الموضوع: تسونامي كوري يضرب الطريق الدائري منذ لحظات (الانتفاضة)

المشاركة الأصلية كتبت بواسطة motor head

كلام جميل مأدرش اقول حاجه عنه

انا حاسس ان حضرتك تنفع مخرج ممتاز و لا اجمل فيلم مطاردات شوفته هههههه

ربنا يحفظك

و الله نفسى كل الناس تشد على الطريق زيك

مش واحد يلاقيك طالع منه يقوم متشقلب ادامك عشان يخبطك فى اى حاجه

و متخليش اى حاجه فى نفسك يا باشمهندس احكى كل حاجه :)

الله يخليك بس صدقني مابقاش لي نفس للجري زي الاول خاصة في الكام سفرية الي فاتوا بتوع أسكندرية

- أول سفرية و أنا راجع بالليل و شوفت عربية كيا - سيفيا كان جنبي بالظبط و دخل في مقطورة كانت قاطعة الطريق و مش باينة في الظلمة و الراجل مالحقش يفرمل
طبعا انا وقفت و رجعت علشان أطمئن عليه و الحمد لله هو نزل سليم

يعني لو كنت أنا مكانه و بأجري الجري ده كله الله أعلم أيه اللي ممكن يكون حصل


- السفرية التانية و أنا بأشد مع السوناتا شوفنا ميكروباص السقف بتاعه مفتوح و العربية كأن سكينة قسمتها بالطول من قدام و قصت كل القوائم و النقل اللي دخل فيه من حجم الخبطة أتقلب و المقطورة أتنطرت لجنب الطريق و غرقت الارض كلها رمل و زلط صغير


بتهيألي دي كلها علامات و تحذيرات و رسائل أني أخد بالي و أهدي اللعب شوية
علشان كده من يومها ماشي عدل و مش بأرضي ازود عن ال 120 كم/س و لو جبت 140 يبقي كويس و لازم يكون الطريق فاضي تماما

الحمد لله أنا عندي ثقة في عربيتي و في قدرتي علي التحكم فيها و لكن ...
ماحدش ضامن الظروف و لا اللي ماشيين معاك علي الطريق