رحلتا العتب والـdvd للتيجو (معلومات واشتغالات)

**ecybrarian** · 24-09-2013 08:38 PM

يوميات محدث تيجو :) الجزء الأول
=====
رحلة العتب (: إللي مش على النظر وإنما تحت الأبواب :)

ارابكوم ما عندهمش حاجة للتيجو كما قال البياع إللي رد علي في التليفون. علي رضا ما عرفتش اجيب تليفونه اصلا.. قمت نازل ممشي رجلي في شامبليون وضارب كشري من عند ابو طارق بالمرة..
في شامبليون، الوضع بالنسبة للعتب كالآتي:
عتب مبطط على ماسورة نيكل 750 (بص عليها راكبها في اي عربية في الشارع هاتلاقيها معوجة ومضعضعة)
عتب مبطط الومنيوم 650
انا شايف إن الالومنيوم احسن علشان بيقبى جزء من جسم العربية زي الأصلي.. بس النيكل اتقل الصراحة.. هايقولوا لك مستورد والاصلي بتاعها وكدا، بس كل دي اشتغالات.. اغلبها تصنيع محلي بس شغال.. والعتب بيجي طويل وبيتقص حسب العربية.
====

رحلة الـdvd
جائت لي فكرة.. إذا كان dvd بيخرج ضفيرة الكاسيت والسماعات من الضمان.. واحيانا بيخرج كهربة العربية كلها من الضمان... يبقى ليه ما نركبش المخادع ونوصل لها كهربة من فيشة ولاعة من غير ما نقص ولا نلحم!!!؟؟؟ ونستغل إن المخادع بترسل الصوت على موجة fm وخلاص..المهم قلت اجس نبض السوق

قمت مكلم كلاريون إيجيبت.. قالوا لي المخادع بأكتر من الف جنيه ومايعرفوش موضوع فيشة الولاعة دي من اصله :(
قمت مكلم سبير كار.. قالوا المخدعين بألف (تقريبا) بس فلاشة فقط ومافيهموش dvd..والسعر بالتركيب وبيعملوا موضوع فيشة الولاعة دي.. قشطة مش كدا؟؟؟!!! لأ اصبروا لما اقول لكم على الكبيرة بقى :)

كلمت فيديو باص ايجيبت اللي بيصنعوا ويركبوا ويصينوا (من صيانة) الكاسيت والسماعات في تيجو... قالوا لي حاجة غريبة جدا!!!! قالوا لي إن الكاسيت بتاع العربية اصلا dvd وممكن نركب مونيتور (عرض فقط) مخادع الراس من عندهم بـ850 جنيه والضمان محفوظ ومايخرجش العربية برة الضمان.. بس ماعندهمش فيزا ولا بيشتغلوا الجمعة :(

انا اول مرة اعرف إن الكاسيت اصلا dvd!!!!! ودي معلومة جديدة على العبد لله.. حد عارف بقى انواع الملفات إللي بيشغلها وهل بيشغل ملفات فيديو من الفلاشة ولا لع؟!!!!!!!!!!!!!!!!!

==
طبعا الكلام مش على الكاسيت الكلاريون وإنما المكتوب عليه علامة اسبرانزا بتاع الموديلات الجديدة

**abou-yahia** · 24-09-2013 09:31 PM

بتوع فيديوباص محترمين
كون ان الجهاز dvd يبقه حيشغل ان شاء الله
divx , avi, mp3, wav
تقريبا الامتدادات المعروفه
لو فيه فلاشه المفروض يدعمها برضك
لو مكانك اقايس واركب جهاز فيه gps وهرائط ويكون android
ولما يحصل حاجه ابقه افكه واروح بالقديم
حتضيع متعه استمتاعك بالعربيه عشان احتمالات
خصوصا انه مبيكنش فيه قطع في الفيش
تحياتي

**hamaka** · 24-09-2013 10:36 PM

المشاركة الأصلية كتبت بواسطة ecybrarian

بكاااام؟؟؟ انا خلصت خااالص.. الجهاز اللي بتتكلم عليه يعمل بتاع 3000 وشوية

هو غالى فحت فعلاً ، بس جو تانى خالص بصراحة ، بيقلب شكل الصالون تماماً و فيه وظائف كتير مفيدة خصوصاً ال GPS بس حكاية ان فى منه Android دى اللى جديدة ، أنا معلوماتى انه سوفت وير صينى ، لو Android فعلاً هتوكل على الله و أجيبه وش ، يا ريت لو حد متأكد من المعلومة دى يقوللى....

**ecybrarian** · 24-09-2013 10:48 PM

في فعلا اندرويد.. انا شفته عند واحد في الماظة... انا للأسف شطبت.. ممكن بعدين.. ربنا يبعت

**mahmoud_afifi** · 24-09-2013 11:58 PM

بلاش الاندرويد. اولا غالي
تانيا بيهنج ومش هتحس انه اندرويد بجد. هتحسه زي الموبايلات الصيني

**M I D O** · 25-09-2013 12:07 AM

احلي حاجة عملتها طبق الكشري بتاع ابو طارق :d
حلو اوي حوار ان الكاسيت dvd دة ومعني كدة انة ممكن يقرأ الملفات الفيديو بس يشغلهالك صوت بس ولو ركبت فعلا شاشة عرض هيشغلك صوت وصورة وتبقي زي الفل

**hugan** · 25-09-2013 01:44 AM

العتب والديفيندرات انا مركبها في شارع دمشق
نوعيه عاليه الجوده نيكل لايصدا ومحمله
مستورد فعلا مش مصري
العتب ممكن يستحمل وزن انسان
الطقم كله 2000 جنيه
العتب بالذات ماسوره نيكل 4 بوصه بدواسات كاوتس
مسدوده من الاطرااف ما فيهاش بلاستيك زي البعض
مثال عتب الماتريكس اخر الماسوره قطعه بلاستيك
ولا تشفع ولا تنفع
انما اللي بقولك عليه
سد نيكل من الاطراف هو والعتب قطعه واحده

اما بخصوص محل علي رضا
اسعاره خزعبيليه
االعتب والديفيندر بيعمل 4000 جنيه

-

-

الموضوع: رحلتا العتب والـdvd للتيجو (معلومات واشتغالات)

LinkBack

أدوات الموضوع

عرض

رحلتا العتب والـdvd للتيجو (معلومات واشتغالات) - انشر الموضوع فى :

-

-

-

-

المواضيع المتشابهه

ما اجمل لون للتيجو

تغيير علبة الشكمان واشتغالات الصنايعية.

أفضل لون للتيجو هو ... !!

صور جديده للتيجو

اتفضلوا صور للتيجو

الكلمات الدلالية لهذا الموضوع

المفضلات

المفضلات

ضوابط المشاركة