وهو ده المنطقي فعلا. بس عامة من ردود الناس وطريقة كلامها في بوست الجروب حاجه محبطه بجد
فعلا الفاشل عاوز يخلي كل الناس فاشلين زيه ومايبقاش في حد مبدع
عرض للطباعة
انا مشفتش ردود محبطه
الكل تقريبا اتكلم في نفس النقاط
* بدون تنظيم عربيه زي دي هتبقي خطر علي الطرق السريعه
* كونها 2 راكب ده ميزه و عيب في نفس الوقت
* الخوف ان كترتها يؤدي الي زياده مشاكل الطرق من زحمه و خلافه
* الاهم من المشروع ده تحسين وسائل المواصلات
و اعتقد اننا متفقين مع كل النقط دي
اللي محدش جاب سيرته هو اللي احنا بتكلم عليه هنا في الموضوع ده
هل فكره زي دي هتلاقي اقبال بين الناس و هتبقي مجزيه تسويقيا ؟
هل ممكن ناس تستغني عن عربياتها الاكبر و يستخدموا عربيات زي دي علي الاقل وسط البلد ؟
ده مربط الفرس
كلامك صح جدا اما بخصوص اخر نقطتين هي دي الي انا اخدت بالي منها من بعض الردود المحبطه زي الي مستكترين المبلغ ده على عربيه عمليه زي دي. وفي الي فضّل 128 عليها !!!! مش فاهم بيفكروا ازاي.
انا عن نفسي هتنفعني جدا في المشاوير الصغيره في التجمع خاصة ان الطرق فاضيه وهتوفرلي في البنزين.
انا عندي اضافه على العربيه دي انها تبقى موتور كهربا لتقليل العوادم في وسط البلد. بس الاهم من ده كله هو توفير الدعم من الحكومه !
هوة بصراحة محدش يهوب جنب الضرائب دلوقتى ولا حتى 10 سنين *مش ناقصين زحمة اكتر من اللى احنا فية دلوقتى* لغاية لما يصلحوا البنية التحتية الأول ..
وبعد كدة أن ربنا احيينا نبقى نتكلم فى انهى احسن ؟!
:grinder:
طب ما تمنع اي عربيه عدى على انتاجها 20 سنه انها تمشي في الشارع وتمنع استيراد العربيات سيئة الجوده والصيني. هتلاقي نفس عدد العربيات الي في الشارع بس عربيات احدث ومش هتلاقي الزحمه الي بسبب اعطال العربيات القديمه. وتقلل نسبة التلوث. من حق الناس تركب عربيات كويسه -_-
بلاش كلمة صينى لحسن بتوع قسم الصينى يجيوا يمسكوا فينا وتلاقــى بتوع الاوروبى يقولك الكورى و الصينى اى *ماهما واحد* !
نرجع لكلامنا .. كلام منطقى بس فى الأحلام *وصعب تنفيذة على ارض الواقع* أنا كل كلامى على العربيات الملاكـــى وطبعا لو عملت احلال وتم تعويض اصحاب العربيات بمبالغ هزيلة *كحد اقصى 5000 جنية* محدش هيرضى يبيع اصلا !
مش فاكر اني شفت حد مستكتر سعر العربيه
هي اصلا رخيصه بزياده في راي
و الاخ اللي فضل ال 128 اعتقد كان بيتكلم عن كونها اكتر امانا علي الدائري و المحور
و انا كمان علي استعداد اجيب واحده للمشاوير الصغيره و الكبيره كمان في حال توفر الامان
و فكره انها تكون كهرباء فكره حلوه طبعا
بس هتغلي سعرها و انت معندك البنيه التحتيه لمحطات شحن سريعه
غالبا في بوست وفي شير ليه عشان كده التعليقات مختلفه.
انا ضد انه يقارن العربيه الاقتصاديه دي بال128 الي صلاحيتها انتهت من زمان. اعطالها كتير وموقفه الشوارع.
احنا اساسا عندنا مشكله في الكهربا في البيوت هو كان مجرد اقتراح. طب ما يعملوها hybrid ؟ انا ماعنديش خلفيه التكنولوجي بتاع الهايبرد مكلف ولا ﻷ. كلها اقتراحات
لانى شاب والى حد ما مابعرفش امسك نفسى على الطرق السريعة فهاختار الالنترا لامانها وثباتها على السرعات العالية بالمقارنة بال i10