مساعدة بخصوص جوجل ادسنس

**bekatcho** · 24-09-2013 07:00 PM

يا جماعة انا محتاج اكونت جوجل ادسنس متفعل وعايزة عادى مش مستضاف
لان المستضاف عامل معايا مشاكل وقارفنى معاة
مين يقدر يساعدنى فى دة بعد اذنكم

**أبو آسر** · 24-09-2013 07:57 PM

للأسف مصر دلوقتي من أكتر الدول اللي شبه مستحيل جوجل توافق على إعطائها حسابات عادية غير مستضافة وبيقعدوا يتلككوا على الفاضي ومفيش فرصة غير إن يكون عند حضرتك موقع ملوش حل ومفيهوش 0% مخالفات ويكون موقع مفيد وحيوي ... إلخ
في ناس بتقدم خدمات إنشاء حسابات جوجل عادية في موقع خمسات وجروبات على الفيس بوك عرب وأجانب أيضا لكن النتيجة النهائية هي الفشل برده وأنا ليا صديق جرب واحد أجنبي متخصص في الموضوع ده ومشهور جدا لكن بعد ما عمله الحساب واشتغل يومين فوجئ إنهم قفلوه برده والراجل رد عليه قاله إن الحسابات المصرية صعبة جدا ورجعله فلوسه وكان مبلغ مش قليل تقريبا 25 دولار !
حاول تخليك على المستضاف وتعمل مدونات بلوجر يا إما لو عندك موقع كويس ممكن يجيب أرباح كويسة تشوف حد ثقة عنده حساب أدسنس شغال وتشاركه في الربح يا إما لو ليك حد قريبك في بلد غير مصر خاصة لو بلد أجنبي خليه يعمل حساب من هناك ويعطيك الأكواد ويروح يستلملك الأرباح كل شهر وتديه نسبة منها مثلا بس يكون مقيم بصفة شبه دائمة في البلد دي علشان لو سابها مش هتستفيد من الحساب تاني