استفتسار عن وحدة مرور المعادى

**vasodilator** · 25-09-2013 01:22 AM

السلام عليكم جمعيا
كنت عاوز اعرف فين بالظبط وحدة مرور المعادى لو انا جاى من الشرقيه وهاخد الدايرى

**Mostafa Khalil** · 25-09-2013 01:57 AM

تنزل نزلة الاوتوستراد و تلف و ترجع في اتجاه حلوان اقل من 1 كيلوبعد ماتعدي من تحت الدائري حتلاقي دخلة شارع النصر في المعادي تنزلها هية بالظبط بعد بنزينة شل علي طول تنزلها و تمشي 200 متر بالضبط حتلاقي تقاطع خوش يمين و امشي حوالي 600 متر حتلاقي المرور علي اليمين هو اسمه مرور البساتين مش المعادي

**vasodilator** · 25-09-2013 09:36 AM

بس رخصه العربيه مكتوب فيها وحدة مرور المعادى
وفى ناس قالولى هتنزل عند كارفور المعادى وتاخد تاكس للمرور

**akmm** · 25-09-2013 10:37 AM

فعلا مرور المعادى غير البساتين والمعادى انزل فعلا عند كرفور المعادى وخد تاكسى يوديك للمرور لان المكان صعب الشرح فيه .

**vasodilator** · 26-09-2013 01:22 AM

شاكر جدا لتفاعل حضراتكم

**Mostafa Khalil** · 26-09-2013 02:07 AM

الله اعلم انا ساكن في المعادي و عربيتي في المرور الي بقولك عليه ده يمكن اسمه المعادي الله اعلم

**vasodilator** · 27-09-2013 01:26 AM

طيب هو قريب من كارفور المعادى عند مساكن بتشو؟؟
المنطقه اسمها ازهار المعادى

**Mostafa Khalil** · 28-09-2013 06:18 PM

بص يا باشا مش حتنزل نازلة شارع النصر الي انا قلتلك عليها فوق سبها و كمل حوالي 1.5 كيلو حتلاقي نزلة زهراء المعادي تنزلها و تلف اول يو تيرن و ترجع في حتعدي من تحت الاوتوستراد كمل علي طول و اسال علي نادي وادي دجلة هو في سكته لاغية متلاقي جامع كبير هناك اسال علي المرور حيبقي قريب منك اوي طبعا الكلام ده من دائري التجمع الخامس

**أحمد جودة** · 29-09-2013 01:35 PM

دة أمام عمارات أمريكان بيتشو ........ لو جاي من الشرقية صحراوي طريق بلبيس دائري من اتجاة التجمع هتنزل نفق بتروجاس وفيه طريق فرعي من جمب بتروجاس ينزلك على المرور عدل الطريق مايتوهش .........أما لو جاي زراعي كورنيش النيل هتبقي لفة شوية وممكن اوصفهالك ....... اسأل على كوبري شمال طرة بعد المعادي بحوالي 2 كيلو تطلع الكوبري فى اتجاة الاتوستراد وبعد كدة من جمب خير زمان تاخد الشارع لاخرة شمال بردو لاخر الشارع فى يمين تلاقي المرور ......... تحياتي

طبعا متنساش تسال كل ماتمشي شوية علشان تكون متاكد انك ماشي صح