كنت عاوز اعرف اسباب نقص ميه البطاريه السايله؟

**samihanwar** · 24-09-2013 08:18 PM

كنت عاوز اعرف اسباب نقص ميه البطاريه السايله؟
ولكم جزيل الشكر

**eng.salama93** · 24-09-2013 08:48 PM

لو البطارية مش مخرومة او مشروخة ... يبقي الميه بتتبخر من الحرارة و التفاعلات

**Samir Elshahawy** · 24-09-2013 08:51 PM

أخي الفاضل ..

بداية اود أن أوضح لك شكل و مكونات البطارية السائلة و شرح طريقة عملها :

زي ما حضرتك شايف البطارية عبارة عن مجموعة من الواح الرصاص (القطب الموجب) و صفائح أخري تمثل القطب السالب و جميع تلك الصفائح مغمورة في السائل (سائل حمضي) يساعد علي توصيل التيار الكهربي

نتيجة للتفاعل الكيميائي الحادث بين الاقطاب و السائل الحمضي يحدث توليد للتيار الكهربي الذي يخرج من خلال الاقطاب بالاعلي لأستغلاله في الانارة أو أدارة المارش او اي استخدامات أخري

مع مرور الوقت و نتيجة للشحن للبطارية عن طريق الدينامو تنتج حرارة تؤدي لتبخير جزء من السائل فينتج عن هذا البخر و خروجه من خلال فتحات التهوية بالغطاء أو من خلال خرطوم التهوية نقص لمستوي السائل يستدعي تزويده كل فترة

طيب لو السائل ده نقص ايه اللي ممكن يحصل ؟
في حالة نقص السائل عن الحد الادني ستصبح الالواح (الاقطاب) معرضة جزئيا للهواء و بالتالي ستكون أكثر عرضة للتأكل و أنتهاء صلاحيتها كما أن مستوي التركيز (الحموضة) سيرتفع مما يكون أكثر ضررا علي الجزء المغمور من الالواح

أجراءات لصيانة البطارية السائلة :
1- الكشف علي مستوي السائل من خلال علامات قياس المستوي بشكل دوري
2- في حالة نقص السائل يجب تزويده بمياه مقطرة
3- قياس مستوي شحن البطارية بشكل دوري
4- قياس مستوي الحموضة للسائل و ذلك لزيادة تركيز السائل أو تخفيفه

**samihanwar** · 24-09-2013 10:01 PM

شكرا جزيلا للرد
طيب لو زودتها ميه من الحنفيه ايه اللى هيجرى؟

**eng.salama93** · 24-09-2013 10:16 PM

لأ دي مينفعش تتزود من ميه الحنفيه .. لأن البطارية دي مش للتبريد زي الردياتير بتاع العربية
دي بيبقي فيها تفاعلات
فا الأحسن تخلي بتاع البطاريات يزودهالك من عنده

**dr.hazem** · 24-09-2013 10:29 PM

المشاركة الأصلية كتبت بواسطة eng.salama93

لأ دي مينفعش تتزود من ميه الحنفيه .. لأن البطارية دي مش للتبريد زي الردياتير بتاع العربية
دي بيبقي فيها تفاعلات
فا الأحسن تخلي بتاع البطاريات يزودهالك من عنده

وهو مية الحنفيه تنفع للراديتير اصلا؟؟؟؟؟؟؟؟؟؟؟؟؟

الميه من الحنفيه فيها املاح والاملاح هتغير من التفاعلالكيميائي المولد للكهربا...

بينما الميه اللي بتتضاف بتكون مقطره خاليه من الاملاح....

الراديتير او غيره مينفعش يتحط فيه مية حنفيه واللي يعمل كده يقرا على عربيته السلام....

تحياتي

**dr.hazem** · 24-09-2013 10:40 PM

المشاركة الأصلية كتبت بواسطة eng.salama93

انا عارف ان ميه الحنفيه متنفعش للردياتير أصلا :m_yes[1]: بس ناس كتير أوووووي بيحطوها :d
انا بس كنت بديله مثال

وان تطع اكثر من في الارض يضلوك عن سبيل الله....

**Samir Elshahawy** · 24-09-2013 11:23 PM

المشاركة الأصلية كتبت بواسطة eng.salama93

مش فاهم .. ايه العلاقة بين الموضوعين !

ههههههههههههههه
دكتور حازم يقصد أن فيه حاجات كتير بنعملها لأن الناس بتعمل كده حتي لو كان ده غلط أو مالوش أساس زي أن واحد يشتري عربية جديدة و الناس تنصحه بعدم تشغيل التكييف في فترة التليين
أو مقولة أن العربية اللي راشة ينزل سعرها

أما بالنسبة للبطارية السائلة فيجب تزويدها عند نقص مستوي المياه بها بمياه مقطرة أو حامض علي حسب قياس مستوي الحموضة بها و ده المفروض الراجل بتاع البطاريات بيعمله