الموضوع: رائحـــــــــــة عفنــــــة !

المشاركة الأصلية كتبت بواسطة Haitham Basha

حصلت معايا قبل كده كنت راكن العربية إسبوع لأني كنت مسافر و لما رجعت جيت أفتح الباب لقييييييييت ريحة ما قلكش لدرجة إن عيني دمعت طلعت على وطنية و انا مش طايق نفسي لدرجة إن الراجل هناك قالي إيه يا باشا إيه الريحة ................... دي قلتلو مش عارف أنا جاي على شان كده المهم قلبنا الدنيا و رفعنا العربية لقينا عرسه ميته في حوض الماتور مستخبيه فمش باينة خالص غير لما رفعنا العربية و بعد الغسيل و رش معطرات و بلاوي الريحة خفت بس فضلت مأثرة حوالي 4 تيام كمان كانت حاجة بجد أعوذ بالله ربنا ما يعدها ... حبيب قلبي إنت مش لوحدك في كتير شافو المرار الطافح ده ...

طب على الأقل لقيت الجثة !؟
ربك يسترها ومحدش يتعك فيها بعد كدة على قد مأنها بسيطة بس رهيبـــــــــــــــــــــ ــة !

المشاركة الأصلية كتبت بواسطة khaabas

هع هع سيبك انتا يا كبير مفيش احلى من شوب فيرى بالبرتقان على العصرية :)

وعالفكرة نسيت اقول حاجة عنوان الموضوع جامد قوى قبل ما ادخل على الموضوع شميت رائحة عفنة هع هع
اهو ده التأثير السيكولوجى فى اللاوعى مما يؤثر على الاعصاب القابضة لفتحة المنخار :)

ومبروك على نضافة العربية :p

خـــــــالد باشا .. حمدلله على سلامتك ياراجل طيب ..
اخدت بالك أنت من برتقــــان دة اهم حاجة وبينعنش العربيـــــــة .
واى رأيك فى العنوان علشان تعيشـــوا الجو معايـــــــا
الله يبارك فيك ياباشا .

المشاركة الأصلية كتبت بواسطة mahmoud_afifi

تلاقي حد بيحبك حطلك ريحة معفنه في العربيه. انت اصلك حبايبك كتير ههههههه

يلا نعيماً لفلة. كنت تاخدلك شاور انت وهي يا بنش

صحيح نسيت اقولك صحيح.. حلوه حركة الاستيكر الاسود الي على الاكصدام الي قدام (y)

حبيبى احودة
كوويس أنك مركز دوت كوم .. اهوووة شوية حركات اهوة بس نطقت العربية ادعيلى بقى ربنا يكرم واجيب الجنوط ..

المشاركة الأصلية كتبت بواسطة lanos2004

ما هو لو حضرتك بتغسل عربيتك فى البنزينه مرة كل شهر على الاقل مكنش الريحه دى جات فيها
انما هنقول ايه فى الاهمال ---واخد بالك الاهمال

ماليك عليا حلفان يابو حميد كل اسبوع مرتين *بنزينة* دة غير البواب كل يوم بفوطة زفرة !
ممكن على اخر السنادى الاقى بويــــــــة العربية كلها وقعت من كتر الغسيل .

المشاركة الأصلية كتبت بواسطة mahmoud_afifi

واحده واحده هتخليها fully loaded ان شاء الله :D



الفوطه الزفره هتدمرلك البويه -_-

يامســــــهل الحال يارب
ربنا يستر ياعم وبلاش تفويل علينا !
أنا فاكر حد قالى هات فوطة من اون ذا ران بتلمع كويس بس كل ماسئل عليها مش لاقيها .

المشاركة الأصلية كتبت بواسطة bassam92

بيتكلف كام الغسيل فى البنزينة ( غسيل داخلى وخارجى ),,,,,,,

*داخليا* بالهوفر وبعد كدة مسح الكراسى والكنبة بسائل ملمع + غسل الدواسات *5 قطع* + تنضيف الدواسات شمواه *5 قطع* وتنضيف الشنطة و *خارجيا* غسيل فقط = 25 جنية .

رفع وغسل الشاسية *جاز ومية* = 10 جنية .
وطبعا التيبس *بمزاجك* بس الصراحة أنا بظبطهم لدرجة 4 افراد بيكونوا شغالين فى العربية .

المشاركة الأصلية كتبت بواسطة S O P H O S

يعني لازم موضوع حاجة ميتة فالعربية وغسيل
علشان تظهر يا باشا هههههه
عامل ايه يا غالي

ماهوة استحالة تكون العربية عندها غـــازات !
حظكوا معايا كدة *حقك عليا*
فى نعمة الحمدلله واخبارك اى ياباشــــا وسلامى لعمدة تويوتا .