الموضوع: استاذنا الكريم inspiration

المشاركة الأصلية كتبت بواسطة hanipal

اخوك عضو جديد المنتدى واشكر كل واحد فيكم على كل معلومة قريتها واستفدت منها .
بشكر inspiration وكمان unisman وحتى a.adel .
الاستاذ الكريم inspiration . كلامك خلاني اروح لفرعي الوكيل ارتوك في القطامية و المقطم
مواصفات التوكيل مش زي ماحضرتك معتقد ، المواصفات للفئة الاولى والتانية فعلا زي ما الاستاذ unisman زكرها بالحرف.
مافيش بارك اسيست في الفئة الاعلى
ومافيش سقف بانوراما ، دا هوا سقف عادي جدا،
مافيش شاشة كولمباس ونافيجاشن وهيه شاشة بوليرو واحدة تماما في الفئتين
الفرش الجلد في الفئة الاعلى مش جلد تماما ولكن في القلب جلد مقلوب شبيه بالشمواه وعلى فكره مافيش فئة تالتة هتنزل دلوقتي ، والفئة التالتة دي هتكون زيادة عن الاولى بالزينون وحاجة كمان مدير المبيعات رفض يحددهالي تحديدا وهتبقى في حدود 240 حسب كلامه،
والباقي زي ماحضرتك قريت في مشاركة unisman وانا مش بقول الكلام ده لا سمح الله عشان انتقدك ، لا والله ده انا بنقلك المعلومة زي ماشفتها بعيني من غير ما اتصل بحد او اكتفي بنقل معلومة
وكمان للمصداقية الاخ مدير المبيعات فرع المقطم اسمه الاستاذ حسام ورقم تليفونه 01001505458 بأرجوك تتصل بيه وافضل انك تروحله صالة عرض ارتوك اللي في المقطم بنفسك يكون احسن، وهوا راجل ذوق وفاهم جدا، وماتخدش كلامي ثقة الا لما تروحله،
الاخ unisman الكريم، كلام استاذ inpiration كله مظبوط ...ازاي!!!!!
العربيه اللي سمع بيها الاستاذ inspiration هيه الخليجي مش الوكيل ، وهيه فعلا جلد بالكامل وكمان زينون وبارك اسيست او بارك امامي وخلفي حسب المستورد ، وكمان بعض المستوردين هينزلوها بالافيجيشن كولامبس زي عادل اوتو .بس لسه بعد شهر حسب كلامهم. وده تليفون معرض عادل اوتو المهندسين 33476861
انا بعت عربيتي الفانتازيا وقلت خلاص هجيب الوكيل الجديدة بس في اخر لحظة تراجعت لما سمعت المواصفات الهايلة بتاعت الخليجي. عشان كده انا برجو الاستاذ inpiration انه يدلني على معرض اوتو شيد المعادي لانو صدقني انا رحت مخصوص النهاردة وكنت ناوي اخلص فيها لو لاقيتها بس للاسف معرفتش اوصل للمعرض ولا عندي تليفون حضرتك عشان اكلمك.
ياريت تليفونهم والعنوان ربنا يخليك.

السلام عليكم .. انا بشكر حضرتك جداً علي كل كلمة قولتها وبينت للناس كلها الواقع وقطعت الشك باليقين..وأحمد الله إن مطلعتش مضلل بالنسبة لمواصفات الخليجي اللي شوفتها.لأن أنا كنت هتجنن.كل اللي شوفته بعيني الناس بتقول عليه مش موجود !!! بس ربنا جعلك سبب لاستبيان الأمر.
وبالمناسبة أنا مروحتش شوفت العربية اللي في التوكيل أصلاً.والكلام اللي قولته علي مواصفات الوكيل ( اللي هي طلعت خليجي ) كان من بُق صاحب معرض برادايس اللي في العمرانية.ربنا يسامحه بقا..بالنسبة لأوتو شيد للأسف روحت النهاردة وأنا راجع من الشغل لقيت العربية اتباعت.وكنت رايح عشان أعمل عنها تقرير.ومندوب البيع اللي هناك دلني علي مكانين قالي هتلاقي العربية فيهم هاي لاين خليجي.عادل جودة في شارع أحمد عرابي بعد جامعة الدول..ومعرض تاني مش متذكر اسمه موجود في آخر شارع جامعة الدول وانت رايح علي العجوزة.هعرف لحضرتك اسمه بكرة ان شاء الله.

أنا اللي يهمني في الرد علي حضرتك بعيداً عن العربية.اوعي تفتكر اني أزعل منك لأسلوبك المحترم في النقاش.حتي لو كان علي سبيل الإنتقاد..لأن أنا راجل بقبل النقد طول ما فيه إحترام متبادل.بل بالعكس أنا بشكرك إنك تعبت نفسك ومستنتش حد هنا في القسم يعمل المشوار اللي عملته.وجيبت المفيد..بس كنت أتمني كمان لو قدرت تجمع أي معلومات عن الفتيس.إن شاء الله أنا هسعي بردو..الله المستعان.

المشاركة الأصلية كتبت بواسطة hanipal

عادل جودة ده هوا نفسه اوتو عادل اللي كتبت نمرته لحضرتك . للاسف كلمتهم قالولي لسه قدامها شهر كمان.
بصراحة المواصفة الخليجي اديت للعربية مكانتها اللي نستحقها عكس ارتوك وبخلهم.
وكمان المغري ان الخليجي حسب كلام التاجر نازله مالتي لينك. لو كلامه طلع صح تبقى فعلا احسن عربيه في فئتها في السوق المصري بدون منافس

كنت لسه هسأل حضرتك علي العفشة..لو الكلام ده صحيح..يبقي باي باي أي عربية في الفئة دي قصاد a7 بالمواصفات دي.

المشاركة الأصلية كتبت بواسطة zangry

المشكلة ان الخليجي ملهاش ضمان يعني لو الفتيس حصل فيه مشكلة وده وارد جداا هتتكلف كتير

بالك لو اتأكد موضوع حل المشكلة دي...دي تبقي عربية الموسم