الموضوع: تسونامي كوري يضرب الطريق الدائري منذ لحظات (الانتفاضة)

بعد اذنكم يا جماعة ..
انتوا عارفين ؟...
اولا اى حاجة اى حد فينا بيعملها بتبقى بناء على الظروف
انا حاليا (الحمد لله) متزوج وربنا كرمني ببنت
لما كنت عازب كنت بجيب بعربيني (اكسنت 99) 160 :180 وولا كانت فارقة
بعد ما ربنا كرمني واتجوزت ومراتى من النوع اللى مش بيخاف بقى الماكس بالنسبة لى 140 وكانت بحساب
بعد ما ربنا كرمني بالبيبي بقى اخرى 100 :110
ولو عديتها والاقى صفارة الامان بتزن برجع تانى لاقل من 100 (الكلام دا وانا لوحدى كمان)
انا شغلى ف منطقة دهشور (طريق الفيوم / القاهرة )
بيتي ف مدينة الشروق المسافة المقطوعة يوميا حوالى 200 كم
وكل ما اشوف حد بيجري جنبي (واوقات بيخضني لانه بيبقى لازق فيا جدااااا) بيبقى هين عليا امسك طبنجة واضربه بالنار ..انا اسف ف التعبير
بس للأسف احنا عايشين ف مصر حيث عدم ااحترام القوانين بالمرة ...بالمـــــــــــــرة
ولما الاقى عربية نقل بمقطورة ماشية جنبي وبتعدى وانا اساسا ماشي 100 :110 بقى اعمل ايه ؟
سواق النقل او اللى عايز يشد ما يفرقش معايا نظريا لكن عمليا طبعا دا بني ادم ودي روح ولكن انا ماليش دعوة انا ماشي سرعة الطريق ورابط حزام الامان ومقتنع بفكرة انى مش هتفرق معايا 10 :15 د فرق بس ارجع لبيتي ومراتى وبنتي سليم لانهم محتاجينني او ارجع بيهم لانهم مسؤلين منى
انا ايه زنبي واحد شايف نفسه بعربيته ومدي للدنيا طناش

الزميل الفاضل صاجب الموضوع والله انا لا اقصد حضرتك ابدا ابدا ابدااااااااااااااااااااا
وعارف ان حضرتك محترم جدا ولكن ....
لو سيبت نفسك تعمل كده يبقى مانعيبش على سواق النقل اللى بيطير (واكيد كلنا شدينا بعربياتنا وكلنا برده شتمنا ف عربيات بتشد جنبنا او عربية نقل طـــــــايرة من جنبنا)
خلاصة الموضوع واسف عالاطالة
(لا يغير الله ما بقوم حتى يغيروا ما بأنفسهم)
انا شخصيا مقتنع بكده تماما
ممكن مابقاش مشغل التكييف ف الحر وواقف ف زحمة وبرده لابس الحزام ويعدي واحد من جنبي لسان حاله بيسخر منى
بس بحاول اغير من السلوكيات اللى ف المجتمع ....وببدأ بنفسي

المشاركة الأصلية كتبت بواسطة samir elshahawy

أخي الفاضل ..

لك كل تقديري و أحترامي و تحياتي , و لك ألف حق طبعا و انا متفق معاك في كل كلمة و كل حرف كتبته

و لكن صدقني ..
- أنا لما بأجري بيكون بحساب و بدون أن أسبب أذي لحد و بأتجنب تماما أني ألزق في أي عربية أو أعدي بسرعة من جنب أي عربية و لازم أسيب حارة أو 2 كمان بيني و بينه و لو أضطرتني الظروف أني أعدي بالقرب منه لازم ادي تحذير قبلها بالكلاكس و النور و الاشارات و أبدأ في تخفيف السرعة تحسبا لأي طارئ
- الهدف من الجري (لما باجري) بيكون هو قياس حالة العربية خاصة قبل أو بعد مواعيد الصيانة الدورية للوقوف علي حالتها و ماتحتاجه

