الموضوع: المستهلك المصري عايز ايه ؟ موضوع للمناقشة

اعتقد ان معظمنا وخاصة الشباب لو حصل ده برضه هيجري ورا العربيات الكبيرة لانها معدتش بتمثله مجرد آله تستخدم للحاجه اصبحت بتمثل برستيج وسط الناس وده يمكن لسبب اتجاهنا للفكر المادي المغلوط اللي بنسميها ( المنظره ) اللي شاع ف مجتمعنا ف الفنره الاخيرة فزيها زي المثل اللي بيقول ( معاك قرش تساوي قرش )

علي فكرة أنا معايا عربيتين كبيرة و صغيرة و باشعر بالمتعة فعلا أكثر في العربية الصغيرة
جري و شد و غرز و حركات و بأفوت من خرم الابرة زي مابيقولوا لكن العربية الكبيرة لما بأركبها بأحس بأني متكتف و خايف عليها مع أن المفروض أنها أكثر أمانا و ثباتا

أعتقد لو فيه عربية صغيرة متوافر بها الحد الادني من وسائل الامان هأشتريها و أستغني عن العربية الكبيرة لأني شايف أن فرق السعر أنا و أسرتي أولي به و في الاخر العربية انا بأروح بيها مشاوير مهمة و قصيرة في الاخر

أما بالنسبة للسفر الذي هو طبيعة عملي فمن الممكن أن أطلب تأجير عربية تناسب السفر و ياريت تكون بسواق أما لو هأسافر مع أسرتي في أجازة و ده طبعا مابيحصلش لأني مش عارف اخد اجازات ممكن أستأجر برضه عربية كويسة لمدة كام يوم ده لو عربيتي الصغيرة مش هاتقدر تشيل الشنط

أعتقد ده التفكير العملي الاوقع بعيد عن المنظرة و حب الظهور لكن مايمنع تنفيذ تلك الفكرة أن العربية الصغيرة النهاردة سعرها يكاد يكون أغلي من سعر عربية كبيرة مستعملة بحالة جيدة

المشاركة الأصلية كتبت بواسطة mohammedabdallh

طبعا يا هندسه عربيه كبير ه وتكون قويه
يعنى مثلا
bmw الفئه الخامسه
جوه او بره البلد
بس ربنا يبعت

لا لا لا
العربيات دي مضرة بالجيب هههههههههههه

المشاركة الأصلية كتبت بواسطة mohammedabdallh

هيا اه مضره بس
هى دى الى تتركب
قوه وامكانيات اوبشن
حمايه كل الى انت عاوه
مش احنا بنفرح لما بنلاقى عربيه فيها فرامل abs وايرباج للسواق و تكييف وباور
احنا التوكيلات الى هنا مفهمنا الرفاهيه غلط على فكره
كفايه ولا اكمل

ياباش كمل براحتك أنا معاك قلبا و قالبا , بس خلي بالك أن حتي التوكيلات الاوروبية بما فيها البي أم هنا في مصر برضه بيشتغلوا الزبون و كل علي قد جيبه

يعني أشتغالة توكيل هيونداي بتاع الناس الغلابة غير اشتغالة بي أم بتاع الصفوة

كلهم ياعزيزي لصوص