تسونامي كوري يضرب الطريق الدائري منذ لحظات (الانتفاضة)
الاخوة و الاخوات الكرام / مالكي و محبي سيارات هيونداي
أسعد الله مسائكم بكل الخير ووقانا ووقاكم من شر الطريق ...
منذ لحظات أضطررت للنزول الي العباسية في مشوار سريع صد رد و بالرغم من أني ممون الألنترا منذ يومين بالظبط ألا أن قراءة الكمبيوتر للاستهلاك بعد قطع مسافة 12 كم كانت 9 لتر / 100 كم و هو معدل لم أعتاد عليه
المهم وصلت العباسية و بدات القراءة تنزل الي 7.9 لتر / 100 كم لكن مع الزحام في الاوتوستراد أرتفعت مرة أخري الي 8.2 لتر / 100 كم كما لاحظت أن العربية مخنوقة شوية من كتر السير داخل القاهرة و عدم السفر لمسافات طويلة منذ فترة طويلة جدا
لذا أثناء العودة قررت أني أشد شوية و احاول أنفضها و فعلا بعد أن طلعت من منطقة الدويقة و بدأت أول الاوتوستراد في أتجاه المعادي أطلقت للألنترا العنان و كانت في البداية فعلا مخنوقة لكن تدريجيا بدأت الاستجابة تتحسن طبعا ظروف الطريق و الزحام و أسلوب قيادة الاخرين غير مساعد فكنت مضطرا في احيان كثيرة لأجراء مناورات صعبة (غرز يعني)
اول مادخلت الدائري كانت السرعة تقارب ال 110 كم/س و وصلت في بعض الاحيان ل 130 كم/س و هنا ظهرت ألنترا أخري (MD ) و كيا سيراتو واضح أنهما فهما الموضوع غلط و حبو يشدوا
قلت ماشي نجرب و هوب عند أمارات مصر - المعادي بدأ الموضوع يتطور و دخلت معانا تويوتا كورولا و اصبحنا أحنا الاربعة طايرين علي الطريق وسط النقل و السيارات الاخري و هنا أنتفضت الالنترا و فاقت و تصدرت المشهد بجدارة
واضح كده أن عربيتي صحتها و صحوتها بتيجي علي الشد :wink14:
المهم دخلنا علي ملف القطامية / السخنة و بدأت أهدي السرعة اللي كانت وصلت لحوالي 130 كم/س و هنا دخلنا في منطقة أختناق مروري و كان امامي بي ام ماقدرتش اميز هي موديل كام لأن كل علاماتها متشالة بس تقريبا من الفئة الثالثة بس صاحبها مركب جنوط و أنوار و ديفيل و حركات المهم بدأت أقلب له نور علشان يطلع و هنا هوب الكورولا و السيراتو و الالنترا التانية طاروا من اليمين و هنا سخنت البي أم و طارت وراهم و أنا وراها
طبعا الي أم عدت منهم و أنا وراها بيني و بينها أقل من 10 متر (مسافة كده للامان) لحد مادخلنا نفق التجمع الخامس و بدأت أهدي شوية فالبي ام بعدت و لحقت بيا السيراتو و الكورولا بينما ظلت الالنترا الثانية خلفي لحد ماطلعنا من النفق و بعدين أنا و الالنترا طلعنا و طرنا لحد مالحقنا بباقي القافلة (الكورولا - السيراتو - البي أم) و هوب أنا و الالنترا التانية عدينا من يمينهم و شمالهم زي الأعصار و دخلنا نفق التجمع الاول و أحنا جايبين تقريبا ال 140 كم/س و عند نهاية النفق بدأنا نهدي تاني مع بعض
شوية و لحقت بنا الكورلا اللي تخطت من الشمال و قائدها زنق نفسه بيني و بين عربية نقل شايلة بلدوزر و مصمم يدخل معايا طبعا فضلت السلامة و ضربت فرامل علشان اوسع له فدخل هو و بعدين دخلت وراه و في ثواني كنت أنا و الالنترا التانية عاملين كماشة من يمينه و شماله و طالعين منه بمنتهي القوة و ماهي الا ثواني اخري و لاقيت نور بيرعش لي في المراية أتاريه السيراتو ظهر أخيرا لكن كنت خلاص عديت موبيل الماريوت و بدأت أهدي و ادي أشارة يمين علشان انزل الي طريق السويس لأترك الالنترا تتخطي من اليمين و افسح الطريق للسيراتو للتخطي من اليسار و و أنا نازل من الدائري لمحت في المراية الكورولا جاية طايرة ووراها البي ام لكن التسونامي الكوري كان واضح أنه سابق بمسافة هههههههههههههه
معلش طولت عليكم بس هيا حكاية مالهاش اي علاقة باي مقارنة بين اي موديل سيارات دلوقتي و الشداية في حد ذاتها كانت في حدود الامان و قادة السيارات الاربعة الاخري كانوا مثلي بيراعوا المسافات و الامان و مافيش حركات خطرة
المهم أنا أستفدت من الشداية دي أني لاحظت أن سحب العربية اتحسن و لاقيت الاستهلاك بدأ ينزل لما كنت ماشي علي طريق السويس ووصل ل 7.6 لتر / 100 كم رغم كل الحرق ده
واضح يا جماعة أن العيب بتاع استهلاك البنزين ده مش في العربيات و لا في نوعية البنزين و لكنه في الزحام و الطرق و المرور