أتمني أن أعيش و أشوف اليوم اللي الكل فيه ملتزم بالسرعة و ملتزم بالحارة بدل مابنضطر نمشي زجزاج و نفادي السيارات البطيئة اللي ماشية في أقصي يسار الطريق و السيارات اللي ماشية عكسي في يمين الطريق و السيارات اللي بتتوقف فجأة في منتصف الطريق

والله يا باشا والله والله والله من هنا لبكره انت كده فهمت كلامى غلط
انا ماقصدكش انت خالص من ناحية ومن ناحية تانية استأذنك ارد عليك بالمنطق وبجزء من القدر
كلنا وانا واحد من الناس بنشوف (ربنا يستر طريقنا يارب) حوادث جسيمة وبعضنا للأسف وانا منهم فقدت من الاصدقاء ربنا يرحم الجميع ومنهم من كان مشهود له بالسرعة ومنهم من كان قدره وعمره قد انتهيا
انا نفسي والله نفسي يعملوا طرق للناس وتمششي 200 و 240 كمان
بس للاسف الحذر لا يمنع القدر من ناحية ومن ناحية تانية لازم ناخد بالاسباب انا بمشي على طريق مصر / السويس اللى لسه معمول وبلاقي فيه مطبات هوا وكسور ف الرصيف رهيييييييييييبة
لو القدر بياخد نسبة 100%
الطريق 90 % و السواق 10 %
والله يا كبير برده بتيجي عليا اوقات بشتاق انى اجري (اكسر ال 120 )
ربنا يستر طريق حضرتك وطريقنا
وشرفت بالتحدث مع شخص محترم زي حضرتك يا فندم :)
وتانى والله انا ماقصدكش انت
الواحد بيشوف ناس (تمامه برشام ) وطـــــــاير
:)

أتمني أن أعيش و أشوف اليوم اللي الكل فيه ملتزم بالسرعة و ملتزم بالحارة بدل مابنضطر نمشي زجزاج و نفادي السيارات البطيئة اللي ماشية في أقصي يسار الطريق و السيارات اللي ماشية عكسي في يمين الطريق و السيارات اللي بتتوقف فجأة في منتصف الطريق

انا اسف بس نسيت ( اعترف في اعتراف ) :)
اصلي بمشي رخامة على الناس اللي بتجري (اوقات) في الشمال
هو مش اوقات هو على طول
على طول بمشي ف الشمال على طريق السويس
بس ببقى جايب من 90 : 100 ودي سرعة الطريق
وبيجي ناس تعد تكلكس وتزمر واوقات تزمزأ
بس انا بدي اشارة شمال واللى عاوز يجري يعدى من اليمين (هو اللى مش ملتزم مش انا ) :p
بس دا لان سرعة الطريق كدا
لكن مثلا كنت رايح اليكس صدة ردة كده
عارف ان الطريق 120
كنت ماشي ف النص والله :)

المشاركة الأصلية كتبت بواسطة momo100010

انا اسف بس نسيت ( اعترف في اعتراف ) :)
اصلي بمشي رخامة على الناس اللي بتجري (اوقات) في الشمال
هو مش اوقات هو على طول
على طول بمشي ف الشمال على طريق السويس
بس ببقى جايب من 90 : 100 ودي سرعة الطريق
وبيجي ناس تعد تكلكس وتزمر واوقات تزمزأ
بس انا بدي اشارة شمال واللى عاوز يجري يعدى من اليمين (هو اللى مش ملتزم مش انا ) :p
بس دا لان سرعة الطريق كدا
لكن مثلا كنت رايح اليكس صدة ردة كده
عارف ان الطريق 120
كنت ماشي ف النص والله :)

أهو ده غلط يا فاندم و مخالف لقواعد المرور الشمال للتخطي مش حارة نمشي فيها بسرعة الطريق

المشاركة الأصلية كتبت بواسطة hossam99

أهو ده غلط يا فاندم و مخالف لقواعد المرور الشمال للتخطي مش حارة نمشي فيها بسرعة الطريق

ازاى ؟
ماهو سرعة التخطي هي سرعة الطريق
انا اول مرة اعرف كده والله
بس لو غلط انا همشي ف النص على طول
لكن الشمال اه للتخطي ولكن مع الالتزام بالسرعة المقررة للطريق ولا ايه يا باشا :(