بعد التركيب
-سهمين بيشاوروا علي فتحات فيها قطع قماش لمنع دخول اي رواسب او مسامير خلال الفك و الاصلاح و دي حركة ممتازة جدا
- خطين علي مكان تثبيت مسامير مسورة الشجرة
-سهم علي المسورة اللي خارجة من طرمبة المياة
- دائرة علي خرج بخار الموتور و جواها برضة قطعة قماش لتفادي سقوط اي مسامير او رايش خلال الفك

[IMG][/IMG]


و دي صورة الاسهم فيها بتشاور علي المارش (تم فكه خلال تركيب الطبب و مسورة خرج طرمبة المياة لتجنب حدوث اذي به) و سهم بيشاور علي مكان تركيبة:
[IMG][/IMG]

يــــــــــــــــــــــــ ــــــــتــــــــــــــــ ـــــــــــــــــــــــــ ـبـــــــــــــــــــــــ ـــــــــــــــــــــــــ ـــــــــــــــــع